കുവൈത്തിൽ ഞായറാഴ്​ച മുതൽ ഭാഗിക കർഫ്യൂ

കുവൈത്ത്​ സിറ്റി: കുവൈത്തിൽ ഞായറാഴ്​ച മുതൽ ഒരു മാസത്തേക്ക്​ ഭാഗിക കർഫ്യൂ. വൈകീട്ട്​ അഞ്ചുമുതൽ പുലർച്ചെ അഞ്ച്​ വരെയാണ്​ കർഫ്യൂ നടപ്പാക്കുക. കോവിഡ്​ കേസുകൾ വൻതോതിൽ ഉയരുന്ന പശ്ചാത്തലത്തിലാണ്​ നടപടി. റമദാന്​ മുമ്പ്​ കർഫ്യൂ പിൻവലിച്ചേക്കുമെന്നും റിപ്പോർട്ടുണ്ട്​. മാസപ്പിറ കാണുന്നതിനുസരിച്ച്​ ഏപ്രിൽ 13നോ 14നോ ആയിരിക്കും റമദാൻ ആരംഭം. കഴിഞ്ഞ നാലുദിവസങ്ങളിൽ റെക്കോഡ്​ കോവിഡ്​ കേസുകൾ റിപ്പോർട്ട്​ ചെയ്​ത പശ്ചാത്തലത്തിലാണ്​ കടുത്ത നടപടിക്ക്​ സർക്കാർ തീരുമാനിച്ചത്​. വൈകീട്ട്​ അഞ്ചുവരെ പ്രവർത്തിക്കാൻ കഴിയുന്നതിനാൽ വാണിജ്യ പ്രവർത്തനങ്ങളും​ തൊഴിലും പൂർണമായി നിലക്കുന്നില്ല എന്നത്​ മാത്രമാണ്​ നേരിയ ആശ്വാസം.