സേഫ് പദ്ധതി; ജില്ലയിൽ ഈ വര്‍ഷം 250 വീടുകള്‍

കാ​സ​ർ​കോ​ട്: അ​ടി​സ്ഥാ​ന സൗ​ക​ര്യ​ങ്ങ​ളും അ​ട​ച്ചു​റ​പ്പും സു​ര​ക്ഷി​തത്വ​വു​മു​ള്ള വീ​ടു​ക​ൾ എ​ന്ന സ്വ​പ്നം ജി​ല്ല​യി​ൽ ഈ ​വ​ർ​ഷം 250 പ​ട്ടി​ക വി​ഭാ​ഗം കു​ടും​ബ​ങ്ങ​ൾ​ക്കു​കൂ​ടി യാ​ഥാ​ർ​ഥ്യ​മാ​കും. പ​ട്ടി​ക വി​ഭാ​ഗ വി​ക​സ​ന വ​കു​പ്പി​ന്റെ സേ​ഫ് പ​ദ്ധ​തി​യി​ലൂ​ടെ​യാ​ണ് ഈ ​വ​ര്‍ഷം 250 വീ​ടു​ക​ള്‍ക്ക് സ​ഹാ​യം ല​ഭ്യ​മാ​ക്കു​ക.

സം​സ്ഥാ​ന​ത്ത് മൊ​ത്തം 7000 വീ​ടു​ക​ള്‍ക്കാ​ണ് പ​ദ്ധ​തി​യി​ലൂ​ടെ സ​ഹാ​യ​മൊ​രു​ക്കു​ന്ന​ത്. ഇനി പട്ടിക വിഭാഗത്തിൽപ്പെട്ടവർക്ക് തകർന്ന വീടുകളിൽ അരക്ഷിതരായി കഴിയേണ്ടിവരരുതെന്ന നിശ്ചയദാർഡ്യമാണ് സേ​ഫ് - 'സെ​ക്യൂ​ര്‍ അ​ക്കോ​മ​ഡേ​ഷ​ന്‍ ആ​ൻ​ഡ് ഫെ​സി​ലി​റ്റി എ​ന്‍ഹാ​ന്‍സ്മെ​ന്റ്' പ​ദ്ധ​തി​ക്കു പിന്നിൽ. സ​ര്‍ക്കാ​ര്‍ സ​ഹാ​യ​ത്തോ​ടെ​യും സ്വ​ന്തം നി​ല​ക്കും നി​ര്‍മി​ച്ച് പൂ​ര്‍ത്തി​യാ​കാ​ത്ത വീ​ടു​ക​ള്‍ക്കും പ​ദ്ധ​തി​യി​ലൂ​ടെ ര​ണ്ടു​ല​ക്ഷം രൂ​പ​വ​രെ സ​ഹാ​യം ല​ഭി​ക്കും. ജി​ല്ല​യി​ൽ വി​വി​ധ പ​ദ്ധി​തി​ക​ളി​ലാ​യി നി​ര​വ​ധി പ​ട്ടി​ക വി​ഭാ​ഗ​ങ്ങ​ൾ​ക്ക് വീ​ടു​ണ്ടെ​ങ്കി​ലു​ം മി​ക്ക​വ​യും അ​ട​ച്ചു​റ​പ്പു​ള്ള​ത​ല്ല. പ​ല​തും പ​ണി പൂ​ർ​ത്തി​യാ​കാ​ത്ത​തും, വ​ലി​യ തോ​തി​ൽ ന​വീ​ക​ര​ണം ആ​വ​ശ്യ​മാ​യ​തു​മാ​ണ്. നി​ത്യ​ച്ചെ​ല​വി​നു​പോ​ലും ബു​ദ്ധി​മു​ട്ടു​ന്ന​വ​ർ​ക്ക് ​ന​വീ​ക​ര​ണ​ത്തി​നു​ള്ള തു​ക ക​ണ്ടെ​ത്തു​​ന്ന​ത് വ​ലി​യ ബാ​ധ്യ​ത​യാ​ണ്. ഇ​തോ​ടെ​യാ​ണ് സേ​ഫ് പ​ദ്ധ​തി​യു​മാ​യി വ​കു​പ്പ് എ​ത്തു​ന്ന​ത്. ലൈഫ് ​ഭ​വ​ന പ​ദ്ധ​തി​യി​ൽ ഉ​ൾ​പ്പെ​ടു​ത്തി നി​ർ​മി​ച്ച വീ​ടു​ക​ളി​ലും ന​വീ​ക​ര​ണ​ത്തി​ന് പ്ര​ത്യേ​ക തു​ക അ​നു​വി​ദി​ച്ചി​ട്ടി​ല്ല. ഈ ​വീ​ടു​ക​ളും സേ​ഫ് പ​ദ്ധ​തി തു​ക ഉ​പ​യോ​ഗി​ച്ച് ന​വീ​ക​രി​ക്കും. മൂ​ന്ന് ഗ​ഡു​ക്ക​ളാ​യാ​ണ് തു​ക അ​നു​വ​ദി​ക്കു​ക. ര​ണ്ടു​ല​ക്ഷം രൂ​പ​യി​ല്‍ ഒ​ന്നാം ഗ​ഡു 50,000 രൂ​പ​യും ര​ണ്ടാം ഗ​ഡു ഒ​രു ല​ക്ഷ​വും മൂ​ന്നാം ഗ​ഡു 50,000 രൂ​പ​യു​മാ​ണ്. ഗു​ണ​ഭോ​ക്താ​വി​ന്റെ ബാ​ങ്ക് അ​ക്കൗ​ണ്ടി​ലേ​ക്കാ​യി​രി​ക്കും തു​ക ന​ല്‍കു​ക.