Begin typing your search above and press return to search.
exit_to_app
exit_to_app
Homechevron_rightGulf Homechevron_right'ഇന്ത്യയും മലേഷ്യയും...

'ഇന്ത്യയും മലേഷ്യയും തമ്മിൽ ​അഭേദ്യമായ വ്യാപാര ബന്ധം'-ട്രേഡ്​ കമ്മീഷനർ

text_fields
bookmark_border
ഇന്ത്യയും മലേഷ്യയും തമ്മിൽ ​അഭേദ്യമായ വ്യാപാര ബന്ധം-ട്രേഡ്​ കമ്മീഷനർ
cancel

ദുബൈ: ഇന്ത്യയും മലേഷ്യയും തമ്മിൽ അഭേദ്യമായ വ്യാപാര ബന്ധമാണുള്ളതെന്ന്​ മലേഷ്യൻ ട്രേഡ്​ കമ്മീഷനർ ഒമർ മുഹമ്മദ്​ സല്ലെ പറഞ്ഞു. ദുബൈ ​േ​വൾഡ്​ ട്രേഡ്​ സെൻററിൽ നടന്ന അറബ്​ ഹെൽത്തിൽ സംസാരിക്കുകയായിരുന്നു അദ്ദേഹം. ഇന്ത്യ- മലേഷ്യ വ്യാപാര ബന്ധത്തിന്​ വർഷങ്ങളുടെ പഴക്കമുണ്ട്​. ഇപ്പോഴും അത്​ മികച്ച രീതിയിൽ തുടരുന്നു. നിരവധി ഇന്ത്യക്കാർ വിനോദ സഞ്ചാരത്തിനെത്തുന്ന രാജ്യമാണ്​ മലേഷ്യ. കോവിഡ്​ കാലത്ത്​ ഇവർക്കെല്ലാം സുരക്ഷിത സഞ്ചാരമൊരുക്കുന്നുണ്ട്​. മെഡിക്കൽ ഉപകരണങ്ങൾ ഏറ്റവുമധികം ഉദ്​പാദിപ്പിക്കുന്ന രാജ്യമാണ്​ മലേഷ്യ.


പരിശോധന കിറ്റുകൾ, ഡിസ്​പോസിബ്​ൾ ഉപകരണങ്ങൾ, റബർ ഉൽപന്നങ്ങൾ തുടങ്ങിയവയെല്ലാം ഉദ്​പാദിപ്പിക്കുകയും കയറ്റുമതി ചെയ്യുകയും ചെയ്യുന്നു. മെഡിക്കൽ ഡിവൈസുകളുടെ ഹബായി മലേഷ്യ മാറിയിട്ടുണ്ട്​. കോവിഡ്​ കാലത്തും മലേഷ്യയുടെ വ്യാപാരം ഉയർന്നുകൊണ്ടിരിക്കുകയാണ്​. കോവിഡിനെ അതിജീവിക്കാൻ എല്ലാവിധ നടപടികളും ​സർക്കാർ കൈക്കൊള്ളുന്നുണ്ട്​. വാക്​സിനേഷൻ മികച്ച രീതിയിൽ പുരോഗമിക്കുന്നു.


പരിസ്​ഥിതി സംരക്ഷണ സന്ദേശം ഉൾകൊണ്ടാണ്​ എക്​സ്​പോ 2020യിൽ മലേഷ്യൻ പവലിയൻ നിർമിച്ചിരിക്കുന്നത്​. സുസ്​ഥിര ജീവിതത്തി​െൻറയും പരിസ്​ഥിതി സംരക്ഷണത്തി​െൻറയും ആശയം ഉൾകൊണ്ടാണ് പവലിയൻ നിർമിച്ചത്​. 22 മന്ത്രാലയങ്ങളുടെയും 40 ഏജൻസികളുടെയും സാന്നിധ്യം ഇവിടെയുണ്ടാകും. യു.എ.ഇ- മലേഷ്യ വ്യാപാര ബന്ധം ഊട്ടിയുറപ്പിക്കുന്നതാവും എക്​സ്​പോയെന്നും അദ്ദേഹം കൂട്ടിചേർത്തു.

Show Full Article
TAGS:India-Malaysia trade Commissioner 
Next Story