തിരക്കൊഴിഞ്ഞ് അരുവിയുടെ സംഗീതം കേട്ട്...

തിരക്കുപിടിച്ച ജീവിതത്തിൽ പലപ്പോഴും കിട്ടുന്ന ഒഴിവു സമയങ്ങളിൽ പ്രകൃതിയെ കണ്ടുരസിക്കാൻ ഇഷ്​ടപ്പെടുന്നവർക്ക്, അത് ഒരു നിത്യാനുഭവമാക്കിമാറ്റുന്ന പ്ലാനുമായാണ് കൊച്ചിയിലെ ‘ആവിഷ്കാർ ആർകിടെക്സി’ലെ ചീഫ് ആർകിടെക്ട് ആതിര എത്തുന്നത്. സിറ്റി ലൈഫും ട്രാഫിക്കുംകൊണ്ട് വലഞ്ഞ് വീട്ടിലെത്തി ഒന്ന് തലചായ്ക്കുമ്പോൾ പ്രകൃതിതരുന്ന കുളിർമയും സംഗീതവും നേരിട്ട് അനുഭവിക്കാനുള്ള ഒരു പ്ലാൻ.

തിരക്കൊഴിഞ്ഞ സ്​ഥലങ്ങളിൽ വീട് നിർമിക്കാനാണ് മിക്കവരും ശ്രമിക്കുന്നത്. പ്രത്യേകിച്ചും ഗ്രാമീണ മേഖലയിൽ. സ്​ഥലത്തി​െൻറ വിലക്കുറവും സമാധാനാന്തരീക്ഷവുമാണ് ആളുകളെ അതിന് േപ്രരിപ്പിക്കുന്ന ഘടകങ്ങൾ. പരമാവധി ഓപ്പൺ സ്​പേസ്​ നൽകിക്കൊണ്ട് തൃശ്ശൂരിലെ കൊരട്ടിയിൽ പ്ലാൻ ചെയ്തിരിക്കുന്ന ഒറ്റനില വീട് ഇത്തരമൊന്നാണ്. ഒരു അരുവിയുടെ തീരത്താണ് പ്ലോട്ട്. പകൽ സമയങ്ങളിൽ വൈദ്യുതി ഉപയോഗം വേണ്ടിവരാത്ത വിധമാണ് ഡിസൈൻ. 3288 സ്​ക്വയർഫീറ്റുള്ള ഈ േപ്രാജക്ടിൽ വീടി​െൻറ പ്രധാന ഭാഗങ്ങളെല്ലാം അരുവിയിലേക്ക് മുഖം ചേർന്ന് നിൽക്കുന്നു. ജലസാന്നിധ്യവും കാറ്റും വീട്ടിൽ സദാ കുളിർമ സൃഷ്​ടിക്കുമെന്ന് ആർകിടെക്ട് പറയുന്നു. കല്ലുപാകിയ വഴിയാണ് വീട്ടിലേക്ക് നയിക്കുക. 

വീടിനകത്ത് വായുസഞ്ചാരം പുറത്തുള്ളതുപോലെത്തന്നെ നിലനിർത്താൻ ഒരു വലിയ ഓപൺ കോർട്ട്യാർഡും മറ്റ് മൂന്ന് കോർട്ട്യാർഡുകളും ഒരുക്കിയിരിക്കുന്നു. ‘പരമാവധി സ്​പേസ്​’ എന്നതുതന്നെയാണ് ഈ പ്ലാനി​െൻറ ഹൈലൈറ്റ്. അടച്ചുകിടക്കുന്ന ഒരു ഏരിയപോലും പ്ലാനിലില്ല. പ്രാർഥനാ മുറിപോലും പ്രകൃതിയോട് ചേർത്ത് നിർമിച്ചിരിക്കുന്നു. മൂന്ന് മുറികളാണ് പ്ലാനിലുള്ളത്. ഇവയെല്ലാം ക്രമീകരിച്ചിരിക്കുന്നത് അരുവിയുടെ സുന്ദരക്കാഴ്ചകളിലേക്ക് ചേർത്ത്. പ്ലോട്ടിലെ മരങ്ങളും കുറ്റിച്ചെടികളുമെല്ലാം അതേപടി നിർത്തുന്നുണ്ട്. 

 

കടപ്പാട്​

ആതിര 

ആവിഷ്​കാർ ആർകിടെക്​ട്​സ്

​​​കൊച്ചി