ഹൃദയാഘാതം; മലപ്പുറം സ്വദേശി മക്കയിൽ മരിച്ചു

മക്ക: ഹൃദയാഘാതത്തെത്തുടർന്ന് മലപ്പുറം സ്വദേശി മക്കയിൽ മരിച്ചു. മക്കരപ്പറമ്പ് വറ്റലൂര്‍ സ്വദേശി മേക്കുളമ്പ് ചക്രത്തൊടിക സി.എച്ച് മുഹമ്മദ് സലീം (44) ആണ് മരിച്ചത്. നെഞ്ചുവേദനയെത്തുടന്ന് ഇദ്ദേഹത്തെ മക്ക കിങ് അബ്ദുല്‍ അസീസ് ആശുപ​ത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. മക്കയിലെ നുസ്ഹയില്‍ ബ്രോസ്റ്റ് കടയില്‍ ജീവനക്കാരനായിരുന്നു. ഒരാഴ്ച മുമ്പ് ഇദ്ദേഹത്തതിന്റെ മാതാപിതാക്കളും ഭാര്യയും മകനും സന്ദർശന വിസയിൽ മക്കയിലെത്തിയിരുന്നു.

പിതാവ്: അബൂബക്കര്‍ മുസ്‍ലിയാർ. മാതാവ്: ഫാത്തിമ. ഭാര്യ: കൗലത്ത്. മക്കള്‍: സിനാന്‍, അദ്‌നാന്‍, ഫാത്തിമ സഹ്‍ല, ഫാത്തിമ ഫിദ, റുശ്ദ. സഹോദരങ്ങള്‍: ഷബീര്‍, മുജീബ്, ആരിഫ്, റഹ്മത്ത്, ഖൈറുന്നിസ, സുനീറ. നടപടിക്രമങ്ങൾ പൂർത്തിയാക്കി മയ്യിത്ത് മക്കയിൽ ഖബറടക്കുമെന്ന് ബന്ധുക്കള്‍ അറിയിച്ചു.