വീട്​ കാമറയാക്കി ഒരു ഫോട്ടോഗ്രഫർ; മക്കളുടെ പേരുകൾ അതിലും കൗതുകം

00:06 AM
15/07/2020

ബെംഗളൂരു: കർണാടകയിലെ ബെൽഗൗമിലുള്ള ഒരാളുടെ വീടാണ്​ സോഷ്യൽ മീഡിയിൽ ഇപ്പോൾ ചർച്ചാ വിഷയം. ഒറ്റനോട്ടത്തിൽ ഒരു ഭീമൻ കാമറ പോലെ തോന്നിക്കുന്ന വീടി​​​െൻറ പിന്നിലുള്ള കഥ അതിലേറെ കൗതുകമാണ്​. ചെറുപ്പം മുതലേ ഫോ​േട്ടാഗ്രഫിയിൽ ആസക്​തിയുള്ള രവി ഹൊങ്കൽ എന്നയാളുടേതാണ് ആ​ കാമറ വീട്​​. ലെൻസുകളോടുള്ള പ്രണയം അയാളെ എത്തിച്ചത്​ സ്വന്തം വീട്​​ തന്നെ കാമറയാക്കാനുള്ള തീരുമാനത്തിലേക്കും​. 71 ലക്ഷം രൂപയാണ്​ അതിന്​ വേണ്ടി രവി ചിലവഴിച്ചത്​.

49കാരനായ ഫോ​േട്ടാഗ്രഫറുടെ കാമറ പ്രണയം അവിടെയും അവസാനിക്കുന്നില്ല. തനിക്ക്​ ജനിച്ച മൂന്ന്​ ആൺ മക്കൾക്ക് അദ്ദേഹം​ പേരിട്ടത്​ നിക്കോൾ കാനൺ, എപ്​സൺ എന്നാണ്​. മൂന്നും പ്രമുഖ കാമറ ബ്രാൻഡുകളും​. വീടി​​​െൻറ മുൻ ഭാഗത്ത്​ അവ വെണ്ടക്ക അക്ഷരത്തിൽ എഴുതാനും അദ്ദേഹം മറന്നില്ല. കാമറ രൂപമുള്ള വീടിന്​ മുന്നിൽ ചിരിച്ചുകൊണ്ട്​ രവി ഹൊങ്കലും കുടുംബവും നിൽക്കുന്ന ചിത്രം ട്വിറ്ററടക്കമുള്ള സമൂഹ മാധ്യമങ്ങളിൽ തരംഗമായിരിക്കുകയാണ്​. 

വീടി​​​െൻറ എക്​സ്റ്റീരിയറിൽ ലെൻസും ഫ്ലാഷും ഷോ റീലും മെമ്മറി കാർഡും വ്യൂ ഫൈൻററുമെല്ലാമുണ്ട്​. വീടിന്​ അകത്തുള്ള സീലിങ്ങും ചുമരുകളുമെല്ലാം തന്നെ കാമറയുടെ വിവിധ പാർട്ടുകളാണെന്ന്​ തോന്നിപ്പിക്കും.

Loading...
COMMENTS