കുവൈത്തിൽ വ്യാജ സർട്ടിഫിക്കറ്റ്​ തയാറാക്കുന്ന റാക്കറ്റ്​

കുവൈത്ത്​ സിറ്റി: കുവൈത്തിൽ വിദേശ തൊഴിലാളികൾക്ക്​ വ്യാജ സർട്ടിഫിക്കറ്റ്​ നിർമിച്ച്​ നൽകുന്ന റാക്കറ്റ്​ പ്രവർത്തിക്കുന്നതായി മാനവ വിഭവ ശേഷി സമിതി. ഫഹാഹീൽ കേന്ദ്രീകരിച്ച്‌ വ്യാജ അറ്റസ്​റ്റേഷൻ ചെയ്തു കൊടുക്കുന്ന സ്വകാര്യ ഏജൻസിയിലെ ഏഴുപേരെ കഴിഞ്ഞ ആഴ്ച രഹസ്യാന്വേഷണ വിഭാഗം പിടികൂടിയിരുന്നു. ഇതി​െൻറ അടിസ്ഥാനത്തിലാണ്​ ഇന്ത്യൻ എൻജിനീയർമാർക്ക്​ എൻ.ഒ.സി നൽകുന്നത്​ കുവൈത്ത്​ എൻജിനീയേഴ്​സ്​ സൊസൈറ്റി താൽക്കാലികമായി നിർത്തിയത്​. ഇതുമായി ബന്ധപ്പെട്ട്​ അധികൃതർ വിശദമായ അന്വേഷണം നടത്തും.

വർക്ക്​ പെർമിറ്റ്​ പുതുക്കാൻ വ്യാജ സർട്ടിഫിക്കറ്റ്​ തയാറാക്കി നൽകുന്നതിനൊപ്പം സർക്കാർ ഏജൻസികളുടെ വ്യാജ സീലുകൾ ഉപയോഗിക്കുന്നതായും കണ്ടെത്തിയിട്ടുണ്ട്​. വ്യാജ സർവകലാശാല സർട്ടിഫിക്കറ്റുകൾ നിർമിച്ച്​ കുവൈത്തിൽ വിതരണം ചെയ്​തുവന്ന കേസിലെ ഇൗജിപ്​ത്​ പൗരനായ പ്രതിയെ ഇൻറർപോളി​െൻറ സഹായത്തോടെ കഴിഞ്ഞ മാസം കുവൈത്തിലെത്തിച്ച്​ പിടികൂടിയിരുന്നു. ഇൗജിപ്​ഷ്യൻ സർവകലാ ശാലകളിൽനിന്നുള്ള വ്യാജ സർട്ടിഫിക്കറ്റുകൾ സംബന്ധിച്ച്​ നേരത്തെ നിരവധി പരാതി ഉയർന്നിരുന്നു.

ഇപ്പോൾ ഇപ്പോൾ ഇന്ത്യൻ സംഘവും സജീവമാണെന്ന്​ വെളിപ്പെട്ടത്​ വരും ദിവസങ്ങളിൽ അധികൃതരെ കർശന നിരീക്ഷണത്തിനും നടപടികൾക്കും പ്രേരിപ്പിക്കും. വ്യാജ സർട്ടിഫിക്കറ്റുമായി ബന്ധപ്പെട്ടവർക്കെതിരെ കർശന നടപടി സ്വീകരിക്കുമെന്ന്​ അധികൃതർ വ്യക്​തമാക്കിയിട്ടുണ്ട്​. ശമ്പളമായും മറ്റ്​ ആനുകൂല്യങ്ങളായും ഇവർ നേടിയതൊക്കെയും തിരിച്ചുപിടിക്കുമെന്നാണ്​ അധികൃതരുടെ മുന്നറിയിപ്പ്​.