പൂന്തോട്ടത്തിലെ പ്രേതച്ചെടി

ഫിലോഡെ​ൻഡ്രോൺ ഇനത്തിൽപ്പെട്ട അപൂർവമായ ഒരു ചെടിയാണ് ഫിലോഡെ​ൻഡ്രോൺ ഫ്ലോറിഡ ഗോസ്റ്റ്​​. പടർന്നുപിടിക്കുന്ന സ്വഭാവക്കാരാണ്​. അതുകൊണ്ട് തന്നെ ഇതിന് ഒരു പിന്തുണ എപ്പോഴും ആവശ്യമാണ്. ഇതിന്‍റെ ഇലകൾക്ക് ഒരു പ്രത്യേക ഭംഗിയാണ് കാണാൻ.

പുതിയ ഇലകൾ ആദ്യം വെള്ളം നിറവും ശേഷം മഞ്ഞ നിറവും പിന്നെ ഇളം പച്ചയും പിന്നീട് കടുത്ത പച്ചയുമായി മാറുന്ന കാഴ്ച മനോഹരമാണ്​. ഇതിന്‍റെ ഇലകളുടെ രൂപം കൊണ്ട്​ തന്നെയാണ്​ ഫിലോഡെ​ൻഡ്രോൺ എന്ന പേര്​ ലഭിച്ചത്. പുതിയ ഇലകൾ വരുമ്പോൾ നോക്കിയാൽ ഒരു കുഞ്ഞു പ്രേതം പറക്കുന്നത്​ പോലെ തോന്നും. ഇതിന്‍റെ പരാഗണം തണ്ടുകൾ കട്ട്​ ചെയ്​താണ്​ ചെയ്യാറ്​.

വെള്ളത്തിൽ വെച്ച് ചെടി വളർത്തിയെടുക്കാം. നേരിട്ട് സൂര്യപ്രകാശം അടിക്കാത്ത രീതിയിൽ വേണം വെക്കാൻ. ഈർപ്പം ഇഷ്ടപ്പെടുന്ന ചെടിയാണ്. സാധാരണ ചെടിക്ക് കൊടുക്കുന്ന വളങ്ങൾ മതിയാകും.