You are here

പ​ുതുമ വെടിഞ്ഞ്​ ഗൃഹാതുരസ്​മരണകളിലേക്ക്​; വീടിനെ ഇങ്ങനെയും മാറ്റാം

20:20 PM
31/05/2019
വീട്​ പുതുക്കി പണിത്​ സമകാലീന ശൈലിയിലേക്ക്​ മാറ്റിയെടുക്കുന്നതാണ്​​​ ഇപ്പോഴത്തെ ട്ര​​െൻറ് ആണ്. എന്നാൽ നിലവിലുള്ള വീടിനെ ഗൃഹാതുരസ്​മരണകൾ നിറയുന്ന തനി കേരളീയ ശൈലിയിലേക്ക്​ മാറ്റണമെന്നായിരുന്നു​ ഡോ. സബീൽ വളപ്പിലി​​​െൻറ ആഗ്രഹം.  കോഴിക്കോട് ജില്ലയിലെ ഉള്ളൂരിലുള്ള പാടത്ത് മുഹമ്മദ് മാസ്റ്ററി​​​െൻറ വീട് മൂന്നു കിടപ്പുമുറികളുള്ള ഒറ്റനില വീടായിരുന്നു. ടെറസ്​ ട്രസ്​ വർക്ക്​ ചെയ്​തിരുന്നു.  ആ വീടിനെ തന്നെ വലിയ പൊളിച്ചടുക്കലുകൾ ഇല്ലാതെ പരമ്പരാഗത ശൈലിയിലേക്ക്​ മാറ്റണമെന്നായിരുന്നു മാസ്​റ്ററുടെ മകൻ ഡോ. സബീൽ ആവശ്യപ്പെട്ടത്​. വീട്ടുകാരുടെ ഇഷ്​ടങ്ങളെ മുഴുവൻ ഉൾക്കൊള്ളിച്ച്​ പുറംകാ​ഴ്​ചക്കൊപ്പം അകത്തളം കൂടി പരമ്പരാഗത കേരളീയ ശൈലിയിലേക്ക്​ മാറ്റികൊണ്ടാണ്​ ഡിസൈനർ ഷഫീക്ക് വീട്​ പുതുക്കിപണിതത്​. 

പഴയ വീടിൻെറ സിറ്റ്​ ഔട്ട്​ വളരെ ചെറുതായിരുന്നു. അത്​ മാറ്റണമെന്നായിരുന്നു അവരുടെ പ്രധാന ആവശ്യം. വീടി​​​െൻറ മുൻവശത്തെ പൂർണമായും ഉൾക്കൊള്ളുന്ന രീതിയിൽ തൂണുകളോടു കൂടിയ വിശാലമായ ഒരു വരാന്ത ഒരുക്കുകയാണ്​ ആദ്യം ചെയ്​തത്​. ഇത് വീടിൻെറ പുറം ഭംഗി കൂട്ടാൻ കാരണമായി. വരാന്തയിൽ ഇരിക്കാനായി ചാരു കസേരയും ചാരുപടിയും നൽകിയിട്ടുണ്ട്. അഴകു കൂട്ടാൻ റാന്തൽ വിളക്കുകളാണ്​ ലൈറ്റായി നൽകിയത്​. ചാരുപടിയിൽ പഴയകാല റേഡിയോക്കും വാരന്തയിലേക്കുള്ള ചവിട്ടുപടികളിൽ ഓട്ടുകിണ്ടിയും ഇടംപിടിച്ചതോടെ വീടിന്​ പഴയ തറവാടി​​​െൻറ ഗരിമ കൈവന്നു. 

പരമ്പരാഗത തനിമ നിലനിർത്താൻ ഫ്ലോറിങ്ങിൽ കാവിയാണ് കൊടുത്തിട്ടുള്ളത്. മുൻവശത്തുള്ള ജനാലകൾക്കും വാതിലിനും മുകളിൽ ആർച്ച്​ രീതിയിൽ വുഡൻ പാനൽ നൽകി കളർ ഗ്ലാസുകൾ പതിച്ച്​ അലങ്കരിച്ചു.

സ്വീകരണ മുറിയുടെ സീലിങ്ങിൽ മനോഹരമായ മരം കൊത്തിയെടുത്തതു പോലുള്ള ഡിസൈൻ നൽകിയിട്ടുണ്ട്. ഇത്  എം.ഡി.എഫും ജിപ്സവും ഉപയോഗിച്ചാണ് ചെയ്തത്. ഡൈനിങ്​ റൂമിന്​ മുകളിലും മരത്തടികൊണ്ടുള്ളതുപോലെ സീലിങ്​ നൽകി. ഇവിടെ ആൻറിക്​ ലുക്കിലുള്ള ലൈറ്റുകളാണ്​ നൽകിയത്​. മുമ്പ്​ വീട്ടിലുണ്ടായിരുന്ന ബെഡ് റൂം ഫർണിച്ചറുകളെല്ലാം പഴയ ശൈലിയിലേക്ക് മാറ്റി എടുത്തു. പഴയ മച്ചി​​​െൻറ രീതിയിലാണ്​ കിടപ്പുമുറികളുടെയും സീലിങ്​ ഒരുക്കിയത്​. 

ഒാഫ് വൈറ്റ് - വുഡൻ നിറങ്ങളുടെ അകമ്പടിയോടെയാണ് അകത്തള ഒരുക്കങ്ങൾ. ഒാരോ ഏരിയയിലും പഴമയുടെ ഭംഗി കൊണ്ടുവരാൻ ഡിസൈനർ ശ്രമിച്ചിട്ടുണ്ട്​.

ട്രസ്​ വർക്ക്​ ചെയ്​ത ടെറസ്​ ഗ്ലാസ്​ ജനാലകൾ നൽകി ഒരു പാർട്ടി സ്​പേസായി മാറ്റിയെടുത്തു. ഇത്​ വീടിന്​ ഇരുനില തറവാടി​​​െൻറ ഭംഗി നൽകുന്നുണ്ട്​. പഴയ വീട്ടിലെ ഫർണിച്ചുകളെല്ലാം ശൈലിമാറ്റി പുനരുപയോഗിക്കുകയാണ്​ ചെയ്​തത്​. വരാന്ത ട്രസ്​ വർക്ക്​ ചെയ്​ത്​ കളിമൺ ഓട്​ നൽകി. ഇത്​ ഇവിടുത്തെ ചൂടുകുറക്കാനും സഹായകമായി. 

പുതുക്കിയ വീടിനോട്​ എല്ലാവർക്കും ഇഷടം. ഇപ്പോഴാണ്​ വീടിന്​ ഒരു ​ൈശലിയുണ്ടായതെന്നും അകത്തളത്തിൽ മനസി​നിണങ്ങിയ ഇടങ്ങൾ ഉണ്ടായതെന്നും ഡോ. സബീൽ പറയുന്നു. പരമ്പരാഗത ശൈലിയിലുള്ള വീടുകളെ ഇപ്പോഴും ഇഷ്ടപ്പെടുന്ന ആളുകൾക്ക് ഒട്ടും കുറവില്ല എന്നാണ് മുഹമ്മദ് മാസ്റ്ററി​​​െൻറ അഭിപ്രായം. ഈ വീട് കണ്ട്  ഇഷ്ടപ്പെട്ട് കേരളത്തിന് അകത്തും പുറത്തുമുള്ള സിനിമ മേഖലയിൽ ഉള്ളവർ വരെ ബന്ധപ്പെട്ടിരുന്നതായി ഡിസൈനറും പറയുന്നു.  

Designer: Shafique MK
Daya woods
Exterior Interior Designers & Decorators
Mob-9745220422

 

Loading...
COMMENTS