ശഹീൻ: എംബസിയുടെ കനിവു​ കാത്ത്​ പ്രവാസികൾ

മ​സ്​​ക​ത്ത്​: ശ​ഹീ​ൻ ചു​ഴ​ലി​ക്കാ​റ്റ്​ നാ​ശം വി​ത​ച്ച ബാ​ത്തി​ന മേ​ഖ​ല​യി​ലെ മ​ല​യാ​ളി​ക​ള​ട​ക്ക​മു​ള്ള പ്ര​വാ​സി​ക​ൾ എം​ബ​സി​യു​ടെ ക​നി​വ്​ കാ​ത്ത്​ ക​ഴി​യു​ന്നു. ഒ​ക്​​ടോ​ബ​ർ ആ​ദ്യ​വാ​രം രാ​ജ്യ​ത്ത്​ വീ​ശി​യ​ടി​ച്ച ചു​ഴ​ലി​ക്കാ​റ്റി​ൽ ഏ​റെ നാ​ശം നേ​രി​ട്ട​ത്​ ബാ​ത്തി​ന മേ​ഖ​ല​യി​ലാ​യി​രു​ന്നു. വെ​ള്ളം ക​യ​റി നി​ര​വ​ധി​ വീ​ടു​ക​ളാ​ണ്​ മേ​ഖ​ല​യി​ൽ വാ​സ​യോ​ഗ്യ​മ​ല്ലാ​താ​യ​ത്.

ദു​ര​ന്ത​ത്തി​ൽ നി​ര​വ​ധി പേ​രു​ടെ വ​സ്തു​വ​ക​ക​ളും കൃ​ഷി​വി​ള​ക​ളും വാ​ഹ​ന​ങ്ങ​ളും പാ​ർ​പ്പി​ട​വും ക​ച്ച​വ​ട സ്ഥാ​പ​ന​ങ്ങ​ളും ന​ശി​ച്ചി​രു​ന്നു. ഇ​തി​ൽ ഏ​റ്റ​വും കൂ​ടു​ത​ൽ നാ​ശം നേ​രി​ട്ട​ത് ക​ച്ച​വ​ട​ക്കാ​രാ​ണ്. മ​ല​യാ​ളി​ക​ള​ട​ക്ക​മു​ള്ള​വ​രു​ടെ നൂ​റു​ക​ണ​ക്കി​ന്​ വ്യാ​പാ​ര സ്ഥാ​പ​ന​ങ്ങ​ളും ത​ക​ർ​ന്നു. മ​ല​യാ​ളി​ക​ള​ട​ക്കം ഇ​ന്ത്യ​ക്കാ​രു​ടെ സ്ഥാ​പ​ന​ങ്ങ​ൾ​ക്കും വ​സ്തു​വ​ഹ​ക​ൾ​ക്കും നേ​രി​ട്ട ന​ഷ്​​ടം ഭീ​മ​മാ​ണ്. സ​ർ​ക്കാ​റി​െൻറ​യും സ​ന്ന​ദ്ധ സം​ഘ​ട​ന​ക​ളു​ടെ​യും മ​റ്റു സം​വി​ധാ​ന​ങ്ങ​ളു​ടെ​യും ചി​ട്ട​യാ​യ പ്ര​വ​ർ​ത്ത​ന​ത്താ​ൽ ബാ​ത്തി​ന മേ​ഖ​ല സാ​ധാ​ര​ണ നി​ല​യി​ലേ​ക്ക്​ തി​രി​ച്ചു​വ​ന്നു തു​ട​ങ്ങി​യി​ട്ടു​ണ്ട്. ഇ​വ​യി​ൽ 90 ശ​ത​മാ​ന​വും അ​റ്റ​കു​റ്റ​പ്പ​ണി​ക​ൾ ചെ​യ്​​തു തു​ട​ങ്ങി​യി​ട്ടു​ണ്ട്. ക​ട​മെ​ടു​ത്തും കൈ​യി​ലു​ള്ള​തെ​ല്ലാം വി​റ്റു​പെ​റു​ക്കി​യു​മാ​ണ്​ പ​ല​രും വീ​ണ്ടും ഒ​ന്നി​ൽ​നി​ന്ന്​ തു​ട​ങ്ങി​യി​രി​ക്കു​ന്ന​ത്. കോ​വി​ഡ്​ കേ​സു​ക​ൾ കു​റ​ഞ്ഞു​​കൊ​ണ്ടി​രി​ക്കു​ന്ന സ​മ​യ​മാ​യ​തി​നാ​ൽ പു​ത്ത​ൻ സീ​സ​ണി​ൽ പ്ര​തീ​ക്ഷ​യ​ർ​പ്പി​ച്ച്​ സാ​ധ​ന​ങ്ങ​ളു​ടെ സ്​​റ്റോ​ക്കി​റ​ക്കി​യി​രു​ന്നു. ഇ​ങ്ങ​നെ​യു​ള്ള സാ​ധ​ന​ങ്ങ​ളാ​ണ്​ ശ​ഹീ​ൻ ചു​ഴ​റ്റി​യെ​റി​ഞ്ഞ​ത്. ​മ​ഹാ​മാ​രി​യു​ടെ പി​ടി​യി​ല​മ​ർ​ന്ന​തി​നാ​ൽ പ​ല ക​ട​ക​ളും മാ​സ​ങ്ങ​ളോ​റം തു​റ​ക്കാ​ൻ സാ​ധി​ച്ചി​രു​ന്നി​ല്ല.

ഇ​ത്ത​രം ക​ട​ക​ൾ​ക്ക്​ പ​ല​തി​നും ഭീ​മ​മാ​യ വാ​ട​ക​യും ന​ൽ​കാ​നു​ണ്ട്. ദു​ര​ന്ത ബാ​ധി​ത പ്ര​ദേ​ശ​ങ്ങ​ൾ എം​ബ​സി അ​ധി​കൃ​ത​ർ സ​ന്ദ​ർ​ശി​ച്ചി​രു​ന്നു. ഈ ​സ​മ​യ​ത്ത്​ വ്യാ​പാ​രി​ക​ള​ട​ക്ക​മു​ള്ള​വ​രു​ടെ പ്ര​ശ്​​ന​ങ്ങ​ൾ അ​ധി​കൃ​ത​രു​ടെ ശ്ര​ദ്ധ​യി​ൽ​പ്പെ​ടു​ത്തി​യി​രു​ന്നു. വ്യാ​പാ​ര സ്ഥാ​പ​ന​ങ്ങ​ളി​ലെ സാ​മ്പ​ത്തി​ക ന​ഷ്​​ട​ത്തി​ന്​ അ​ടി​യ​ന്ത​ര ഇ​ട​പെ​ട​ൽ വേ​ണ​മെ​ന്നും ആ​വ​ശ്യ​പ്പെ​ട്ടി​രു​ന്നു. പി​ന്നീ​ട്​ എം​ബ​സി​യു​ടെ ഓ​പ​ൺ ഹൗ​സി​ലും ഈ ​വി​ഷ​യ​ങ്ങ​ൾ ഉ​ന്ന​യി​ച്ചു. എ​ന്നാ​ൽ, കെ​ടു​തി ന​ട​ന്നി​ട്ട്​ മാ​സ​ങ്ങ​ൾ ക​ഴി​ഞ്ഞി​ട്ടും എം​ബ​സി അ​ധി​കൃ​ത​രു​ടെ ഭാ​ഗ​ത്തു​നി​ന്നും ക്രി​യാ​ത്​​മ​ക​മാ​യ ഒ​രു ന​ട​പ​ടി​യും ഉ​ണ്ടാ​യി​ല്ലെ​ന്ന്​ സാ​മൂ​ഹി​ക പ്ര​വ​ർ​ത്ത​ക​ർ ആ​രോ​പി​ച്ചു.

അ​തേ​സ​മ​യം, ചു​ഴ​ലി​ക്കാ​റ്റി​ലും പേ​മാ​രി​യി​ലും പാ​സ്പോ​ർ​ട്ട്‌ ന​ഷ്​​ട​പ്പെ​ട്ട​വ​ർ​ക്ക്​ അ​ധി​കൃ​ത​ർ ന​ൽ​കി​യ ഫോ​റം പൂ​രി​പ്പി​ച്ച്​ സാ​മൂ​ഹി​ക പ്ര​വ​ർ​ത്ത​ക​ർ മു​ഖേ​ന എം​ബ​സി​ക്ക്​ ന​ൽ​കി​യി​ട്ടു​ണ്ട്. ഇ​ത്​ ഡ​ൽ​ഹി​യി​ലെ മ​ന്ത്രാ​ല​യ​ത്തി​ലേ​ക്ക് അ​യ​ച്ചു​കൊ​ടു​ക്കും. അ​വി​ടു​ന്ന്​ വ​രു​ന്ന നി​ർ​ദേ​ശ​മ​നു​സ​രി​ച്ചാ​യി​രി​ക്കും പാ​സ്​​പോ​ർ​ട്ടു​ക​ൾ പു​തു​ക്കി​ന​ൽ​ക​ലും മ​റ്റും. നാ​ട്ടി​ൽ പോ​കേ​ണ്ട​വ​രു​ടെ​യും വി​സ ക​ഴി​യാ​റാ​യ​വ​രു​ടെ​യും പാ​സ്​​പോ​ർ​ട്ട്​ ഇ​ക്കൂ​ട്ട​ത്തി​ലു​ണ്ട്. ജോ​ലി ചെ​യ്യു​ന്ന സ്ഥാ​പ​ന​ത്തി​ൽ സൂ​ക്ഷി​ച്ച​തും സ്വ​ന്ത​മാ​യി കൈ​യി​ൽ വെ​ച്ച​തു​മാ​യ പാ​സ്​​പോ​ർ​ട്ടു​ക​ളൊ​ക്കെ​യാ​ണ്​ ന​ശി​ച്ചു​പോ​യ​ത്. ബാ​ത്തി​ന മേ​ഖ​ല​ക​ളി​ലെ വി​വി​ധ വി​ലാ​യ​ത്തു​ക​ളി​ലാ​യി 26,000ത്തി​ല​ധി​കം ആ​ളു​ക​ൾ​ക്കാ​ണ്​ ശ​ഹീ​ൻ ചു​ഴ​ലി​ക്കാ​റ്റി​െൻറ ആ​ഘാ​തം ബാ​ധി​ച്ച​തെ​ന്ന്​ എ​മ​ർ​ജ​ൻ​സി മാ​നേ​ജ്​​മെൻറ്​ ക​മ്മി​റ്റി അ​റി​യി​ച്ചി​രു​ന്നു. മു​സ​ന്ന 4,446, സു​വൈ​ഖ്​ 14,311, ഖാ​ബൂ​റ 6,101, സ​ഹം 1,308 എ​ന്നി​ങ്ങ​നെ​യാ​ണ്​ വി​വി​ധ വി​ലാ​യ​ത്തു​ക​ളി​ലാ​യി ​കേ​സു​ക​ൾ റി​പ്പോ​ർ​ട്ട്​ ചെ​യ്​​തി​രി​ക്കു​ന്ന​ത്. ഒ​ക്ടോ​ബ​ർ 24 വ​രെ​യു​ള്ള ക​ണ​ക്കു​പ്ര​കാ​ര​മാ​ണി​ത്.