കർണാടക സ്വദേശിയുടെ മൃതദേഹം നാട്ടിലെത്തിച്ചു

റിയാദ്​: ഹൃദയാഘാതം മൂലം റിയാദിൽ മരിച്ച കർണാടക സ്വദേശിയുടെ മൃതദേഹം മലയാളി സാമൂഹികപ്രവർത്തകരുടെ ഇടപെടലിൽ നാട്ടിലെത്തിച്ചു. ചിക്ക് മംഗ്ലൂർ സ്വദേശി ജോഷി (47) ആണ് ശുമൈസി കിങ്​ സഉൗദ്​ ആശുപത്രിയിൽ ചികിത്സയിലിരിക്കെ മരിച്ചത്. കഴിഞ്ഞ ദിവസം റിയാദിൽ നിന്ന്​ മുംബൈ വഴി മംഗലൂരുവിലെത്തിയ​ എയർ ഇന്ത്യ വിമാനത്തിലാണ് മൃതദേഹം നാട്ടിലേക്ക് കൊണ്ടുപോയത്​.

വിമാനത്താവളത്തിൽ നിന്ന്​ മൃതദേഹം ഏറ്റുവാങ്ങി സ്വദേശത്ത് സംസ്‌കരിച്ചു. പിതാവ്: ജെറോം, മാതാവ്: മേരി, ഭാര്യ: പ്രസ്‌ലി, മക്കൾ: ജോയ് വിൻ, ജസ്‌ലിൻ. മൃതദേഹം നാട്ടിലെത്തിക്കാൻ റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്​ ചെയർമാൻ റഫീഖ് പുല്ലൂർ, ഇസ്മാഇൗൽ പടിക്കൽ എന്നിവരുടെ നേതൃത്വത്തിലാണ് നടപടിക്രമങ്ങൾ പൂർത്തീകരിച്ചത്.