Begin typing your search above and press return to search.
exit_to_app
exit_to_app
Homechevron_rightGulf Homechevron_rightഖത്തറുമായുള്ള...

ഖത്തറുമായുള്ള തർക്കത്തിന്​ പൂർണ വിരാമമായി: സൗദി വിദേശകാര്യ മന്ത്രി

text_fields
bookmark_border
ഖത്തറുമായുള്ള തർക്കത്തിന്​ പൂർണ വിരാമമായി: സൗദി വിദേശകാര്യ മന്ത്രി
cancel
camera_alt

സൗദി വിദേശകാര്യ മന്ത്രി അമീർ ഫൈസൽ ബിൻ ഫർഹാൻ വാർത്താസമ്മേളനത്തിൽ സംസാരിക്കുന്നു

ജിദ്ദ: ഖത്തറുമായുള്ള തർക്കത്തിന്​ പൂർണ വിരാമമായതായി സൗദി വിദേശകാര്യ മന്ത്രി അമീർ ഫൈസൽ ബിൻ ഫർഹാൻ പറഞ്ഞു. അൽഉലായിൽ ചൊവ്വാഴ്​ച ജി.സി.സി രാജ്യങ്ങളുടെ ഉച്ചകോടിക്ക്​ ശേഷം നടത്തിയ വാർത്താസമ്മേളനത്തിലാണ്​ മന്ത്രി ഇക്കാര്യം വ്യക്തമാക്കിയത്​. സൗദി അറേബ്യ, ഇൗജിപ്​ത്​, യു.എ.ഇ, ബഹ്​റൈൻ എന്നീ രാജ്യങ്ങളും ഖത്തറും തമ്മിലുള്ള ബന്ധങ്ങൾ ഉടൻ പുനസ്ഥാപിക്കും. കൗൺസിലിൽ നേതൃത്വത്തി​െൻറയും സഹോദര രാഷ്​ട്രമായ ഇൗജിപ്തി​െൻറയും വിവേകപൂർണമായ നടപടികളിലൂടെയാണ്​ വിയോജിപ്പുകൾക്ക്​ പൂർണമായ വിരാമവും നയതന്ത്രബന്ധങ്ങളുടെ സമ്പൂർണ തിരിച്ചുവരവുമുണ്ടായിരിക്കുന്നത്​.

സൽമാൻ രാജാവി​െൻറ പ്രതിനിധിയായി കിരീടാവകാശി അമീർ മുഹമ്മദ്​ ബിൻ സൽമാ​െൻറ അധ്യക്ഷതയിൽ നടന്ന 41ാമത്​ ജി.സി.സി ഉച്ചകോടി കൗൺസിൽ സംവിധാനത്തി​െൻറയും അറബ്​ ദേശീയ സുരക്ഷയുടെയും പരമോന്നത താൽപര്യങ്ങളെ ഉയർത്തികൊണ്ടുവന്നു. ഒരു വീട്ടിൽ എത്ര അഭിപ്രായ വ്യത്യാസങ്ങളുണ്ടെങ്കിലും ജി.സി.സി രഷ്​ട്രനേതാക്കൾക്ക്​ അതെല്ലാം വിവേക​ത്തോടെ മറികടക്കാനും സുരക്ഷിത തീരത്തേക്കും രാജ്യത്തെയും ജനങ്ങളെയും എത്തിക്കാനും കഴിയുമെന്ന സന്ദേശം ലോകമെമ്പാടും നൽകാൻ ഉച്ചകോടിയിലൂടെ കഴിഞ്ഞെന്നും വിദേശകാര്യ മന്ത്രി പറഞ്ഞു.

എല്ലാ പ്രശ്​നങ്ങളും അവസാനിപ്പിക്കാനുള്ള രാഷ്​ട്രങ്ങളുടെ പ്രതിബദ്ധത ഉറപ്പുനൽകുന്നതാണ്​ അൽഉല കരാർ. കാര്യങ്ങൾ സ്വാഭാവികവും ശരിയായതുമായ പാതയിലേക്ക്​ മടങ്ങിവരുന്നതിനെ പ്രതിനിധീകരിക്കുന്നു. മേഖലയുടെ സുരക്ഷയും സ്ഥിരതയും വർധിപ്പിക്കുകയും ജനങ്ങളുടെ ആഗ്രഹങ്ങൾ യഥാർഥ്യമാക്കുകയും ചെയ്യുന്നതാണ്​ കരാർ. ഉഭയകക്ഷി ചർച്ചകളിലൂടെയും ഏകോപനത്തിലൂടെയും സഹകരണം വർധിപ്പിക്കുക, പ്രത്യേകിച്ച്​ തീവ്രവാദത്തിനും കുറ്റകൃത്യങ്ങൾക്കുമെതിരെ സഹകരിച്ച്​ പ്രവർത്തിക്കുക എന്നിവ കരാറി​െൻറ ഉള്ളടക്കത്തിലുണ്ട്​.

ജി.സി.സി നേതാക്കളുടെ വിവേകവും കുവൈത്തി​െൻറ അശ്രാന്ത പരിശ്രമവും അമേരിക്കയുടെ പിന്തുണയും ഇല്ലായിരുന്നുവെങ്കിൽ അൽഉലാ കരാർ യഥാർഥ്യമാക്കാൻ കഴിയുമായിരുന്നില്ല. കുവൈത്ത്​ മുൻ അമീർ നടത്തിയ അശ്രാന്ത പരിശ്രമങ്ങൾ ഒാർമിക്കപ്പെ​ടേണ്ടതുണ്ട്​. അതേ സമീപനമാണ്​ നിലവിലെ കുവൈത്ത്​ അമീർ ശൈഖ്​ നവാഫ്​ അൽഅഹ്​മദ്​ അൽജാബിർ അൽസ്വബാഹ്​ പിന്തുടർന്നത്​. 41ാത്​ ഉച്ചകോടിക്ക്​ വേണ്ടി യു.എ.ഇ നടത്തിയ ശ്രമങ്ങൾക്ക്​ നന്ദിയുണ്ട്​. ഉച്ചകോടിയിൽ ജി.സി.സി രാജ്യങ്ങളുടെ നേതാക്കളും തലവന്മാരും പൊതുതാൽപര്യമുള്ള പ്രാദേശികവും അന്തർദേശീയവുമായ നിരവധി വിഷയങ്ങൾ ​ചർച്ച ചെയ്​തതായും വിദേശകാര്യ മന്ത്രി പറഞ്ഞു.

ഫോ​േട്ടാ:

Show Full Article
TAGS:GCC press meet Saudi foreign minister qatar 
Next Story