സ്റ്റീവിന്റെ മാന്ത്രിക വീട്
text_fields
വടക്കു കിഴക്കന് തായ്ലന്റിലെ ഒരു ജൈവ മാന്തോട്ടത്തില് പണി തീര്ത്ത ‘മാന്ത്രിക ഭവനം’ ആണിത്. ദീര്ഘ നാളത്തെ എയര്ഹോസ്റ്റസ് ജീവിതത്തിന് ഒടുവില് സ്റ്റീവ് അറീന് എന്നയാളുടെ സ്വപ്ന സാക്ഷാല്കാരമായിരുന്നു പച്ചപ്പിനുള്ളില് നിന്ന് ഒളിഞ്ഞു നോക്കുന്ന ഈ ചെമ്പന് വീട്.
വെറും ആറാഴ്ച കൊണ്ട് പണിത ഈ കുഞ്ഞന് വീടിനു വന്ന ചെലവ് എത്രയെന്നോ? വെറും നാലേ മുക്കാല് ലക്ഷം രൂപ! 500 സ്ക്വയര്ഫീറ്റ് ആണ് ഈ കുഞ്ഞന്റെ വിസ്തൃതി.
വീടു നിര്മാണത്തിന്റെ ഓരോ ഇഞ്ചിലും തന്റേതായ മുദ്രണം സ്റ്റീവ് ആഗ്രഹിച്ചിരുന്നു. നിലമൊരുക്കല് തൊട്ട് ചുവര്,വാതില്,ഷെല്ഫുകള് എന്നിങ്ങനെ എല്ലാത്തിലും.
മണ്കുടങ്ങളുടെ അല്ളെങ്കില് കുംഭഗോപുരങ്ങളുടെ രൂപത്തില് ആണ് ഇതിലെ ഓരോ മുറികള് തീര്ത്തിരിക്കുന്നത്. 
മനോഹരമായി പുല്ലു മേഞ്ഞതാണ് പ്രധാന മുറിയുടെ മേല്പുര.
പ്രകൃതി ദത്തമായ തണുപ്പ് ഈ വീടിനകം കുളിരണിയിക്കുന്നു. മറ്റു രണ്ടു കുംഭങ്ങള്ക്കു മുകളില് ഗ്ളാസിന്റെ മേല്കൂരയും.
പ്രധാന ഹാളില് ഇരുന്ന് നോക്കിയാല് കണ്ണിനു വിരുന്നൊരുക്കി ഒരു കൊച്ചു കുളവും തീര്ത്തിട്ടുണ്ട് സ്റ്റീവ്. പാരമ്പര്യ സ്രോതസ്സുകളില് നിന്ന് വീട്ടിലേക്ക് വെള്ളവും വൈദ്യുതിയും എത്തിച്ചിരിക്കുന്നു അദ്ദേഹം.
ടെറാക്കോട്ട പെയ്ന്റിങ്,അതിനനുസൃതമായ ഇന്റീരിയര് എല്ലാം ചേര്ന്ന് ചെമ്മണ്ണിന്റെ മണം പ്രസരിപ്പിക്കുന്ന പോലുള്ള മാന്തോപ്പിലെ ഈ വീട് അസ്സല് ‘മാജിക്കല് ഹോം’ തന്നെയാണ്. കൂടുതല് അറിയാന് ഈ വീഡിയോ കാണുക:
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.