കാറപകടത്തില്‍ പരിക്കേറ്റ മലയാളി മരിച്ചു

മനാമ: കാറപകടത്തില്‍ പരിക്കേറ്റ് ചികിത്സയിലായിരുന്ന കോഴിക്കോട് ബാലുശ്ശേരി പൂനത്ത് ഇടച്ചേരിപോയില്‍ ബീരാന്‍െറ മകന്‍ ആബിദ് കുറ്റിയുള്ളതില്‍ (27) മരിച്ചു. മാതാവ്: മറിയം. ഭാര്യ സജി. മക്കള്‍: സന ഫാത്തിമ, മുഹമ്മദ് സിനാന്‍. മൃതദേഹം നാട്ടിലേക്ക് കൊണ്ടുപോകുമെന്ന് ബന്ധുക്കള്‍ അറിയിച്ചു.
തിങ്കളാഴ്ച പുലര്‍ച്ചെ അസ്റി ബീച്ചിനു സമീപമായിരുന്നു അപകടം. ഒപ്പമുണ്ടായിരുന്ന സുഹൃത്തുക്കള്‍ പയ്യോളി സ്വദേശി റാഫി ലത്തീഫ്, ബാലുശ്ശേരി സ്വദേശി മുഹമ്മദ് സാലി എന്നിവര്‍ക്കും പരിക്കേറ്റു. 
വാഹനം ഓടിച്ചിരുന്ന മുഹമ്മദ് സാലിയുടെ പരിക്ക് സാരമുള്ളതല്ല. റാഫി ലത്തീഫ് ചികിത്സയിലാണ്. 
ഗുദൈബിയയില്‍ സലൂണ്‍ ജീവനക്കാരനായിരുന്ന മരിച്ച ആബിദ്. നാലുവര്‍ഷം മുമ്പാണ് ബഹ്റൈനില്‍ എത്തിയത്.