ഒരു ചെയ്​ഞ്ചല്ല; ഒന്നൊന്നര ചെയ്​ഞ്ച്​ 

മുപ്പതു വർഷത്തിലധികം  പഴക്കമുള്ള ഇരുനില വീട്​. ആറു കിടപ്പുമുറികളുള്ള ആ വീട്​ പുതുക്കിയെടുക്കുന്നതി​​​​​​​​​​​​​​​​െൻറ സാധ്യതകൾ തേടിയാണ്​ കണ്ണൂർ ജില്ലയിലെ ചക്കരക്കല്ലുള്ള സഫാരി അബ്ദുൽ ഖാദർ ഹാജിയുടെ മകൾ ഡോക്​ടർ റയിഷത്ത് സബീൽ ഡിസൈനർ ഷഫീക്കിനെ സമീപിക്കുന്നത്.

ഉപ്പ നിർമിച്ച ആ വീട് പൊളിച്ച് മാറ്റാൻ അവർക്ക്​ തീരെ താൽപര്യമില്ലായിരുന്നു. എന്നാൽ വിശാലമായ സ്വീകരണ മുറിയോ അടുക്കളോ കാലാനുസൃതമായ അഴകോ വീടിനില്ലെന്നതും അകത്തളത്തി​​​​​​​​​​​​​​​​െൻറയും മുഖപ്പി​​​​​​​​​​​​​​​​െൻറ അഭംഗിയുമെല്ലാം വില്ലനായി തോന്നി. കെട്ടുറപ്പും നല്ല വിസ്​താരവുമുള്ള വീട് പൊളിച്ചുമാറ്റാതെ ​കുറഞ്ഞ ബജറ്റിൽ അകത്തും പുറത്തും പുതുമ കൊണ്ടുവരണമെന്നാണ്​ റയിഷത്ത്​ ആഗ്രഹിച്ചത്​. 

2007 ൽ പഴയ വീടിലേക്ക്​  കുറച്ച് കൂടി​ വലുതാക്കി. എന്നാൽ അകത്തും പുറത്തും വീടിന് ഇൗ ഭാഗവുമായി ഒരു ബന്ധവുമില്ലാത്ത അവസ്ഥയായിരുന്നു. ഈ ഭാഗങ്ങൾ ഇൻറീരിയറിലും എക്​സിറ്റീരിയറിലും ലയിക്കുന്ന തരത്തിൽ മാറ്റിയെടുക്കുക എന്നതായിരുന്നു വീട്​ പുതുക്കി പണിയുന്നതിലുള്ള പ്രധാന വെല്ലുവിളി. ഇതിനായി വീടി​​​​​​​​​​​​​​​​െൻറ മുഖപ്പ്​ പൂർണമായും കൊളോണിയൽ ശൈലിയിലേക്ക്​ മാറ്റി. ഇത്​ വീടിന്​ ഉയരം തോന്നിക്കുകയും കൂടുതൽ അഴകു നൽകുകയും ചെയ്​തു. 

മരവുമായി ബന്ധപ്പെട്ട ബിസിനസ് നടത്തിയിരുന്ന വ്യക്തിയായിരുന്നു അബ്ദുൽ ഖാദർ ഹാജി. അതുകൊണ്ട് തന്നെ പഴയ വീടി​​​​​​​​​​​​​​​​െൻറ പല ഭാഗങ്ങളിലും ധാരാളം മരം  ഉപയോഗിച്ചിരുന്നു. പുതുക്കു​േമ്പാഴും ഇതെല്ലാം ഉപയോഗപ്പെടുത്തണമെന്ന് വീട്ടുകാർക്ക് നിർബന്ധമായിരുന്നു. അതിനാൽ ഇൻറീരിയർ ഡിസൈൻ ചെയ്യു​േമ്പാൾ പഴയ മരങ്ങൾ പ്രയോജനപ്പെടുത്താവുന്ന പാറ്റേണാണ് തെരഞ്ഞെടുത്തത്​. 

പ്രധാന വാതിൽ തുറന്ന് എത്തുന്നത് ഫോയറിലേക്കാണ്. ഫോയറും ഇടത് വശത്തെ മുറിയും സിറ്റിങ്​ ഏരിയ ആയിട്ടാണ് ഉപയോഗിച്ചിരുന്നത്. ഇത്രയും സിറ്റിങ്​ ഏരിയ ഉണ്ടായിട്ടും നല്ലൊരു സ്വീകരണമുറിയുടെ പ്രതീതി ഉണ്ടായിരുന്നില്ല.

പുതിയൊരു സ്വീകരണ മുറിക്കായി  മുൻവശത്തെ  ഭാഗത്തുണ്ടായിരുന്ന കിടപ്പുമുറിയും അതി​​​​​​​​​​​​​​​​െൻറ ഇടതുവശത്ത് ഉണ്ടായിരുന്ന സിറ്റിങ്​ ഏരിയയുടെ ഒരു ഭാഗവും ചേർത്ത്​ വിശാലമായ  സ്വീകരണമുറി ഉണ്ടാക്കിയെടുത്തു. ഫോയറി​​​​​​​​​​​​​​​​െൻറ ഇടത് ഭാഗത്തെ സിറ്റിങ്​ ഏരിയ കിടപ്പുമുറിയാക്കി മാറ്റി. പഴയ സിറ്റിങ്​ ഏരിയയിൽ ഉണ്ടായിരുന്ന വലിയ ബാത്ത് റൂം വിഭജിച്ച് രണ്ട് ബാത്ത്റൂം ആക്കി, ഒന്ന്​ കിടപ്പുമുറിയോട്​ ചേർത്തു. മറ്റൊന്ന്​ കോമൺ വാഷ്​റൂം ആയി  സ്വീകരണമുറിയിൽ നൽകി. 

ഫോയർ ഏരിയ മുഖം മിനുക്കിയെടുക്കുത്ത്​, സ്വീകരണ മുറിയോടു ബന്ധിപ്പിക്കാൻ ഒരു പാർട്ടീഷൻ ഡിസൈൻ നൽകി. സ്​ക്വയർ പൈപ്പുകളും റബ്​വുഡും  ഉപയോഗിച്ചാണ് മനോഹരമായൊരു ക്യൂരിയോ പാർട്ടീഷൻ ഡിസൈൻ ചെയ്​തത്​​. പ്രധാന വാതിൽ തുറക്കുമ്പോൾ തന്നെ കാണുന്ന ഈ ഡിസൈൻ വീടിന് പുതുഭാവം നൽകി.

ക്യൂരിയോ പാർട്ടീഷ​ൻ ഡിസൈനോട് ചേർന്നു നിൽക്കുന്ന രീതിയിലാണ് ഇൗ ഭാഗത്തെ സീലിങ്ങ് ഡിസൈൻ ചെയ്തത്. സീലിങ്ങിൽ റബ്​​ വുഡ്​ ഉപയോഗപ്പെടുത്തി വാം ഫീലുള്ള ഡിസൈൻ ലൈറ്റുകളും നൽകി. 

സ്വീകരണമുറി, ടിവി യൂനിറ്റ്​, പാർട്ടീഷൻ ചെയ്​ത കോർട്ട്​ യാർഡ്​
സ്വീകരണമുറിയിൽ  വിശാലമായ സോഫയാണ് നൽകിയിട്ടുള്ളത്. വലിയ കുടുബം ആയത് കൊണ്ട് തന്നെ ഇതവർക്ക് വളരെ ഉപയോഗപ്രദമായി. സ്വീകരണമുറിയുടെ ഫ്ലോറിങ്ങിൽ ഗ്രേ നിറത്തിലുള്ള മാറ്റ് ഫിനിഷ് ടൈലുകളാണ് നൽകിയത്. സീലിങ്ങിൽ മിനിമലിസ്റ്റിക്കായ ഡിസൈൻ കൊണ്ടുവന്നു. ഒരു ഭാഗത്ത് കോവ്​ ലൈറ്റ്​ നൽകി. ഇവിടത്തെ ചുവരുകൾക്ക് ടെക്​സ്​ച്ചർ ഫിനിഷ്  നൽകി ആകർഷകമാക്കി.

ജനലുകൾക്കും കർട്ടനുകൾക്കും വെള്ള നിറം നൽകിയത്​ മുറി കൂടുതൽ വിശാലമായി തോന്നിച്ചു. സ്വീകരണ മുറിയിലെ ഇടതു വശത്തും വലതു വശത്തുമായി വീട്ടിലെ പഴയ മരങ്ങൾ ഉപയോഗപ്പെടുത്തി ഗ്രൂഡ്​ ഡി​ൈസെൻ നൽകിയിട്ടുണ്ട്. അത്​ പോളിഷ് ചെയ്ത് നാച്ചുറൽ ലുക്ക് നിലനിർത്തി. അതിന്​ മുകളിലായി പെയിൻറിംഗ്സ് നൽകി. 

സ്വീകരണ മുറിയുടെ ഒരു വശത്ത് സ്​ക്വയർ പൈപ്പും റബ്​വുഡും  ഉപയോഗിച്ച് ഫോയർ- ലിവിങ്​ റൂം പാർട്ടീഷനുമായി ഇ​ണങ്ങ​ുന്ന രീതിയിലുള്ള ഒരു കോർട്ട് യാർഡ് സെറ്റ്​ ചെയ്തു. പഴയ രണ്ട് അലമാരകൾ ചേർത്ത് ഒരു വലിയ അലമാര ഉണ്ടാക്കിയെടുത്തു. വ്യത്യസ്​തക്കായി അലമാരക്ക്​ സ്​ക്വയർ പൈപ്പുകൊണ്ടുള്ള കാലുകൾ നൽകി. അലമാരക്ക്​ വെള്ള നിറം നൽകിയെങ്കിലും ഇൻറീരിയറിലെ വുഡൻ ഡിസൈൻ മാച്ച്​ ചെയ്യുന്നതിനായി വാതിലുകൾക്ക് പഴയ മരം കൊണ്ടുള്ള നീളത്തിലുള്ള പിടിയാണ്​ കൊടുത്തത്​.

സ്വീകരണമുറിയുടെ ഇടത് വശത്തെ ബെഡ് റൂമിലേക്കുള്ള വാതിലിന്​ വെള്ള നിറവും ചുവരുകൾക്ക് ഗ്രേ കളറും നൽകി വീടി​​​​​​​​​​​​​​​​െൻറ അകത്തളത്തിലുള്ള ഒരുമയും ഡിസൈൻ പാറ്റേണും നിലനിർത്താൻ ഡിസൈനർക്ക്​ കഴിഞ്ഞു. സ്വീകരണമുറിയോട് ചേർന്ന് തന്നെ നിസ്കാര മുറിയും ഉണ്ട്. 

ഫോയറും ലിവിങ്​ ഏരിയയുമായുള്ള പാർട്ടീഷ​​​​​​​​​​​​​​​​െൻറ മറുഭാഗം ടി.വി യൂനിറ്റായി ഒരുക്കിയെടുത്തു. ഇതി​​​​​​​​​​​​​​​​െൻറ പിൻവശം ഒരു ഡിസൈൻ ആക്കുന്നതിന്​ റബ്​ വുഡ്​ ഉപയോഗിച്ചുള്ള ഗ്രൂഡ്​ ഡിസൈൻ നൽകി. 

ഫോയറി​​​​​​​​​​​​​​​​െൻറ ഇടതുഭാഗത്ത് പുതുതായി ഉണ്ടാക്കിയ കിടപ്പുമുറിയിൽ പഴയ മരങ്ങൾ ഉപയോഗിച്ചുള്ള ഡിസൈൻ പാറ്റേണാണ് നൽകിയിട്ടുള്ളത്. മുറിയിലെ അലമാരയ​​ും പഴയ മരങ്ങൾ ഉൾപ്പെടുത്തിയുള്ള ഡിസൈനിലാണ് പൂർത്തിയാക്കിയതാണ്.

ഒാപ്പൺ കിച്ചൺ കോൺസ്​പെറ്റ്​ കൊണ്ടുവരണമെന്നത്​ വീട്ടുകാരുടെ ആഗ്രഹമായിരുന്നു. അത്കൊണ്ട് തന്നെ മുൻവശത്തെ ഡൈനിങ്​ ഹാളിൽ നിന്നും ഒാപ്പണിങ്​ നൽകി അടുക്കളയും ഉൗണുമുറിയും തമ്മിൽ ബന്ധിപ്പിച്ചു. ഇവിടെയും സ്​ക്വയർ പൈപ്പ്​ കൊണ്ടുള്ള പാർട്ടീഷൻ ഡിസൈൻ നൽകി. ഇൗ ഭാഗം ആകർഷകമാക്കാൻ അരികിൽ മൂന്ന്​ പെയിൻറിങ്ങുകളും ഉപയോഗിച്ചു. 

 

പഴയ മരങ്ങൾ പരമാവധി ഉപയോഗപ്പെടുത്തണമെന്നുള്ളത് കൊണ്ട് ഡൈനിങ്​ ടേബിൾ വ്യത്യസ്​തമായ ഡിസൈനിലാണ്​ ഒരുക്കിയത്​. ടേമ്പിളി​​​​​​​​​​​​​​​​െൻറ ഒരു ഭാഗത്ത് ബെഞ്ചും മറുഭാഗത്ത് തീമിനോട്​ ചേർന്നു നിൽക്കുന്ന കസേരകളുമാണ്​ നൽകിയത്.​ ടേബിൾ ഡിസൈനിനോടു ചേരുന്ന തരത്തിൽ പഴയ മരം ഉപയോഗിച്ചുള്ള സീലിങ്ങാണ്​ ഇവിടെ നൽകിയത്​.

സ്​ക്വയർ പൈപ്പും ​േപ്ലവുഡും ഉപയോഗിച്ച് ഡൈനിങ് ടേബിളിന്​ മുകളിലായി ഹാങ്ങിങ്​ ലൈറ്റുകൾ നൽകി. ഇതി​​​​​​​​​​​​​​​​െൻറ വയറിങ്​ കണക്​ഷനു വരെ അകത്തളത്തി​​​​​​​​​​​​​​​​െൻറ കളർ കോമ്പിനേഷൻ ഫോളോ ചെയ്തിട്ടുണ്ട്​.

പഴയ അടുക്കള ഒട്ടും സൗകര്യമില്ലാതെ വീർപ്പ് മുട്ടിയ അവസ്ഥയിലായിരുന്നു. കുറച്ചു ഭാഗങ്ങൾ പൊളിച്ച് മാറ്റി വലിയ അടുക്കളയാക്കി മാറ്റി എടുത്തു. ​ഗ്രേ​-വൈറ്റ്- ടീൽ​ തീമാണ് അടുക്കളയിൽ ഫോളോ ചെയ്തത്.

കിച്ചൺ കാബിനറ്റി​​​​​​​​​​​​​​​​െൻറ അടിയിലും മുകളിലും സൈഡിലുമായി ലൈറ്റുകൾ നൽകി. മ​ൈറൻ ​േപ്ലവുഡ്​  ഉപയോഗിച്ച് പി.യു​ ഫിനിഷിലാണ് കിച്ചൺ കാബിനറ്റ് നിർമിച്ചിരിക്കുന്നത്​. ഗ്രേ പാറ്റേണില​ുള്ള ടൈലുകളാണ്​ തറക്കും ചുവരിനുമായി തെരഞ്ഞെടുത്തിരിക്കുന്നത്​.  

പുതിയ ബ്രേക്ക്​ഫാസ്​റ്റ്​ ടേബിളിനു മുകളിൽ മനോഹരമായ വുഡൻ സീലിങ്​ നൽകി
 

അടുക്കളയിൽ  ബ്രേക്ക്​ ഫാസ്​റ്റ്​ ടേബിളും ഒരുക്കി. ഇതിന്​ മുകളിലായി പഴയ മരങ്ങൾ ഉപയോഗിച്ചുള്ള സീലിങ്​ ഡിസൈൻ നൽകി. സീലിങ്ങിൽ മനോഹരമായ ലൈറ്റും ചുറ്റും കോവ് ലൈറ്റു​ം നൽകി.

കിടപ്പുമുറിയിലെ മാറ്റങ്ങൾ
 
താഴത്തുള്ള നിലയിലെ രണ്ടാമത്തെ കിടപ്പുമുറിയിൽ ചുവരുകൾക്ക് ടെക്​ച്ചർ ഫിനിഷാണ് നൽകിയത്. ഇന്റീരിയർ എലമ​​​​​​​​​​​​​​​െൻറുകളായി ഉപയോഗിച്ചിട്ടുള്ള റബ്​ വുഡ്​- ടീൽ കളർ തീമും ഇവിടെ ഉപയോഗിച്ചു. 
ഒന്നാം നിലയിലെ കിടപ്പുമുറികളുടെ  അലമാരക്കും കട്ടിലിനും മരം ഉപയോഗിച്ചുള്ള ഡിസൈൻ പാറ്റേൺ നൽകി. വലിയ മരപ്പിടിയുള്ള വെള്ള അലമാരയും ഗ്രൂഡ്​ ഡിസൈനിലുള്ള സീലിങ്ങുമെല്ലാം മുറിക്ക്​ പുതുഭാവം നൽകി.

അപ്പർ ലിവിങ്ങിലെ പഴയ മേശയും കസേരയും  അതിനോട്​ ചേർന്നുണ്ടായിരുന്ന ലൈബ്രറി ഷെൽഫും പോളിഷ്​ ചെയ്​ത്​​ പുതുതാക്കി. ജിപ്സം സിലിങ്ങിൽ കോവ് ലൈറ്റ് കൊടുത്ത് ഭംഗിയാക്കി. ഗോവണിയുടെ വുഡൻ ഹാൻഡ്​റീലും പോളിഷ് ​ചെയ്​തു മിനുക്കി. 

വീട്​ പണിയിൽ വെല്ലുവിളിയായത്​ എക്​സ്​റ്റീരിയർ മാറ്റുന്നതിലായിരുന്നു. റൂഫിന്​ ട്രെസ്​ വർക്ക് നൽകി ഓട് വിരിച്ച്​ കൊളോണിയൽ ശൈലിയിലുള്ള മുഖപ്പാക്കി. ജനലുകളെല്ലാം വെള്ള നിറത്തിലേക്ക്​ കൊണ്ടു വന്നു. ബാൽക്കണിയിൽ ഉണ്ടായിരുന്ന കർവ്​ ഡിസൈൻ ഫ്ലാറ്റാക്കി എടുത്തു. സിറ്റൗട്ടി​​​​​​​​​​​​​​​​െൻറ​ ഹാൻഡ്​ റെയിൽ മാറ്റി കൊളോണിയൽ ശൈലിയിലേക്ക് ചേരുന്നതാക്കി. 

മുറ്റത്തുള്ള കിണറിനു ചുറ്റു ഭാഗവും  വെർട്ടിക്കൽ ഗാർഡൻ നൽകി.

വീടി​​​​​​​​​​​​​​​​െൻറ പേര് പില്ലറിൽ നൽകിയത് വ്യത്യസ്​ത ശൈലിയിലായിരുന്നു. ഇതി​​​​​​​​​​​​​​​​െൻറ കൂടെ റബ്​ വുഡ്​ ഉപയോഗിച്ചുള്ള ​േപ്ലാട്ട്​ നൽകി മനോഹരമാക്കി. അകത്തളത്ത്​ ഉൾപ്പെടുത്തിയ ഗ്രൂഡ്​ പാറ്റേലിലാണ്​ പ്രധാന വാതിൽ വരെ ഒരുക്കിയെടുത്തത്​.

വീട്ടിലെ ഒരോ ഘടകങ്ങളും ഒരേ ശൈലിയിലേക്ക്​ കൊണ്ടുവരാൻ ഡിസൈനർ ശ്രദ്ധിച്ചിട്ടുണ്ട്​. വീടി​​​​​​​​​​​​​​​​െൻറ നെയിം ​േപ്ലറ്റ്​ മുതൽ അടുക്കള വരെ ഒരേ തീമിൽ വ്യത്യസ്​തത നിലനിർത്തി ക്ലയൻറി​​​​​​​​​​​​​​​​െൻറ ആഗ്രഹങ്ങൾ പൂർത്തീകരിക്കുന്ന രീതിയിൽ ചെയ്യാൻ ഡിസൈനർക്ക്​ കഴിഞ്ഞിട്ടുണ്ട്​. അനാവശ്യ കുത്തിപൊളിക്കലുകൾ ഒഴിവാക്കി വീടിനെ മനോഹരമാക്കാൻ കഴിഞ്ഞുവെന്ന്​ ഡിസൈനർ ഷഫീക്​ പറയുന്നു. 

Shafique MK
Daya Woods
Exterior Interior Designers & Decorators

Mob:9745220422

Loading...
COMMENTS