പ്രവാസി ഡിവിഡൻറ്​ സ്​കീം - സാധ്യതകൾ, വെല്ലുവിളികൾ

പ്രവാസി ഡിവിഡൻറ്​ സ്​കീം വീണ്ടും പ്രഖ്യാപിക്കട്ടിരിക്കുന്നു. പ്രവാസി സമൂഹത്തി​െൻറ ഫണ്ട് നാടി​െൻറ വികസന- ഭരണ പ്രവർത്തനങ്ങൾക്ക് ഉപയോഗപ്പെടുത്തുക എന്ന ലക്ഷ്യത്തിലാണ് പ്രവാസി ക്ഷേമനിധി ബോർഡി​െൻറ സഹകരണത്തോടെയുള്ള പദ്ധതി. കഴിഞ്ഞ തവണ 56.58 കോടിയാണ് സ്വരൂപിക്കാനായത്. കിഫ്‌ബിയുമായി സഹകരിച്ചാണ് ഫണ്ടി​െൻറ പ്രധാന വിനിയോഗം എന്നത് പ്രൊജക്ട് ബേസ്​ഡ്​ ഇൻവെസ്​റ്റ്​മെൻറുകളിൽ താൽപര്യമുള്ളവരിൽ ഇതിന് കൂടുതൽ സ്വീകാര്യത ഉണ്ടാക്കി. ഡിവിഡൻറ്​ സ്​കീം എന്ന ആശയത്തിലൂടെ പലിശ രഹിതമായ ഇൻവെസ്​റ്റ്​മെൻറ്​ സാധ്യതകൾ അന്വേഷിക്കുന്നവരെ അഭിമുഖീകരിന്നുണ്ടിത്​.

മുകളിൽ പരാമർശിക്കപ്പെട്ട പ്രത്യേകതകൾ അനുസരിച്ച് ഈ ഫണ്ടിനെ ഒരു പ്രവാസി പെൻഷൻ ഫണ്ടായി വിലയിരുത്തുന്നവരുണ്ട്. പെൻഷൻ സ്​കീമുകളിലെ പോലെ മരണ ശേഷം ജീവിത പങ്കാളിക്കും ആനുകൂല്യം ലഭിക്കുന്നു. വർഷാവർഷമുള്ള പ്രീമിയം പേമെൻറ്​ ഇല്ലെന്നത് ഇതിനെ പെൻഷൻ സ്​കീമുകളിൽ നിന്ന് വ്യത്യസ്​തമാക്കുന്നു. ബാങ്കുൾപ്പടെയുള്ള മറ്റു സേവിങ് സ്​കീമുകളെക്കാൾ കൂടുതൽ ലാഭവിഹിതം നൽകുന്നവയാണ് ഇവയെന്നും കാണാവുന്നതാണ്.

സർക്കാർ ഫണ്ട് എന്ന നിലയിൽ കുറേക്കൂടെ സുരക്ഷിതമായ ഫണ്ടാണിത്​. ട്രേഡബിലിറ്റി ഇല്ല എന്നതും ഇൻവെസ്​റ്റ്​മെൻറ്​ തുക പിൻവലിക്കാൻ കഴിയില്ലെന്നതുമാണ് ഉന്നയിക്കപ്പെടുന്ന പരിമിതികൾ. ചുരുക്കത്തിൽ, പ്രവാസി ക്ഷേമ നിധി ബോർഡ്, കിഫ്‌ബി, സർക്കാർ എന്നിവയുടെ സംയുക്‌ത സംരംഭമായ ഈ ഫണ്ട് ഒരുപരിധി വരെ ഒരു വിൻ വിൻ അപ്രോച്ച് ഉള്ള ഒരു നിക്ഷേപ സാധ്യതയാണെന്ന് വിലയിരുത്താവുന്നതാണ്.

സ്​കീമി​െൻറ എത്തിക്കൽ കപ്ലെയ്ൻസുമായി ബന്ധപ്പെട്ട് ചില പ്രശ്​നങ്ങൾ പൊതുവായി ഉന്നയിക്കപ്പെട്ടിട്ടുണ്ട്. ഡിവിഡൻറ്​ സ്​കീമുകൾ എന്ന് നാമകരണം ചെയ്യുന്നതിലൂടെ ഈ ഫണ്ട് പ്രധാനമായും ഇക്വിറ്റി അടിസ്​ഥാനമാക്കിയുള്ള ഇൻവെസ്​റ്റ്​മെൻറ്​ സ്​കീമുകളിൽ താൽപര്യമുള്ളവരെയാണ് ലക്ഷ്യം വെക്കുന്നത്. എന്നാൽ ഇത്തരം സ്​കീമുകളുമായി ബന്ധപ്പെട്ട് സ്വീകരിക്കുന്ന ഉപരിപ്ലവമായ സമീപനങ്ങളിലൂടെ മാത്രം ആ ഒരു കപ്ലയൻസിലേക്ക് എത്തുകയില്ല എന്നതാണ് യാഥാർഥ്യം. ഈ വിലയിരുത്തലിനെ മുഖവിലക്കെടുത്ത് സർക്കാർ ആവശ്യമായ സ്ട്രക്ച്ചറൽ കപ്ലയൻസിന് ശ്രമിച്ചാൽ വലിയ സ്വീകാര്യത ഇതിന് പ്രവാസി സമൂഹത്തിനിടയിൽ ഉണ്ടാവും.

സ്​കീമി​െൻറ പ്രത്യേകതകൾ:

• കേരളത്തിന് പുറത്ത് താമസക്കാരായ പ്രവാസികൾക്കാണ് ഈ ഫണ്ടിൽ നിക്ഷേപിക്കാൻ കഴിയുക. രണ്ട് വർഷമെങ്കിലും പ്രവാസികളായ റിട്ടേണീസിനും ഇതിൽ പങ്ക് ചേരാം.

• 3 ലക്ഷം മുതൽ 51 ലക്ഷം വരെയാണ് ഇതിൽ നിക്ഷേപിക്കാനാവുക. നിക്ഷേപം ഒറ്റത്തവണയായി നടത്തണം.

• നിക്ഷേപ തുകയുടെ 10ശതമാനമാണ് ഡിവിഡൻറ്​ ആയി നൽകുക.

• പണം നിക്ഷേപിച്ച് ആദ്യ മൂന്ന് വർഷം ഡിവിഡൻറ്​ വിതരണം ചെയ്യില്ല; പകരം അത് ഇൻവെസ്​റ്റ്​മെൻറ്​ ഫണ്ടിനോട് ചേർത്ത് (ക്യാപിറ്റലൈസഷൻ) നാലാമത്തെ വർഷം ഇൻവെസ്​റ്റ്​മെൻറ്​ തുകയും ഈ കാലയളവിലെ ഡിവിഡൻറ്​ തുകയും ചേർത്തുള്ള തുകക്കാണ് ലാഭം നൽകുക.

• ഇൻവെസ്​റ്റ്​ ചെയ്​ത തുക പിൻവലിക്കാനോ മറ്റൊരാൾക്ക് ട്രാൻസ്​ഫർ ചെയ്യാനോ ഈ സ്​കീം അനുവദിക്കുന്നില്ല.

• നിക്ഷേപക/ൻ മരണപ്പെട്ടാൽ അവരുടെ ജീവിത പങ്കാളിക്ക് അവരുടെ ജീവിത കാലം ഈ ഡിവിഡൻറ്​ തുക ലഭിച്ചുകൊണ്ടിരിക്കും. ഇവർ മരണപ്പെടുന്നത്തോടെ കോൺട്രാക്റ്റ് അസാധു ആവുകയും ഏറ്റവും അടുത്ത അനന്തരാവകാശികൾക്ക് ഈ ഫണ്ട് പിൻവലിക്കാൻ അവസരമൊരുക്കുകയും ചെയ്യും. അത് ലീഗൽ അനന്തരാവകാശികൾക്കിടയിൽ തുല്യമായി വീതിക്കും.