ക്ലൈമ്പിങ്​ ഫിഗ്

ഉദ്യാനങ്ങളിൽ പടർന്നുപിടിച്ച്​ വളരുന്ന ഒരു തരം ചെടിയാണ്​ ഫികസ്​ പുമില വേരിഗേറ്റഡ്.​ ഇതിനെ ക്ലൈമ്പിങ്​ ഫിഗ്​ എന്നും വിളിക്കാറുണ്ട്​. പെട്ടെന്ന് വളരുന്ന ഒരു തരം ചെടിയാണിത്. ഇതിന്‍റെ ഇലകൾ ചെറുതും ഹൃദയത്തിന്‍റെ ആകൃതിയിലും ഉള്ളതാണ്. ഇലകൾ ക്രീമും വെള്ളയും ചേർന്നതാണ്. പെട്ടെന്ന് വളരുന്നുത്​ കൊണ്ടുതന്നെ മതിലുകളിലും തറയിലും വളർത്താൻ പറ്റിയതാണ്.

ഹാങ്ങിങ്​ പ്ലാന്‍റ്​ ആയിട്ടും വളർത്തിയെടുക്കാം. അതിക പരിചരണം ആവശ്യമില്ല. ഇളം സൂര്യപ്രകാശം, നേരിട്ടടിക്കാത്ത സൂര്യപ്രകാശം കിട്ടുന്ന സ്ഥലമാണ് നല്ലത്. കാലം കഴിയും തോറും പടരുന്ന തണ്ടുകൾ കട്ടിയുള്ളതാവും. ഈർപ്പം ഇഷ്ടപ്പെടുന്ന ചെടിയാണ്. ഇതിന്‍റെ കട്ടിയുള്ള തണ്ടുകൾ മുറിച്ചെടുത്താണ്​ വളർത്തുന്നത്. തണ്ടിന്‍റെ അറ്റം നോക്കി ആറിഞ്ച് നീളത്തിൽ മുറിച്ചെടുക്കണം. വെള്ളത്തിൽ ഇട്ടും വളർത്തിയെടുക്കാം. മണ്ണിൽ ആണേൽ നേരിട്ട് വെയിൽ അടിക്കാത്ത സ്ഥലം നോക്കി, ഈർപ്പം ഉള്ളിടം നോക്കി വെക്കാം. ഇളക്കമുള്ള മണ്ണ് നോക്കി പോട്ടിങ്​ മിക്സ്​ തയ്യാറാക്കാം. ചാണകപ്പൊടി, ചകിരിച്ചോർ, ഗാർഡൻ സോയിൽ എന്നിവ യോജിപ്പിച്ചാണ്​ ഗാർഡൻ സോയിൽ തയ്യാറാക്കേണ്ടത്​.