Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulf Homechevron_rightമലയാളികൾ ചതിച്ചു,...

മലയാളികൾ ചതിച്ചു, ബിസിനസ്​ തകർന്നു; ദുബൈയിൽ കുടുങ്ങി അഷ്​റഫ്

text_fields
bookmark_border
മലയാളികൾ ചതിച്ചു, ബിസിനസ്​ തകർന്നു; ദുബൈയിൽ കുടുങ്ങി അഷ്​റഫ്
cancel

ദുബൈ: 'എനിക്കെതിരെ അവർ പരാതി കൊടുക്ക​ട്ടെ. ജയിലിൽ പോയാൽ ഭക്ഷണമെങ്കിലും കിട്ടുമല്ലോ. സൗജന്യമായി കിടക്കാനൊരിടമെങ്കിലും കിട്ടുമല്ലോ'... രണ്ട്​ വർഷം മുൻപ്​ ദുബൈയിൽ മോശമല്ലാത്ത ബിസിനസ്​ നടത്തിയിരുന്ന കൊല്ലം സ്വദേശി അഷ്​റഫി​​െൻറ വാക്കുകളാണിത്​. ചതിച്ചത്​ രണ്ട്​ മലയാളികളാണ്​. ഇപ്പോൾ ബിസിനസുമില്ല, വരുമാനവുമില്ല. സുമനസുകളുടെ ​സഹാ​യ​ത്താൽ ഭക്ഷണം കിട്ടുന്നത്​ മാത്രം ആശ്വാസം. താമസത്തിനുള്ള വാടക നാട്ടിൽ നിന്ന്​ നൽകും. ഹൃദ്രോഗത്തി​​െൻറ ആകുലതകൾ വേറെയും.

രണ്ട്​ വർഷം മുൻപ്​ ഫോർട്ടുകൊച്ചിക്കാരായ രണ്ട്​ പേരെ പരിചയപ്പെട്ടതോടെയാണ്​ അഷ്​റഫി​​െൻറ ജീവിതം ദുരിതപൂർണമായി തുടങ്ങിയത്​.

സ്​നേഹം നടിച്ചു കൂടെക്കൂടിയ ഇവർ 25,000 ദിർഹം തട്ടിയെടുത്തുവെന്ന്​ മാത്രമല്ല, ചെക്ക്​ കേസിലേക്ക്​ വലിച്ചിടുകയും ചെയ്​തു. പത്ത്​ ദിവസം ജയിലറക്കുള്ളിൽ അകപ്പെട്ടതും പിഴ അടക്കേണ്ടി വന്നതും മൂലം അഷ്​റഫി​​െൻറ ജീവിതവും ബിസിനസും തകർന്നു. നിലവിൽ യു.എ.ഇയിൽ താമസിക്കുന്ന ഇരുവർക്കുമെതിരെ കേസ്​ നടത്താൻ പോലും പണമില്ലാത്ത അവസ്​ഥയിലാണ്​ അദ്ദേഹം. നിയമനടപടികളുമായി മുന്നോട്ടുപോകാനും പിഴ ഇളവിന്​ അപേക്ഷ നൽകാനും സഹായമനസ്​കരായ ആരെങ്കിലും മുന്നോട്ടുവരുമെന്ന പ്രതീക്ഷയിലാണ്​ ഹൃദ്രോഗിയായ അഷ്​റഫ്​.

ട്രേഡിങ്​ ലൈസൻസുണ്ടായിരുന്ന അദ്ദേഹം​ ഇന്ത്യയിൽ നിന്ന്​ പച്ചക്കറികൾ യു.എ.ഇയിലെത്തിക്കുന്ന ബിസിനസാണ്​ ചെയ്​തുകൊണ്ടിരുന്നത്​. ഇതുവഴി പരിചയപ്പെട്ടതാണ്​ ഫോർട്ടുകൊച്ചിക്കാരെ. വിശ്വാസത്തി​​െൻറ പുറത്ത്​ 25,000 ദിർഹം ഇവർക്ക്​ നൽകിരുന്നു. ഇതിന്​ പിന്നാലെ ഇവർക്ക്​ താമസ സൗകര്യം നൽകുന്നതിനായി നാല്​ ചെക്കുകൾ ഒപ്പിട്ട്​ നൽകുകയും ചെയ്​തു. ഫ്ലാറ്റിൽ താമസം തുടങ്ങുന്നതിന്​ ​ഉടമകൾക്ക്​ ചെക്ക്​ നൽകണമെന്നും അല്ലെങ്കിൽ താനും കുടുംബവും വഴിയിലാകുമെന്നും ആത്​മഹത്യ​ ചെയ്യേണ്ടിവരുമെന്നുമായിരുന്നു ഇവരിൽ ഒരാൾ അറിയിച്ചത്​.

ഗാരൻറി നിൽക്കാമെന്ന്​ കൂടെയുണ്ടായിരുന്നയാൾ പറഞ്ഞതി​​െൻറ അടിസ്​ഥാനത്തിലാണ്​ 10,500 ദിർഹമി​​െൻറ നാല്​ ചെക്ക്​ ഒപ്പിട്ട്​ നൽകിയത്​. ഇതിന്​ പുറമെ 'ദേവ' ബില്ലിനായി 2100 ദിർഹമി​​െൻറ മ​റ്റൊരു ചെക്കും നലകി. എന്നാൽ, ഒരു രൂപപോലും ഇവർ അടച്ചില്ല. ഇതോടെ ആദ്യ ഗഡുവായി അഷ്​റഫി​​െൻറ അക്കൗണ്ടിലുണ്ടായിരുന്ന 10,500 ദിർഹം പിടിച്ചു. പിന്നീട്​ അക്കൗണ്ടിൽ പണമില്ലാത്തതിനാൽ ചെക്ക്​ മടങ്ങി. ഇതോടെ ചെക്ക്​ കേസിൽ അറസ്​റ്റിലായി പത്ത്​ ദിവസം ജയിലിൽ കിടന്നു. 5000 ദിർഹം പിഴയടച്ചാണ്​ ഇവിടെ നിന്ന്​ പുറത്തിറങ്ങിയത്​.

ബിസിനസ്​ പച്ചപിടിക്കാതെ വന്നതോടെ അഷ്​റഫ്​ പ്രതിസന്ധിയിലായി. ജയിലിൽ നിന്ന്​ പുറത്തിറങ്ങിയ ശേഷം​ ഇവരെ സമീപിച്ച്​ കേസ്​ കൊടുക്കുമെന്ന്​ പറഞ്ഞതോടെ പണം ഉടൻ നൽകാമെന്ന്​ ചൂണ്ടിക്കാണിച്ച്​ കരാർ ഒപ്പുവെച്ചു. എന്നാൽ, പിന്നീട്​ വിളിച്ചിട്ട്​ ഫോൺ എടുക്കാത്ത അവസ്​ഥയായി. ജനുവരി 30ന്​ പണം നൽകാമെന്നായിരുന്നു പറഞ്ഞിരുന്നത്​. ഈ സമയത്തും പണം കിട്ടാതെ വന്നതോടെ അഷ്​റഫ്​ പട്ടിണിയിലായി. കയറിക്കിടക്കാൻ സ്​ഥലവും ഭക്ഷണവും ഇല്ലാത്ത അവസ്​ഥയുണ്ടായതായി അദ്ദേഹം പറയുന്നു.

കടുത്ത മാനസീക സംഘർഷത്തിലായ അഷ്​റഫ്​ ഹൃദയാഘാതത്തെ തുടർന്ന്​ ആശുപത്രിയിലുമായി. 40,000 ദിർഹം ബിൽ തുക വന്നെങ്കിലും ദുബൈ ചാരിറ്റി ഇടപെട്ട്​ ഈ തുക അടച്ചു. ഇവർ ഇത്തരത്തിൽ കൂടുതൽ പേരെ കുരുക്കുന്നുണ്ടെന്നാണ്​ അഷ്​റഫ്​ പറയുന്നത്​. ഒരു മാസം 900 ദിർഹം മരുന്നിന്​ തന്നെ വേണം. അൽ ഐനിലുള്ള സാദിഖി​​െൻറയും ദുബൈയിലുള്ള​ റഊഫി​​െൻറയും ഇടപെടലിനെ തുടർന്നാണ്​ ഇപ്പോൾ നിയമസഹായത്തി​​െൻറ വഴികൾ തേടുന്നത്​.

വിസ കാലാവധി അവസാനിച്ചു. യു.എ.ഇ സർക്കാർ വിസ കാലാവധി നീട്ടിയതിനാൽ ആഗസ്​റ്റ്​ പത്ത്​ വരെ ഇവിടെ തങ്ങാം. അതിന്​​ ശേഷം എന്ത്​ ചെയ്യു​െമന്നറിയില്ല. ദുബൈ അൽഷാബ്​ കോളനിയിൽ താമസിക്കുന്ന അഷ്​റഫി​​െൻറ പ്രധാന​ ആവശ്യം നിയമസഹായമാണ്​. ഇതിന്​ സന്നദ്ധരായവർ താഴെ പറയുന്ന നമ്പറിൽ ബന്ധപ്പെടണം: 0552558028.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kollam nativeashrafuae
Next Story