തേടിയെത്തിയ ഭാഗ്യം മുജീബ്​ വീതിച്ചുനൽകിയത്​ സ്വന്തം ജീവനക്കാർക്ക്​

മനാമ: നറുക്കെടുപ്പിലൂടെ വൻതുക സമ്മാനം ലഭിച്ചാൽ എന്ത്​ ചെയ്യും? സ്വന്തം ആവശ്യങ്ങൾക്കുവേണ്ടി ഉപയോഗിക്കുന്നവരായിരിക്കും മിക്കവരും. എന്നാൽ, സമ്മാനം ലഭിച്ച തുക സ്വന്തം സ്​ഥാപനത്തിലെ ജീവനക്കാർക്ക്​ വിതിച്ചുനൽകി പുതിയൊരു മാതൃക തീർക്കുകയാണ്​ ബഹ്​റൈനിലെ ഒരു മലയാളി.

മലപ്പുറം കോട്ടക്കൽ സ്വദേശിയും ബഹ്​റൈനിൽ അൽ റബീഹ്​ മെഡിക്കൽ ഗ്രൂപ്പ്​ ഉടമയുമായ മുജീബ്​ അടാട്ടിൽ ആണ്​ മനുഷ്യ സ്​നേഹിയായ ഇൗ ഭാഗ്യവാൻ. ബി.ബി.കെ ബാങ്കിൽ അൽ ഹയറാത്ത്​ എന്ന നിക്ഷേപ അക്കൗണ്ട്​ തുടങ്ങുന്നവരിൽനിന്ന്​ പ്രതിമാസ നറുക്കെടുപ്പിലൂടെ അഞ്ച്​ പേർക്ക്​ 10000 ദിനാർ (ഏകദേശം 19.74 ലക്ഷം രൂപ) സമ്മാനമായി നൽകുന്ന പദ്ധതിയിലാണ്​ മുജീബിനെ തേടി ഭാഗ്യം എത്തിയത്​. ആഗസ്​റ്റിലെ നറുക്കെുപ്പിൽ സമ്മാനാഹർരായ അഞ്ചുപേരിൽ ഒരാൾ മുജീബാണ്​. മറ്റ്​ നാല്​ പേർ ബഹ്​റൈനികളും.

സമ്മാനം ലഭിച്ചപ്പോൾ എന്ത്​ ചെയ്യണമെന്ന കാര്യത്തിൽ അദ്ദേഹത്തിന്​ ആശയക്കുഴപ്പമുണ്ടായിരുന്നില്ല. സ്​ഥാപനത്തിലെ മുഴുവൻ ജീവനക്കാർക്കും വീതിച്ചുനൽകാനായിരുന്നു തീരുമാനം. ഭാര്യയും അഞ്ച്​ മക്കളും ഇൗ തീരുമാനത്തിന്​ കട്ട സപ്പോർട്ടുമായി ഒപ്പം നിന്നു. അങ്ങനെ മുജീബി​െൻറ സ്​ഥാപനത്തിലെ 137 ജീവനക്കാരും ഭാഗ്യശാലികളായി.

സ്വന്തം സന്തോഷം മാത്രം പരിഗണിക്കുന്നവർക്കിടയിൽ മുജീബിനെ വ്യത്യസ്​തനാക്കുന്നത്​ മറ്റുള്ളവർക്കും സന്തോഷമുണ്ടാക​െട്ടയെന്ന ഇൗ മനോഭാവമാണ്​. ജീവനക്കാരുടെ അധ്വാനമാണ്​ ത​െൻറ സ്​ഥാപനത്തി​െൻറ വളർച്ചക്ക്​ പിന്നിലെന്ന്​ അദ്ദേഹം പറയുന്നു. ജീവനക്കാരെ അത്രയേറെ സ്​നേഹിക്കുന്ന അദ്ദേഹത്തിന്​ സമ്മാനത്തുക കിട്ടിയപ്പോഴും മറ്റൊന്നും ചിന്തിക്കാനുണ്ടായിരുന്നില്ല.