You are here

മൂളിപ്പാട്ടു പോലൊരു വീട്; ബജറ്റ്​ ഒമ്പതു ലക്ഷം

  • ലാളിത്യമാർന്നൊരീണം പോലെ ഇമ്പമുണ്ട് ഗായകനായ നൗഷാദ് ഒരുക്കിയ വീടിന്

13:28 PM
06/11/2019
  • ലൊ​ക്കേ​ഷ​ൻ- തിരൂർ
  • ഏ​രി​യ- 930 ച​തു​ര​ശ്ര​യ​ടി
  • ഓ​ണ​ർ ആൻറ് ഡി​ഡൈ​ൻ- നൗഷാദ്
  • ചെ​ല​വ്-ഒമ്പത് ല​ക്ഷം

മ​ല​പ്പു​റം തി​​രൂ​​ർ പ​ച്ചാ​ട്ടി​രി സ്വ​​ദേ​​ശി​​യും ഗാ​​യ​​ക​​നു​​മാ​​യ നൗ​​ഷാദി​​​െൻറ പു​​തി​​യ വീ​​ടാ​​ണ് നാ​ട്ടി​​ലി​​പ്പോ​​ൾ സം​​സാ​​ര​​വി​​ഷ​​യം. പ​​ണം ധൂ​​ർ​​ത്ത​​ടി​​ക്കാ​​തെ എ​​ങ്ങ​​നെ മ​​നോ​​ഹ​​ര​​വും സൗ​​ക​​ര്യ​​ങ്ങ​​ളു​​മു​​ള്ള വീ​​ട് നി​​ർ​​മി​​ക്കാം എ​​ന്ന​​തി​​ന് ഉ​​ദാ​​ഹ​​ര​​ണ​​മാ​​ണ് ഈ ​വീ​​ട്.  സ്​​​റ്റേ​​ജ് പ​​രി​​പാ​​ടി​​ക​​ൾ​​ക്കാ​​യി പ​​ല​​പ്പോ​​ഴും വി​​ദേ​​ശ​​രാ​​ജ്യ​​ങ്ങ​​ളൊ​​ക്കെ പോ​​കാ​​ൻ ക​​ഴി​​ഞ്ഞി​​ട്ടു​​ണ്ട്. അ​​വി​​ടെ​​യൊ​​ക്കെ ചെ​​ല​​വു കു​​റ​​ഞ്ഞ​​തും മ​​നോ​​ഹ​​ര​​വു​​മാ​​യ വീ​​ടു​​ക​​ളു​​ണ്ടാ​​ക്കു​​ന്ന​​ത് ക​​ണ്ടി​​ട്ടു​​ണ്ട്. അ​​തു​​ത​​ന്നെ​​യാ​​ണ് ഇ​​ത്ത​​ര​​ത്തി​​ലു​​ള്ള വീ​​ട് നി​​ർ​​മി​​ക്കാ​​നു​​ള്ള പ്രേ​​ര​​ണ​​യെ​​ന്ന് നൗ​​ഷാ​​ദ് പ​​റ​​യു​​ന്നു.

വീ​​ടി​​ൻെ​​റ പ്ലാ​​നും 98 ശ​​ത​​മാ​​നം ജോ​​ലി​​ക​​ളും ഇ​​ൻ​​റീ​​രി​​യ​​ർ ഡി​​സൈ​​നി​​ങ്ങു​​മെ​​ല്ലാം നി​​ർ​​വ​​ഹി​​ച്ച​​ത് നൗ​​ഷാ​​ദ് ത​​ന്നെ​​യാ​​ണ്. വേ​ന​ൽ​ക്കാ​ല​വും മ​ഴ​ക്കാ​ല​വും കാ​ത്തി​രു​ന്ന് മൂ​​ന്നു വ​​ർ​​ഷ​​ത്തോ​​ളമെടുത്താണ് വീ​​ട് പൂ​​ർ​​ത്തി​​യാ​​ക്കി​​യ​​ത്. വെ​​റും ഒ​​മ്പ​​തു ല​​ക്ഷത്തോളമാണ് ആകെ ചെലവ്.

എട്ടുസ​​െൻറിൽ 930 ച​തു​ര​ശ്ര​യ​ടിയിൽ ര​​ണ്ടു കി​​ട​​പ്പു​​മു​​റി, സ്വീ​​ക​​ര​​ണ​​മു​​റി, ഡൈ​​നി​​ങ്​ ഹാ​​ൾ, ബാ​​ത്റൂം, അ​​ടു​​ക്ക​​ള, വ​​ർ​​ക്ക്​ ഏ​​രി​​യ എ​​ന്നി​​വ ഉ​​ൾ​​ക്കൊ​​ള്ളി​​ച്ചാ​​ണ് വീ​​ട്. ഇ​​തി​​നു പു​​റ​​മെ ട​​ഫ​​ൻ​​ഡ് ഗ്ലാ​​സ് കൊ​​ണ്ട്  ചെ​​റി​​യ സി​​റ്റൗ​​ട്ടും  മേ​​ൽ​​ക്കൂ​​ര​​യി​​ൽ വീ​​ഴു​​ന്ന മ​​ഴ​​വെ​​ള്ളം ശേ​​ഖ​​രി​​ക്കാ​​നു​​ള്ള സ്ഥ​​ല​​വും വീ​​ടി​​ൻെ​​റ മു​​ൻ​​ഭാ​​ഗ​​ത്തു​​ണ്ട്. വീ​​ടി​​ന​​ക​​ത്തേ​​ക്ക് ക​​യ​​റാ​​നാ​​യി ഇ​​തി​​നു മു​​ക​​ളി​​ലൂ​​ടെ ന​​ട​​പ്പാ​​ലം ന​​ൽ​​കി​​യി​​ട്ടു​​ണ്ട്.

കോ​​ൺ​​ക്രീ​​റ്റി​​ൻെ​​റ ഉ​​പ​​യോ​​ഗം കാ​ര്യ​മാ​യിത​ന്നെ കു​​റ​​ക്കാ​​ൻ സാ​​ധി​​ച്ചി​​ട്ടു​​ണ്ട്. മേ​​ൽ​​ക്കൂ​​ര​​യി​ൽ അ​​ലു​​മി​​നി​​യം ട്ര​​ഫോ​​ൾ​​ഡ് ഷീ​​റ്റും വി​​രി​​ച്ചു. അ​​ഞ്ചു മി​​ല്ലി​​മീ​​റ്റ​​ർ ക​​ന​​മു​​ള്ള​​തി​​നാ​​ൽ മ​​ഴ​​പെ​​യ്യു​​മ്പോ​​ൾ അ​​ക​​ത്തേ​​ക്ക് ശ​​ബ്​​​ദ​​മൊ​​ന്നും കേ​​ൾ​​ക്കി​​ല്ല. ചൂടിനെ പ്രതിരോധിക്കാൻ ട്രസ് റൂഫിന് താഴെ ആറടി അകലമിട്ടാണ് വിബോർഡ് കൊണ്ട് ഫോൾസ് സീലിങ് ചെയ്തത്.എയർ ഗ്യാപ് ഉള്ളതുകൊണ്ട് അകത്തളത്തിൽ ചൂട് അനുഭവപ്പെടുന്നില്ല.

വുഡൻ ഫിനിഷുള്ള ടൈലുകളാണ് നിലത്തു വിരിച്ചത്. അകത്തളത്ത്​ വുഡൻ -ഐവറി നിറങ്ങളുടെ സമന്വയമാണ്​ കാണാൻ കഴിയുക.  

തടിയുടെ അമിതോപയോഗവും ഒഴിവാക്കി. ഫൈ​​ബ​​ർ വാ​​തി​​ലാ​​ണ് അ​​ക​​ത്ത​​ള​​ങ്ങ​​ളി​​ൽ ഉ​​പ​​യോ​​ഗി​​ച്ച​​ത്. പ്ലൈവുഡ് ഫിനിഷിലുള്ള ഫർണിച്ചറും തെരഞ്ഞെടുത്തു.

ഫെറോസിമൻറ്​ സ്ലാബിൽ മറൈൻ പ്ലൈ ഒട്ടിച്ചാണ് കിച്ചൻ കബോർഡുകൾ. കിടപ്പുമുറിയിലെ വാഡ്രോബുകളും ഇങ്ങനെ ഒരുക്കി. ഇതെല്ലാം ബജറ്റ്​ കുറച്ച ഘടകങ്ങളായി. 

വീ​​ട് നി​​ർ​​മി​​ക്കു​​മ്പോ​​ൾ കൂ​​ട്ടു​​കാ​​രു​​ടെ​​യും നാ​​ട്ടു​​കാ​​രു​​ടെ​​യും അ​​ടു​​ത്തു​​നി​​ന്ന് നി​​രു​​ത്സാ​​ഹ​​പ്പെ​​ടു​​ത്ത​​ൽ ഏ​​റെ കേ​​ൾ​​ക്കേ​​ണ്ടി​​വ​​ന്നി​​രു​​ന്നു നൗ​​ഷാ​​ദി​​ന്. എ​​ന്നാ​​ൽ, വീ​​ടു​​താ​​മ​​സം ക​​ഴി​​ഞ്ഞ​​തി​​നു​​ശേ​​ഷം വീ​​ട്ടി​​ൽ വി​​രു​​ന്നു​​കാ​​രു​​ടെ ബ​​ഹ​​ള​​മാ​​ണ്. ദി​വ​സ​വും അ​ഞ്ചു കു​ടും​ബ​മെ​ങ്കി​ലും വീ​ട് കാ​ണാ​നെ​ത്തും.  ഈ ​വീ​ടിനെ മാതൃകയാക്കി പ​ല​രും വീ​ടു​ണ്ടാ​ക്കാ​ൻ ത​യാ​റെ​ടു​ക്കു​ന്ന സ​ന്തോ​ഷ​ത്തി​ലാ​ണ് നൗ​ഷാ​ദി​പ്പോ​ൾ.

പ്ലാൻ

(മാധ്യമം ‘കുടുംബം’ മാഗസിനിൽ പ്രസിദ്ധീകരിച്ചത്​)

Loading...
COMMENTS