കലാം സ്മരണയില്‍ ഇന്ത്യന്‍ ക്ളബില്‍ മെഴുകുതിരി തെളിയിച്ചു

മനാമ: ഈയിടെ നിര്യാതനായ ഇന്ത്യയുടെ മുന്‍ രാഷ്ട്രപതി ഡോ.എ.പി.ജെ അബ്ദുല്‍ കലാമിനെ അനുസ്മരിച്ച് ഇന്ത്യന്‍ ക്ളബില്‍ നടന്ന പരിപാടിയില്‍ നിരവധി പേര്‍ പങ്കെടുത്തു. കലാമിന്‍െറ സ്മരണ പുതുക്കി മെഴുകു തിരികള്‍ കത്തിച്ചു. മുന്‍ പ്രസിഡന്‍റ് മാത്യു ജോസഫ് സ്വാഗതം പറഞ്ഞു. 

ഇന്ത്യന്‍ അംബാസഡര്‍ അലോക് കുമാര്‍ സിന്‍ഹ, മാധ്യമ പ്രവര്‍ത്തകന്‍ സോമന്‍ബേബി, സമാജം പ്രസിഡന്‍റ് വര്‍ഗീസ് കാരക്കല്‍, ഇന്ത്യന്‍ സ്കൂള്‍ സെക്രട്ടറി ഷെമിലി പി.ജോണ്‍, ഇന്ത്യന്‍ സ്കൂള്‍ മുന്‍ അധ്യക്ഷന്‍ രാധാകൃഷ്ണ പിള്ള തുടങ്ങിയവര്‍ സംബന്ധിച്ചു. കലാമിന്‍െറ ബഹ്റൈന്‍ സന്ദര്‍ശനത്തെക്കുറിച്ച് പ്രസിഡന്‍റ് ആനന്ദ് ലോബോ സംസാരിച്ചു. 

ഡോക്യുമെന്‍ററി പ്രദര്‍ശനവും ഉണ്ടായിരുന്നു.