Top
Begin typing your search above and press return to search.
exit_to_app
exit_to_app
Homechevron_rightGrihamchevron_rightഒ​രാ​ൾ ര​ണ്ടു ലി​റ്റ​ർ ...

ഒ​രാ​ൾ ര​ണ്ടു ലി​റ്റ​ർ ശു​ദ്ധ​ജ​ലം വീ​തം ഒ​രു ദി​വ​സം സം​ര​ക്ഷി​ച്ചാ​ൽ ശ​രാ​ശ​രി ആ​റു​കോ​ടി ലി​റ്റ​ർ ജ​ലം ക​രു​താ​നാ​കും; വീടുകളിൽ വെള്ളം സംരക്ഷിക്കാനുള്ള വഴികളിതാ

text_fields
bookmark_border
ഒ​രാ​ൾ ര​ണ്ടു ലി​റ്റ​ർ ശു​ദ്ധ​ജ​ലം വീ​തം ഒ​രു ദി​വ​സം   സം​ര​ക്ഷി​ച്ചാ​ൽ ശ​രാ​ശ​രി ആ​റു​കോ​ടി ലി​റ്റ​ർ ജ​ലം ക​രു​താ​നാ​കും; വീടുകളിൽ വെള്ളം സംരക്ഷിക്കാനുള്ള വഴികളിതാ
cancel

ജ​ല​ദു​രു​പ​യോ​ഗ​ത്തി​ൽ മ​ല​യാ​ളി​ക​ൾ മു​ൻ​പ​ന്തി​യി​ലാ​ണ്. ഡ​ബ്ല്യു.​എ​ച്ച്.​ഒ​യു​ടെ ക​ണ​ക്കു​ക​ൾ പ്ര​കാ​രം ലോ​ക ആ​ളോ​ഹ​രി ഉ​പ​യോ​ഗം പ്ര​തി​ദി​നം 120 ലിറ്റർ ​വെ​ള്ള​മാ​ണ്. കേ​ര​ളീ​യ​ർ 200 ലിറ്റർ ​ഉ​പ​യോ​ഗി​ക്കു​ന്നു, ശ​രാ​ശ​രി 80 ലിറ്റർ ​ദു​രു​പ​യോ​ഗം ചെ​യ്യു​ന്നു. എന്നാൽ നമ്മുടെ മഴയോ, അതിൽ 85 ശ​ത​മാ​നവും നാ​ലു മാ​സ​ങ്ങ​ളി​ലാ​യി പെ​യ്തൊ​ഴി​യു​ന്നു. ശേ​ഷ​മു​ള്ള എ​ട്ടു മാ​സ​ങ്ങ​ളി​ൽ ല​ഭി​ക്കു​ന്ന​ത് 15 ശ​ത​മാ​നം മ​ഴ​യാ​ണ്. ഈ ​മ​ഴ​വെ​ള്ളം മ​ഴ​സ​മ​യ​ത്തു​ത​ന്നെ കു​ത്തി​യൊ​ലി​ച്ചു പോ​കു​ന്നു. നമ്മുടെ ചരി​ഞ്ഞ ഭൂ​പ്ര​കൃ​തി ഒ​രു പ​രി​ധി​വ​രെ ഇ​തി​നു കാ​ര​ണ​മാ​കു​ന്നു​ണ്ട്.

കാ​ർ​ഷി​ക വി​ഭ​വ​ങ്ങ​ളു​ടെ വ​ർ​ധി​ച്ചു​വ​രു​ന്ന ഉ​പ​ഭോ​ഗ​വും ജ​ല​ത്തി​​െൻറ അ​മി​ത വി​നി​യോ​ഗ​ത്തി​നു കാ​ര​ണ​മാ​കു​ന്നു. ന​മ്മു​ടെ തീ​ന്മേ​ശ​ക​ളി​ൽ വി​ള​മ്പു​ന്ന വി​ഭ​വ​ങ്ങ​ൾ​പോ​ലും ജ​ല​ത്തി​െൻറ ഉ​പ​ഭോ​ഗ​ത്തെ സ്വാ​ധീ​നി​ക്കു​ന്നു. കൂ​ടു​ത​ൽ ജ​ലം ആ​വ​ശ്യ​മാ​യി​വ​രു​ന്ന ഉ​ൽ​പ​ന്ന​ങ്ങ​ളാ​ണ് ഇ​ന്ന് ഉ​ൽ​പാ​ദി​പ്പി​ക്ക​പ്പെ​ടു​ന്ന​ത്. ഒ​രു കി​ലോ​ഗ്രാം ധാ​ന്യം ഉ​ൽ​പാ​ദി​പ്പിക്കാ​ൻ വേ​ണ്ട​ത് 1500 ലിറ്റർ ​ജ​ല​മാ​ണെ​ങ്കി​ൽ ഒ​രു കി​ലോ​ഗ്രാം മാം​സം ഉ​ൽ​പാ​ദി​പ്പി​ക്കാൻ 15,000 ലിറ്റർ ​ജ​ലം വേ​ണം. ഈ ​സാ​ഹ​ച​ര്യ​ത്തി​ൽ ഒ​രാ​ൾ ര​ണ്ടു ലി​റ്റ​ർ ശു​ദ്ധ​ജ​ലം വീ​തം ഒ​രു ദി​വ​സം സം​ര​ക്ഷി​ച്ചാ​ൽ ശ​രാ​ശ​രി ആ​റു​കോ​ടി ലി​റ്റ​ർ ജ​ലം ക​രു​താ​നാ​കും. ഒരുവ​ർ​ഷം 2000 കോ​ടി ലി​റ്റ​ർ.

ആ​യി​രം ച​തു​ര​ശ്ര​യ​ടി വി​സ്തീ​ർ​ണമു​ള്ള ഒ​രു പു​ര​പ്പു​റ​ത്ത് വാ​ർ​ഷി​ക മ​ഴ 3000 മി.​മീ​റ്റ​ർ എ​ന്ന ക​ണ​ക്കി​ൽ മൂ​ന്നു​ല​ക്ഷം ലി​റ്റ​ർ മ​ഴ​വെ​ള്ള​മാ​ണ് പെ​യ്തി​റ​ങ്ങു​ന്ന​ത്; ദേ​ശീയ ശ​രാ​ശ​രി​യെ​ക്കാ​ൾ 2.78 മ​ട​ങ്ങാ​ണി​ത്. മ​ഴ​വെ​ള്ള​ത്തി​െൻറ സിം​ഹ​ഭാ​ഗ​വും സം​ഭ​രി​ക്കാ​തെ ന​ഷ്​​ട​പ്പെ​ടു​ത്തു​ക​യാ​ണ് ന​മ്മ​ൾ. ഭൂ​ഗ​ർ​ഭ ജ​ല​ത്തി​ൽ താ​ഴ്ച​വ​രാ​നു​ള്ള കാ​ര​ണ​വും ഇ​തു ത​ന്നെ​യാ​ണ്. ഒ​രു സെ​ക്ക​ൻ​ഡി​ൽ ഒ​രു​തു​ള്ളി ശു​ദ്ധ​ജ​ലം എ​ന്ന ക്ര​മ​ത്തി​ൽ ന​ഷ്​​ട​മാ​യാ​ൽ വ​ർ​ഷം 45,000 ലി​റ്റ​ർ ജ​ല​മാ​ണ് ഇ​ല്ലാ​താ​കു​ന്ന​ത്. ഒ​രാ​ൾക്ക് 15 മാ​സ​ത്തേ​ക്ക് ഉ​പ​യോ​ഗി​ക്കാ​ൻ വേ​ണ്ട ജ​ല​മാ​ണി​ത്.



ല​ഭ്യ​മാ​യി​രു​ന്ന മ​ഴ​വെ​ള്ള​ത്തി​ൽ വ​ലി​യ ശ​ത​മാ​നം കു​റ​വു​ണ്ടാ​യ​തി​നു പു​റ​മെ കേ​ര​ളം നേ​രി​ടു​ന്ന അ​തി​പ്ര​ധാ​ന വെ​ല്ലു​വി​ളി വ​ര​ൾ​ച്ച ത​ന്നെ​യാ​ണ്. ഓ​രോ വേ​ന​ലും ന​മു​ക്ക് വ​ല​ി​യ ആ​ശ​ങ്ക​യാ​ണ് ഉ​ണ്ടാ​ക്കു​ന്ന​ത്. ജ​ല​സ്രോ​ത​സ്സി​​െൻറ പ്ര​ധാ​ന ഭാ​ഗ​മാ​യ ഭൂ​ഗ​ർ​ഭ ജ​ല​ത്തെ മ​ഴ​യാ​ണ് സ​മൃദ്ധമാക്കുന്നത്. വ​ന​വ​ത്​​ക​ര​ണ​വും ക​രു​ത​ലും ത​ന്നെ​യാ​ണ് ജ​ല​സം​ര​ക്ഷ​ണ​ത്തി​െൻറ കാ​ത​ൽ. അ​തോ​ടൊ​പ്പം മ​ഴ​വെ​ള്ളം മ​ണ്ണി​ലേ​ക്കി​റ​ങ്ങി ല​ഭി​ക്കു​ന്ന ജ​ല​ത്തി​െൻറ സം​ര​ക്ഷ​ണം ഉ​റ​പ്പു​വ​രു​ത്താ​ൻ സാ​ധി​ക്ക​ണം. കി​ണ​ർ റീ​ചാ​ർ​ജ് ചെ​യ്ത് ഉ​പ​യോ​ഗി​ക്കു​ന്ന രീ​തി​യും മ​ഴ​വെ​ള്ളം സം​ഭ​രി​ച്ച് ഉ​പ​യോ​ഗി​ക്കു​ന്ന രീ​തി​യും നാം ശീ​ലി​ക്ക​ണം. വീ​ടി​​െൻറ ചുറ്റുവട്ടം കോ​ൺ​ക്രീ​റ്റ് ചെ​യ്യാ​തി​രി​ക്കാ​ൻ ശീ​ലി​ച്ചേ പ​റ്റൂ.

ജ​ലമ​ലി​നീ​ക​ര​ണമാണ് നാം നേരിടുന്ന മറ്റൊരു പ്രശ്നം. ജ​ല​സ്രോ​ത​സ്സു​ക​ളി​ലേ​ക്ക് തു​റ​ന്നു​െ​വ​ച്ചി​രി​ക്കു​ന്ന അ​ഴു​ക്കു​ചാ​ലു​ക​ൾ ന​മ്മു​ടെ ശീ​ല​ത്തി​െൻറ ഭാ​ഗ​മാ​യി മാ​റി​യി​രി​ക്കു​ന്നു. കൃ​ഷി​യി​ട​ങ്ങ​ളി​ൽ അ​മി​ത​മാ​യും അ​ശാ​സ്ത്രീ​യ​മാ​യും രാ​സ​വ​ള​ങ്ങ​ളും കീ​ട​നാ​ശി​നി​ക​ളും ഉ​പ​യോ​ഗി​ക്കു​ന്ന​ത് നി​ത്യ കാ​ഴ്ച​യാണ്. ഇ​തി​ലെ ഭൂ​രി​ഭാ​ഗ​വും ഭൂ​ഗ​ർ​ഭ ജ​ല​ത്തി​ൽ എ​ത്തു​ന്ന​തോ​ടു​കൂ​ടി അ​തി​ഗു​രു​ത​ര ആ​രോ​ഗ്യ​പ്ര​ശ്ന​ങ്ങ​ൾ രൂ​പ​പ്പെ​ടു​ന്നു.

ഖ​ര, ദ്ര​വ്യ മാ​ലി​ന്യ​ങ്ങ​ൾ ശാ​സ്ത്രീ​യ​മാ​യി സം​സ്ക​രിക്കാ​നു​ള്ള മാ​ർ​ഗ​ങ്ങ​ൾ ത​ന്നെ​യാ​ണ് നാം ​ആ​ദ്യം നി​ർ​മി​ക്കേ​ണ്ട​ത്. വീ​ട്ടി​ലെ മ​ലി​ന​ജ​ലം ഓ​ട​യി​ലേ​ക്കും ജ​ലാ​ശ​യ​ത്തി​ലേ​ക്കും ഒ​ഴു​ക്കി​വി​ടി​ല്ലെ​ന്ന് നാം ​പ്ര​തി​ജ്ഞ എ​ടു​ക്കണം. അ​ത് ന​മ്മു​ടെ മ​ക്ക​ൾ​ക്കും പ​ക​ർ​ന്നു​കൊ​ടു​ക്കാം.

വാ​ട്ട​ർ മാ​​േനജ്മെ​ൻ​റ്​

ല​ഭ്യ​മാ​യ ജ​ല​ത്തെ മെ​ച്ച​പ്പെ​ട്ട രീ​തി​യി​ൽ എ​ങ്ങ​നെ ഉ​പ​യോ​ഗി​ക്കാം എ​ന്ന​താ​ണ് വാ​ട്ട​ർ മാ​നേ​ജ്മെ​ൻറുകൊ​ണ്ട് വി​വ​ക്ഷി​ക്ക​പ്പെ​ടു​ന്ന​ത്. ഇ​തൊ​രു സാ​മൂ​ഹി​ക നി​യ​ന്ത്ര​ണ​മാ​ണ്. കാ​ര​ണം, ല​ഭി​ക്കു​ന്ന ജ​ല​ത്തെ എ​ങ്ങ​നെ സം​ര​ക്ഷി​ച്ച്, ഏ​ത് ആ​വ​ശ്യ​ങ്ങ​ൾ​ക്ക് ഉ​പ​യോ​ഗി​ക്ക​ണം, അ​ത് മ​ലി​ന​പ്പെ​ടാ​തി​രി​ക്കാ​ൻ എ​ന്തു ചെ​യ്യ​ണം, ദു​രു​പ​യോ​ഗ​വും ധൂ​ർ​ത്തും എ​ങ്ങ​നെ ത​ട​യാം, കു​റ​ഞ്ഞ ജ​ലം​കൊ​ണ്ട് പ​ര​മാ​വ​ധി ഉ​പ​യോ​ഗം എ​ങ്ങ​നെ നി​ർ​വ​ഹി​ക്കാം തു​ട​ങ്ങി​യ കാ​ര്യ​ങ്ങ​ളി​ൽ തി​രി​ച്ച​റി​വ് വീ​ട്ടി​ൽ​നി​ന്ന്​ ഉ​ണ്ടാവണം. നി​ത്യേ​ന ഉ​പ​യോ​ഗി​ക്കു​ന്ന ജ​ല​ത്തി​െൻറ കൃ​ത്യ​മാ​യ ക​ണ​ക്കെത്താ​ൽ പ​തി​യെ ദി​വ​സേ​ന അ​ള​വ് കു​റ​ച്ചു​കൊ​ണ്ടു​വ​രാം. ജ​ല​ല​ഭ്യ​ത​ക്ക​നു​സ​രി​ച്ച് ജ​ല​ന​ഷ്​​ടം ഒ​ഴി​വാ​ക്കാ​ൻ പ്രാ​യോ​ഗി​ക ആ​ലോ​ച​ന​ക​ളും വീ​ട്ടി​ലെ ഓ​രോ അം​ഗ​ങ്ങ​ളി​ലു​മു​ണ്ടാ​ക​ണം.

ക​രു​താം ജ​ല​ത്തെ

നാം ​അ​നു​ഭ​വി​ക്കു​ന്ന വേ​ന​ൽ​ക്കാ​ല കെ​ടു​തി​യി​ൽ​നി​ന്ന് ര​ക്ഷ​പ്പെ​ടാ​ൻ മ​ഴ​ക്കാ​ല​ത്ത് ല​ഭി​ക്കു​ന്ന ജ​ല​മി​ച്ചം പ​ര​മാ​വ​ധി വ​ർ​ധി​പ്പി​ച്ച് അ​തി​നെ പ്ര​കൃ​തി​യി​ൽ​ത​ന്നെ നി​ല​നി​ർ​ത്താ​നു​ള്ള സം​വി​ധാ​നം രൂ​പ​പ്പെ​ടു​ത്ത​ണം. ഭൂ​പ്ര​കൃ​തി​ക്ക​നു​സൃ​ത​മാ​യി അ​നു​യോ​ജ്യ​മാ​യ സാ​ങ്കേ​തി​ക വി​ദ്യ അ​വ​ലം​ബി​ച്ച്, ഭൂ​ജ​ല പോ​ഷ​ണം വ​ഴി പ​ര​മാ​വ​ധി മ​ഴ​വെ​ള്ളം മ​ണ്ണി​ലേ​ക്കി​റ​ങ്ങാ​ന്‍ വേ​ണ്ടി ന​ട​പ​ടി​ക​ള്‍ സ്വീ​ക​രി​ക്കു​ക. ആ​വ​ശ്യ​മെ​ങ്കി​ൽ വി​ദ​ഗ്ധ സ​ഹാ​യം തേ​ടാ​ം.

●അ​ടു​ക്ക​ള​യി​ലെ സാ​ധാ​ര​ണ സി​ങ്കി​ൽ തു​ട​ർ​ച്ച​യാ​യി ഒ​രു മി​നി​റ്റ് ടാ​പ്​ തു​റ​ന്നി​ട്ടാ​ൽ 20 ലി​റ്റ​ർ വെ​ള്ളം ന​ഷ്​​ട​മാ​കും. വ​ലി​യ പാ​ത്ര​ത്തി​ൽ വെ​ള്ളം എ​ടു​ത്തു​െ​വ​ച്ചു പാ​ത്ര​ങ്ങ​ൾ വൃ​ത്തി​യാ​ക്കു​ക.

●അ​ഴു​ക്ക്, എ​ണ്ണ​മ​യം എ​ന്നി​വ യുള്ള പാത്രങ്ങൾ ആ​ദ്യം കു​റ​ച്ചു വെ​ള്ള​ത്തി​ൽ ക​ഴു​കി​യ​ശേ​ഷം ബാ​ക്കി ടാപ്പിൽ കഴുകുക.

●വാ​ഷ്ബേ​സി​ൻ ടാ​പ് തു​ട​ർ​ച്ച​യാ​യി തു​റ​ന്നിട്ടാ​ൽ ഏ​ഴു ലി​റ്റ​ർ വെ​ള്ളം ന​ഷ്​​ട​മാ​കും. ക​പ്പി​ൽ വെ​ള്ളം എ​ടു​ത്തു​െ​വ​ച്ച് ഉ​പ​യോ​ഗി​ക്കു​ക. ടാ​പ്പി​ൽനി​ന്ന്​ വ​ല​തു കൈ​യി​ൽ വെ​ള്ളം എ​ടു​ക്കു​മ്പോ​ൾ ഇ​ട​തു​കൈ​കൂ​ടി ഉ​പ​യോ​ഗി​ച്ച് ടാ​പ് ഇ​ട​ക്കി​ടെ നി​യ​ന്ത്രി​ക്കു​ക.




●അ​നാ​വ​ശ്യ​മാ​യി ടോ​യ്​​ല​റ്റ് ഫ്ല​ഷ് ഔ​ട്ട് ചെ​യ്യു​ന്ന​തു സം​ബ​ന്ധി​ച്ച് കു​ട്ടി​ക​ൾ മു​ത​ൽ മു​തി​ർ​ന്ന​വ​ർ​ വ​രെ​യു​ള്ള​വ​ർ​ക്ക് ഉ​പ​ദേ​ശം ന​ൽ​കു​ക. ഓ​രോ ഫ്ല​ഷ് ഔ​ട്ടി​ലും എ​ട്ടു മു​ത​ൽ 15ഉം ​അ​തി​ലേ​റെ​യും ലി​റ്റ​ർ വെ​ള്ളം ന​ഷ്​​ട​പ്പെ​ടു​ന്നു.

●ബാ​ത്ത് റൂ​മു​ക​ളി​ൽ ബാ​ത്ത് ട​ബ്, ഷ​വ​ർ എ​ന്നിവ ഉപയോഗിക്കുന്ന ശീ​ല​ം മാറ്റി ബ​ക്ക​റ്റ്, ക​പ്പ് എ​ന്നീ പ​ഴ​യ സ​മ്പ്ര​ദാ​യ​ത്തി​ലേ​ക്ക് തി​രി​ച്ചു​വ​രു​ന്ന​ത് പ്രോ​ത്സാ​ഹി​പ്പി​ക്ക​ണം.

●അ​നാ​വ​ശ്യ​മാ​യി ടാ​പ് തു​റ​ന്നി​ടു​ന്ന​ത് ഒ​ഴി​വാ​ക്കു​ക.

●ചെ​ടി​ക​ൾ​ക്കും മ​റ്റു കൃ​ഷി​ക​ൾ​ക്കും അ​തി​നാ​വ​ശ്യ​മാ​യ വെ​ള്ളം വേ​രി​ൽ ല​ഭി​ക്കു​ന്ന വി​ധം ന​ന​ക്കു​ക. ന​ന​ക്കു​ന്ന​ത് പ്ര​ഭാ​ത​സ​മ​യ​ത്തും സ​ന്ധ്യ​ക്കും ആ​ക്കു​ക.

●നി​ലം ക​ഴു​കാൻ ബ​ക്ക​റ്റും തു​ണിയും ഉപയോഗി​ക്കു​ക, വാ​ഹ​ന​ങ്ങ​ൾ ക​ഴു​കു​ന്ന​തി​ന് അ​ത്യാ​വ​ശ്യ​ വെ​ള്ളം മാത്രം ഉ​പ​യോ​ഗി​ക്കു​ക.

●പ​ഴ​ങ്ങ​ൾ, പ​ച്ച​ക്ക​റി​ക​ൾ എ​ന്നി​വ ടാ​പ്പി​ൽ​നി​ന്ന് നേ​രി​ട്ട് ക​ഴു​കാ​തെ പാ​ത്ര​ത്തി​ലിട്ട് ക​ഴു​കു​ക. ബാ​ക്കി​വ​രു​ന്ന ജ​ലം ഒ​രു പാ​ത്ര​ത്തി​ലേ​ക്ക് മാ​റ്റി​വെ​ച്ച് ചെ​ടി​ക​ള്‍ക്കൊ​ഴി​ക്കാ​നാ​യി ഉ​പ​യോ​ഗി​ക്കാം.

●അ​ല​ക്കു​മ്പോ​ൾ പ​ര​മാ​വധി ഫോ​സ്ഫേ​റ്റ് ര​ഹി​ത സോ​പ്പും സോ​പ്പു​പൊ​ടി​യും ഉ​പ​യോ​ഗി​ക്കു​ക.

●600 മി​ല്ലി ലി​റ്റ​റി​െൻറ നാ​ലു കാ​ലി​ക്കു​പ്പി​യി​ൽ മ​ണ​ൽ നി​റ​ച്ച്​ ഫ്ല​ഷി​െൻറ മൂ​ടി തു​റ​ന്ന് അ​തി​ലെ സം​വി​ധാ​ന​ങ്ങ​ൾ​ക്കു ത​ക​രാ​റു​ണ്ടാ​കാ​തെ ​െവ​ക്കു​ക. ഫ്ല​ഷ് ടാ​ങ്കി​ൽ നി​റ​യു​ന്ന വെ​ള്ള​ത്തി​ൽ 2.4 ലി​റ്റ​ർ (4X600 മി​ല്ലി ലി​റ്റ​ർ) കു​റ​വു​ണ്ടാ​കും. ശ​രാ​ശ​രി അ​ഞ്ചു പ്രാ​വ​ശ്യം ഫ്ല​ഷ് ചെ​യ്യു​ന്ന നാ​ലു ടോ​യ്‌​ല​റ്റു​ള്ള വീ​ടാ​ണെ​ങ്കി​ൽ 4X5X2.4 ലീ​റ്റ​ർ = 48 ലി​റ്റ​ർ വെ​ള്ളം സേവ് ചെയ്യാം.

●ക​ക്കൂ​സു​ക​ളി​ൽ ശു​ദ്ധീ​ക​രി​ച്ച മ​ലി​ന​ജ​ലം സം​സ്ക​രി​ച്ച് ഉ​പ​യോ​ഗി​ക്കാ​ൻ പ​റ്റു​മെ​ങ്കി​ൽ അ​ത്ത​രം ശ്ര​മ​ങ്ങ​ൾ ന​ട​ത്തു​ക.

●വാ​ഷി​ങ്‌​ മെ​ഷീ​നി​ല്‍നി​ന്ന്​ പു​റ​ന്ത​ള്ളു​ന്ന ജ​ല​വും ചെ​ടി​ന​ന​ക്കു​ന്ന​തി​ന് ഉ​പ​യോ​ഗി​ക്കാം.

●വെ​ള്ളം ഏ​റ്റ​വു​മ​ധി​കം ഉ​പ​യോ​ഗി​ക്കേ​ണ്ടിവ​രു​ന്ന​ത് അ​ടു​ക്ക​ള​യി​ലും കു​ളി​മു​റി/ ക​ക്കൂ​സു​ക​ളി​ലു​മാ​ണ്. ഇ​വി​ട​ങ്ങ​ളി​ലെ​ പൈ​പ്പു​ക​ളി​ൽ ചോ​ര്‍ച്ച ഉണ്ടെങ്കിൽ പ​രി​ഹ​രി​ക്കു​ക​.

●വേ​ന​ൽ​ക്കാ​ല​ത്ത് ഹോ​സ് ഉ​പ​യോ​ഗി​ച്ച് ന​ന​ക്ക​രു​ത്. പ​ക​രം ബ​ക്ക​റ്റും ക​പ്പും ഉ​പ​യോ​ഗി​ക്കു​ക. വാ​ഹ​നം ക​ഴു​കു​ന്ന​തി​ലും ഈ ​രീ​തി വേ​ന​ൽ​ക്കാ​ല​ത്ത് പി​ന്തു​ട​രാം.

മ​ഴവെ​ള്ള​വും ഭൂ​ഗ​ർ​ഭ ജ​ല​വും

മ​ഴ​വെ​ള്ളം മ​ണ്ണി​ന​ടി​യി​ലേ​ക്ക് കി​നി​ഞ്ഞി​റ​ങ്ങാ​ൻ അ​നു​വ​ദി​ച്ചാ​ൽ അ​ത്ര​യും കൂ​ടു​ത​ലാ​യി ഭൂ​ഗ​ർ​ഭ ജ​ല​നി​ര​പ്പ് ഉ​യ​രും. ഇ​തി​നാ​യി സ്വീ​ക​രി​ക്കു​ന്ന മാ​ർ​ഗ​ങ്ങ​ളെ മ​ഴ​വെ​ള്ള​ക്കൊ​യ്ത്ത് എ​ന്നു പ​റ​യു​ന്നു. ഗ്രാ​മ​ങ്ങ​ളി​ൽ വീ​ട്ടു​പ​രി​സ​ര​ത്ത് ഭൂമിയിൽ ചെ​റി​യ കു​ഴി​ക​ളു​ണ്ടാ​ക്കാം. പ​റ​മ്പി​ലെ മ​ണ്ണു​പ​യോ​ഗി​ച്ച്​ ക​യ്യാ​ല​ക​ളു​ണ്ടാ​ക്കു​ക​യും മ​ണ്ണെ​ടു​ക്കു​ന്ന കു​ഴി​ക​ളി​ൽ വെ​ള്ളം കെ​ട്ടിനി​ർ​ത്തു​ക​യും ചെ​യ്യാം. കി​ണ​റു​ക​ൾ​ക്ക് ര​ണ്ടോ മൂ​ന്നോ മീ​റ്റ​ർ അ​പ്പു​റ​ത്താ​യി കു​ഴി​ക​ൾ കു​ഴി​ച്ച്​ ജ​ലം ശേ​ഖ​രി​ച്ച് കി​ണ​റ്റി​ൽ എ​ത്തി​ക്കാം. ന​ഗ​ര​ങ്ങ​ളി​ലാ​ണെ​ങ്കി​ൽ പ​റ​മ്പി​ലെ ജ​ലം കു​ഴി​ക​ൾ കു​ഴി​ച്ച്​ അ​വി​ടെ​ത്ത​ന്നെ ശേ​ഖ​രി​ക്കാ​നു​ള്ള സം​വി​ധാ​ന​ങ്ങ​ൾ ഉ​ണ്ടാ​ക്കാം.

●ഇ​ന്ന് കേ​ര​ള​ത്തി​ലെ ഒ​ട്ട​ന​വ​ധി കു​ടും​ബ​ങ്ങ​ൾ​ക്ക് 10 സെൻറിൽ താ​ഴെ​യു​ള്ള ചെ​റി​യ പ്ലോ​ട്ടു​ക​ളാ​ണ് ഉ​ള്ള​ത്. ഈ ​ചെ​റി​യ പ്ലോ​ട്ടു​ക​ളി​ലും ന​മു​ക്ക് മ​ഴ​വെ​ള്ള​ക്കൊ​യ്ത്ത് വ​ഴി ജ​ലം സം​ഭ​രി​ക്കാൻ സാ​ധി​ക്കും. അഞ്ചു സെ​ൻറ്​ സ്ഥ​ല​ത്ത് ഒ​രു വ​ർ​ഷം ആറു ല​ക്ഷം ലിറ്റർ ​മ​ഴ പെ​യ്തു വീ​ഴു​ന്നു​ണ്ടെ​ന്നാ​ണ് ക​ണ​ക്ക്. ഇ​തി​ൽ പ​കു​തി​യെ​ങ്കി​ലും ശേ​ഖ​രി​ക്കാൻ പ്ര​യാ​സ​മു​ണ്ടാ​വി​ല്ല. 10,000 ലി​റ്റ​റി​െൻറ ഒ​രു ടാ​ങ്ക് മു​റ്റ​ത്തു സ്ഥാ​പി​ച്ചാ​ൽ അ​ഞ്ച്​ അം​ഗ​ങ്ങ​ളുള്ള ഒ​രു കു​ടും​ബ​ത്തി​ന് വേ​ന​ൽ​ക്കാ​ല​ത്തെ അ​തി​ജീ​വി​ക്കാം. കേ​ര​ള​ത്തി​ൽ 65 ല​ക്ഷ​ത്തോ​ളം കി​ണ​റു​ക​ളു​ണ്ട്. 100 ച​തു​ര​ശ്ര അ​ടി മേ​ൽ​ക്കൂ​ര​യി​ൽ​നി​ന്ന്​ മ​ഴ​വെ​ള്ള​ക്കൊ​യ്ത്ത് ന​ട​ത്തി​യാ​ൽ കേ​ര​ള​ത്തി​ൽ ആ​കെ 2046 ദ​ശ​ല​ക്ഷം ക്യു​ബി​ക് മീ​റ്റ​ർ ജ​ലം സം​ഭ​രി​ക്കാ​ൻ സാ​ധി​ക്കും. ഇ​ത്​ കേ​ര​ള​ത്തി​ലെ ജ​ല​സേ​ച​ന സം​ഭ​ര​ണി​ക​ളി​ലെ 1200 ദ​ശ​ല​ക്ഷം ക്യു​ബി​ക് മീ​റ്റ​റി​നെ​ക്കാ​ൾ ഇ​ര​ട്ടി​യോ​ളം വ​രും (സി.​ഡ​ബ്ല്യു.​ആ​ർ.​ഡി.​എം, കോ​ഴി​ക്കോ​ട് 2019).

●1.2 മീ​റ്റ​ർ നീ​ള​വും 0.70 മീ​റ്റ​ർ വീ​തി​യും 0.60 മീ​റ്റ​ർ ആ​ഴ​വു​മു​ള്ള ഒ​രു നീ​ർ​ക്കു​ഴി​യി​ൽ ഏ​ക​ദേ​ശം 500 ലി​റ്റ​ർ മ​ഴ​വെ​ള്ളം ഓ​രോ മ​ഴ​യി​ലും ശേ​ഖ​രി​ക്ക​പ്പെ​ടു​ന്നു​ണ്ട്. അ​ത്ത​രം കു​ഴി​ക​ൾ മ​ഴ​ക്കു മു​മ്പ് വീ​ട്ടു​പ​രി​സ​ര​ത്ത് എ​ടു​ക്കാം.

●ഒ​രു സെ​ൻ​റ്​ ഭൂ​മി​യി​ൽ 1,20,000 ലി​റ്റ​ർ മ​ഴ. ഒ​രു ഏ​ക്ക​റി​ൽ ഒ​രു കോ​ടി 20 ല​ക്ഷം ലി​റ്റ​ർ പെ​യ്ത്തു​മ​ഴ ന​മു​ക്ക് സം​ഭ​രി​ക്കാം.

●വീ​ട്ടു​പ​രി​സ​ര​ങ്ങ​ളി​ലെ ജ​ല​സ്രോ​ത​സ്സു​ക​ളാ​യ കു​ള​ങ്ങ​ള്‍, തോ​ടു​ക​ള്‍ എ​ന്നി​വ​യു​ടെ ന​വീ​ക​ര​ണ​വും ശു​ദ്ധീ​ക​ര​ണ​വും മ​ഴ​യെ​ത്തുംമു​മ്പേ ന​ട​ത്തി വെ​ള്ളം സം​ഭ​രി​ച്ചു​വെ​ക്കു​ക.




●കി​ണ​റു​ക​ളു​ടെ ശു​ചീ​ക​ര​ണ​വും മ​ഴ​വെ​ള്ള റീചാ​ർ​ജി​ങ്ങും വ​ർ​ഷാ​വ​ർ​ഷ​ം ന​ട​ത്തു​ക.

●പു​ര​പ്പു​റ​ത്തെ മ​ഴ​യെ കി​ണ​റ്റി​ലെ​ത്തി​ക്കാ​നു​ള്ള സം​വി​ധാ​നംവും ഒ​രു​ക്കാം. കി​ണ​ർ​നി​റ ന​ല്ല മാ​തൃ​ക​യാ​ണ്. അ​ങ്ങ​നെ മു​റ്റ​ത്തെ കി​ണ​ർ നി​റ​ക്കാം. മ​ഴ​വെ​ള്ളം പൈ​പ്പു​ക​ളി​ലൂ​ടെ ടാ​ങ്കി​ൽ ശേ​ഖ​രി​ച്ച് ക​രി​യും മ​ണ​ലും ഉ​പ​യോ​ഗി​ച്ച് അ​രി​ച്ചു ശു​ദ്ധീ​ക​രി​ച്ച് കി​ണ​റി​ലേ​ക്ക് ഒ​ഴു​ക്കാം.

●രാ​മ​ച്ചം ന​ല്ലൊ​രു ജ​ല​സം​ര​ക്ഷ​ണ ചെ​ടി​യാ​ണ്. വീ​ട്ടു​പ​രി​സ​ര​ത്ത് കൂ​ടു​ത​ൽ രാ​മ​ച്ചം ന​ടാം.

●കി​ണ​ർ ശു​ദ്ധ​മാ​യി സം​ര​ക്ഷി​ക്കാം. കി​ണ​റി​ന് ആ​ൾ​മ​റ, പ്ലാ​റ്റ്ഫോം എ​ന്നി​വ ഉ​റ​പ്പാ​ക്കു​ക.

●കി​ണ​ർ വെ​ള്ളം ഇ​ട​ക്ക് ക്ലോ​റി​നേ​റ്റ് ചെ​യ്ത് മാ​ലി​ന്യ​മു​ക്ത​മാ​ക്കാം.

●ജ​ല​സ്രോ​ത​സ്സു​ക​ളി​ലേ​ക്ക് മാ​ലി​ന്യം വ​ലി​ച്ചെ​റി​യാ​തി​രി​ക്കു​ക.

●പാ​ഴ്ക്കി​ണ​റു​ക​ൾ ശു​ചീ​ക​രി​ച്ച് ഉപയോഗയോഗ്യമാക്കാം.

●കി​ണ​റി​നു ചു​റ്റും സ​സ്യാ​വ​ര​ണം ഒ​രു​ക്കാം.

●പറമ്പുകളിൽ ത​ട​യ​ണ​ക​ൾ നി​ർ​മി​ച്ച് നീ​രൊ​ഴു​ക്ക് നി​യ​ന്ത്രി​ക്കു​ക.

●ജൈ​വവ​സ്തു​ക്ക​ൾ, പ​ച്ചി​ല​ക​ൾ എ​ന്നി​വ​യാ​ൽ ഭൂമിക്ക് പു​ത​യി​ടു​ക.

Show Full Article
TAGS:water family water management 
News Summary - water management for family
Next Story