You are here

അപ്പർ ലിവിങ്​ ആവശ്യമോ​?

  • വീടും കൂടും –പ്രശസ്​ത ആർക്കിടെക്​റ്റ്​ ഡിസൈനർ രാജേഷ്​ മല്ലർകണ്ടി എഴുതുന്ന പംക്തി (ഭാഗം-15)

(Square designs)

അപ്പർ ലിവിങ്​ എന്ന സങ്കൽപ്പം കോൺക്രീറ്റ് വീടുകൾ ഉണ്ടായ കാലം മുതൽ ഉണ്ട്. സ്​റ്റെയർ കയറി ചെല്ലുന്ന ഇടമാണ്​ ഒന്നാം നിലയിലെ ലിവിങ്​ ഏരിയയായി ഡിസൈൻ ചെയ്യാറുള്ളത്​. ഇത്​ മുറികളിലേക്കും ടെറസിലേക്കുമുള്ള ഇടനാഴി കൂടിയാണ്​. കുട്ടികൾക്ക്​ കളിക്കാനും വിരുന്നുകാർ വരു​േമ്പാൾ ഒത്തുകൂടാനുമെല്ലാം സ്വസ്ഥമായിരുന്ന്​ ടി.വി.കാണാനുമെല്ലാമുള്ള സ്​ഥലം കൂടിയായിരുന്നു അപ്പർ ലിവിങ്​. എന്നാൽ പല വീടുകളിലും അപ്പർ ലിവിങ്​ ഉപയോഗിക്കാതെ കിടക്ക​ുന്നത്​ കണ്ടിട്ടുണ്ട്​. 

താഴത്തെ നിലയിൽ വിശാലമായ  ലിവിങ്​ റൂം ഒരുക്കു​േമ്പാൾ അപ്പർ ലിവിങി​​െൻറ ആവശ്യമില്ല. ചില വീടുകൾക്ക്​ താഴെ നിലയിൽ തന്നെ ഫാമിലി ലിവിങ്​ സ്​പേസും അതിൽ ടിവി യൂനിറ്റും ഒരുക്കാറുണ്ട്​.  ഇത്തരം സാഹചര്യങ്ങളിൽ അപ്പർ ലിവിങ്ങി​​െൻറ ആവശ്യമില്ല. അതുകൊണ്ടുതന്നെ മുകളിലെ ബെഡ്റൂമിലേക്കു പോകാനുള്ള പാസേജ് ആയും സ്റ്റെയർകേസ്​ കയറിവരുമ്പോൾ ലാൻഡിങ്ങ് ആയും മാത്രം ഇത് ഉപയോഗത്തിൽ വരുന്നു. അങ്ങനെയെങ്കിൽ കുറ​ഞ്ഞ സ്​പേസിൽ ലാൻഡിങ്​ പാസേജാക്കി ഒതുക്കി, ബെഡ്റൂമിലേക്കും ഓപ്പൺ ടെറസിലേക്കും പോകാനുള്ള ഒരു ചെറിയ സ്​ഥലമായി ഒ​​​​​​രുക്കാം. 

കൂടുതൽ അംഗങ്ങളുള്ള വീട്ടിൽ അപ്പർ ലിവിങ്​ മ്യൂസിക് റൂമായും ഹോം തിയേറ്ററായുമെല്ലാം സജീകരിക്കാറുണ്ട്​. വായനശീലമുള്ളവർക്ക് ലൈബ്രറിയായും ചിത്രം വരക്കുന്നവർക്ക്​ ആർട്ട്​ സ്​പേസായും കുട്ടികൾക്ക് പഠിക്കാനുള്ള സ്​ഥലമായും ഒാഫീസ്​ സ്​പേസായുമെല്ലാം ഉപയോഗിക്കാവുന്നതാണ്.  

(കോഴിക്കോട്​ ഇൗസ്​ഹില്ലിൽ സ്​ക്വയർ ആർക്കിടെക്ച്ചറൽ ഇൻറീരിയർ കൺസൾട്ടൻറ്സ് എന്ന സ്ഥാപനത്തി​​​​​​​​​​​​​​​​​​​​​​െൻറ സാരഥിയാണ് ലേഖകൻ. 27 വർഷമായി ഡിസൈനിങ്​ രംഗത്ത്​ പ്രവർത്തിച്ചു വരുന്നു. ആർക്കിടെക്​ചർ മാസികകളിലും അനുകാലിക പ്രസിദ്ധീകരണങ്ങളിലും ലേഖനങ്ങൾ എഴുതുന്നു. ഫോൺ: 919847129090 rajmallarkandy@gmail.com) 

COMMENTS