കാപ്പിയിൽ ഈ സൗദി കലാകാരി വിരിയിച്ചത്​ വരയുടെ ഗിന്നസ്​ റെക്കോഡ്​

ജിദ്ദ: കാലാവധി കഴിഞ്ഞ കാപ്പിപ്പൊടിയിൽ ഈ സൗദി കലാകാരി വരച്ചുകാട്ടിയ വിസ്​മയത്തിന്​ ഗിന്നസ്​ റെക്കോഡി​െൻറ തിളക്കം. ലോകത്തെ ഏറ്റവും വലിയ 'കോഫി പെയിൻറിങ്​' വരച്ചാണ്​ ഒഹുദ്​ അബ്​ദുല്ല അൽമാകി റെക്കോഡ്​ പുസ്​തകത്തിൽ ഇടം നേടിയത്​. 220 ചതുരശ്ര മീറ്റർ നീളത്തിൽ സൗദിയിലെയും അയൽരാജ്യമായ യു.എ.ഇയിലെയും നേതാക്കളുടെ ചിത്രമാണ്​ അൽമാകി പകർത്തിയത്​.

'45 ദിവസത്തെ തുടർച്ചയായ അധ്വാനം കൊണ്ടാണ്​ ഇത്​ പൂർത്തിയാക്കിയത്​. രണ്ടു സാക്ഷികള​ുടെ നിരീക്ഷണവും വിഡിയോ റെക്കോഡിങ്ങും ഉണ്ടായിരുന്നു.' -അൽമാകി പറഞ്ഞു. 'നസീജ്​ വൺ' എന്നാണ്​ ഈ ആർട്ട്​വർക്കിന്​ പേരിട്ടിരിക്കുന്നത്​. ഏഴു തുണികൾ ബന്ധിപ്പിച്ച കാൻവാസിൽ ജിദ്ദയിലായിരുന്നു കാപ്പിപ്പൊടിയിലെ ചിത്രരചന.

ഗിന്നസി​െൻറ വിശദീകരണമനുസരിച്ച്​ അൽമാകി നാലരക്കിലോ കാപ്പിയാണ്​ ചിത്രനിർമാണത്തിനായി ഉപയോഗിച്ചിട്ടുള്ളത്​. ഇതാദ്യമാണ്​​ ഒരു സൗദി വനിത ഒറ്റക്ക്​ റെ​ക്കോഡിന്​ ഉടമയാകുന്നതെന്ന്​ ഗിന്നസ്​ അധികൃതർ വ്യക്​തമാക്കി. രാജ്യത്തിനകത്തും പുറത്തുമുള്ള വനിതകളുടെ ശാക്​തീകരണത്തിന്​ ത​െൻറ നേട്ടങ്ങൾ കരുത്തുപകരുമെന്ന്​ അൽമാകി പ്രത്യാശ പ്രകടിപ്പിച്ചു.