യു.എസിൽ പട്ടാപ്പകൽ വൻ കൊള്ള; 50 പേർ ചേർന്ന് കവർന്നത് 83 ലക്ഷത്തിന്റെ വസ്തുക്കൾ

ലോസ് ആഞ്ജലസ്: നഗരത്തിലെ ഡിപ്പാർട്ട്മെന്റ് സ്റ്റോറിൽ പട്ടാപ്പകൽ വൻ കൊള്ള. ലോസ് ആഞ്ജലസിലെ നോർഡ്‌സ്ട്രോം ഡിപ്പാർട്ട്‌മെന്റ് സ്റ്റോറിലാണ് ആയുധധാരികളായ 50 ഓളം കള്ളന്മാർ പകൽസമയത്ത് ഇരച്ചുകയറി വൻ മോഷണം നടത്തിയത്.
ഏകദേശം 83 ലക്ഷത്തിനടുത്ത് വിലയുള്ള സാധനങ്ങളുമായാണ് സംഘം രക്ഷപ്പെട്ട​െതന്ന് ലോസ് ആഞ്ജലസ് പോലീസ് അറിയിച്ചു. മുഖംമൂടി ധരിച്ചെത്തിയ സംഘം സുരക്ഷാ ഗാർഡുകളെ ആക്രമിച്ചാണ് കവർച്ച നടത്തിയത്. ശനിയാഴ്ച വൈകുന്നേരം നാല് മണിയോടെ ടോപംഗ മാളിലാണ് കവർച്ച നടന്നത്. കുറ്റവാളികൾ വിലകൂടിയ ബാഗുകളും വസ്ത്രങ്ങളും മോഷ്ടിച്ചതായി അധികൃതർ അറിയിച്ചു.