Begin typing your search above and press return to search.
exit_to_app
exit_to_app
Homechevron_rightGulf Homechevron_rightബഹ്​റൈനിൽ ആഗസ്​റ്റ്​...

ബഹ്​റൈനിൽ ആഗസ്​റ്റ്​ 28 മുതൽ പള്ളികളിൽ സുബ്ഹ് നമസ്​കാരം അനുവദിക്കും

text_fields
bookmark_border
ബഹ്​റൈനിൽ ആഗസ്​റ്റ്​ 28 മുതൽ പള്ളികളിൽ സുബ്ഹ് നമസ്​കാരം അനുവദിക്കും
cancel

മനാമ: പള്ളികള്‍ ഘട്ടം ഘട്ടമായി തുറക്കുന്നതിന് നീതിന്യായ-ഇസ്​ലാമിക കാര്യ-ഒൗഖാഫ് മന്ത്രാലയം തീരുമാനിച്ചു. ഇസ്​ലാമിക കാര്യ സുപ്രീം കൗണ്‍സിലി​െൻറ നിര്‍ദേശം പരിഗണിച്ചാണ്​ ഇത്തരമൊരു തീരുമാനമെടുത്തിട്ടുള്ളത്.

ആദ്യ ഘട്ടത്തില്‍ ആഗസ്​റ്റ്​ 28 മുതൽ പള്ളികള്‍ സുബ്ഹ് നമസ്​കാരത്തിന് മാത്രം തുറക്കും. അല്‍ ഫാതിഹ് ഗ്രാൻറ്​ മോസ്​കിലൊഴികെ ബാക്കി പള്ളികളില്‍ ജുമുഅ നമസ്​കാരം തല്‍ക്കാലം ഉണ്ടാവുകയില്ല. പുരുഷന്മാര്‍ക്ക് മാത്രമാണ് സുബ്ഹ് നമസ്​കാരത്തിന് അനുതതി നല്‍കുക.

കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായിട്ടാണ്​ ആരാധനാലയങ്ങള്‍ അടച്ചിടാന്‍ തീരുമാനിച്ചത്. കോവിഡ് കേസുകള്‍ കുറഞ്ഞു കൊണ്ടിരിക്കുന്നതി​െൻറ പശ്ചാത്തലത്തില്‍ നിയന്ത്രണങ്ങള്‍ ഘട്ടം ഘട്ടമായി ഒഴിവാക്കാനാണ് ബന്ധപ്പെട്ടവരുടെ തീരുമാനം.

ആരോഗ്യ നിര്‍ദേശങ്ങള്‍ പാലിച്ചായിരിക്കും പള്ളികള്‍ തുറന്നു പ്രവര്‍ത്തിക്കുകയെന്നും അറിയിച്ചിട്ടുണ്ട്​. ആരോഗ്യ നിര്‍ദേശങ്ങള്‍ പാലിക്കാതെയാണ് നമസ്​കാരം നടക്കുന്നതെങ്കില്‍ അത്തരം പള്ളികള്‍ അടച്ചിടും. കോവിഡ് പ്രോട്ടോകോള്‍ പാലിക്കുന്നതില്‍ പ്രത്യേകം ശ്രദ്ധ ചെലുത്തണമെന്നും നിര്‍ദേശിച്ചിട്ടുണ്ട്. പള്ളികളുടെ പ്രവേശന കവാടത്തില്‍ ഒരുമിച്ചു കൂടുന്നത് ഒഴിവാക്കണം. നമസ്​കരിക്കുന്നവര്‍ ഓരോരുത്തരും മറ്റുള്ളവരില്‍ നിന്ന്​ രണ്ട് മീറ്റര്‍ അകലം പാലിക്കണം. നമസ്​കാരത്തിന് 10 മിനിറ്റ് മുമ്പായിരിക്കും പള്ളികള്‍ തുറക്കുക. ബാങ്കിന് അഞ്ച് മിനിറ്റ് കഴിഞ്ഞ് നമസ്​കാരം ആരംഭിക്കും. നമസ്​കാര ശേഷം 10 മിനിട്ട് കഴിഞ്ഞ് പള്ളികള്‍ അടക്കും. നമസ്കാരത്തിന് മുമ്പും പിമ്പുമുള്ള ഐച്​ഛിക നമസ്​കാരങ്ങള്‍ പള്ളിയില്‍ അനുവദിക്കുന്നതല്ല. 15 വയസ്സില്‍ താഴെയുള്ളവര്‍ക്കും 60 വയസ്സ് കഴിഞ്ഞവര്‍ക്കും നമസ്​കാരത്തിന് വരാന്‍ വിലക്കുണ്ട്.

കോവിഡ് ലക്ഷണങ്ങളുള്ളവര്‍ നമസ്​കാരത്തിന് വരരുത്. അംഗശുദ്ധി വരുത്താനുള്ള സ്ഥലവും ബാത് റൂമുകളും ​കുടിവെള്ള സംവിധാനങ്ങളും അടച്ചിടും. വീട്ടില്‍ നിന്ന്​ അംഗശുദ്ധി വരുത്തിയാണ് നമസ്​കാരത്തിനെത്തേണ്ടത്. ഒാരോരുത്തരും സ്വന്തമായി നമസ്​കാര പടം കരുതേണ്ടതാണ്. നമസ്​കാര ശേഷം അവ പള്ളിയില്‍ സൂക്ഷിക്കാന്‍ പാടില്ല.

മാസ്​ക്​ ധരിച്ച്​ വേണം പള്ളികളില്‍ പ്രവേശിക്കാൻ. സാനിറ്റൈസര്‍ അടക്കമുള്ള ശുചീകരണ നടപടികള്‍ പള്ളിയില്‍ കയറും മുമ്പ്​ പൂര്‍ത്തിയാക്കണം. പ്രാര്‍ഥിക്കാനത്തെുന്നവര്‍ വാതിലില്‍ സ്​പര്‍ശിക്കാതിരിക്കുന്നതിനായി പള്ളിയുടെ വാതിലുകള്‍ തുറന്നിടേണ്ടതാണ്. നമസ്​കാരത്തിന് മുമ്പും ശേഷവും വാതില്‍ പിടികള്‍ ശുചീകരിക്കണം. നമസ്​കാരത്തിന് മുമ്പോ ശേഷമോ കൈകൊടുക്കുന്നത് ഒഴിവാക്കണം. കസേരയിലിരുന്ന് നമസ്​കരിക്കുന്നവര്‍ക്കായി നേരത്തെ തന്നെ അവ ശുചീകരണം നടത്തി സൂക്ഷിക്കണം തുടങ്ങിയ കര്‍ശന നിര്‍ദേശങ്ങളാണ് പുറപ്പെടുവിച്ചിട്ടുള്ളത്​.

Show Full Article
TAGS:
Next Story