You are here

അകത്തളത്ത്​ പ്രാർത്ഥനാമുറി ഒരുക്കു​േമ്പാൾ

pooja

വീട്​ നിർമിക്കു​േമ്പാൾ ചിലർക്കെങ്കിലും ആരാധനക്കായി പ്രത്യേക മുറി ഒരുക്കണമെന്നുണ്ടാകും. ഹിന്ദു കുടുംബങ്ങളിൽ​ പ്രാർത്ഥനക്കായി പൂജാമുറി ഒരുക്കു​േമ്പാൾ അത്​ ചെറിയ സ്​പേസിൽ മതിയാകും. മുസ്​ലിം വീടുകളിൽ അംഗങ്ങളുടെ എണ്ണവും മറ്റും അനുസരിച്ചാണ്​ നിസ്​കാരമുറി നിർമിക്കാറുള്ളത്​. ക്രിസ്​ത്യൻ വീടുകളിലാണെങ്കിൽ കുടുംബാംഗങ്ങൾ പൊതുവായി കൂടുന്നയിടമാണ്​​ ആരാധനക്കായി ഒരുക്കുന്നത്​. 

പൂജാമുറി

പൂജാമുറി എന്ന രീതിയിൽ അടച്ചുപൂട്ടിയും ഷെൽഫ് രീതിയിലും ചെയ്യാവുന്നതാണ്. കേരള ഡിസൈനിലുള്ള ഉള്ള വീടിന് പരമ്പരാഗത ശൈലിയിലും  കൻറംപററി ഇൻ്റീരിയർ ഉള്ള വീടുകളിൽ കുറച്ചു മോഡേൺ ആയും പൂജാമുറി നിർമിക്കാവുന്നതാണ്. 
പൂജാമുറി നിർമ്മിക്കുന്നുവെങ്കിൽ അത് വാസ്​തുപ്രകാരം ഉണ്ടാക്കുന്നതാണ് നല്ലത്. ആത്്മീയത ഇഷ്​ടപ്പെടുന്നവരാണല്ലോ പൂജാമുറി ഉണ്ടാക്കുന്നത്. അവർക്ക് വാസ്​തുവിൽ വിശ്വാസവും കാണും. സ്​ഥാനം, പ്രാർഥിക്കേണ്ട ദിശ, വാതിലി​​​െൻറ നീളം, വീതി തുടങ്ങിയ കാര്യങ്ങൾ ചോദിച്ചു മനസിലാക്കി ചെയ്യേണ്ടി വരും. 

ബഡ്ജറ്റ്​ വീടൊരുക്കുന്നവർ  പൂജാമുറിക്ക് ഒരുപാട് സ്​ഥലം വിടുന്ന രീതി ഒഴിവാക്കുന്നതാണ്​ നല്ലത്​. ചെറിയ വീടാണെങ്കിൽ ചുവരിൽ പൂജാ സ്​പേസായി ഡിസൈൻ ചെയ്യുകയോ ഷെൽഫ്​ രീതിയിൽ നൽകുകയോ ചെയ്യാം. 

കോണിപ്പടിക്ക് താഴെ പൂജാമുറി വാസ്​തു പ്രകാരം അനുവദിക്കാറില്ല. പവിത്രമായി സൂക്ഷിക്കാൻ സാധിക്കുമെങ്കിൽ മാത്രമേ പൂജാമുറി ഒരുക്കാൻ പാടുള്ളൂ. മരിച്ചുപോയ കുടുംബാംഗങ്ങളുടെ ചിത്രങ്ങളും മറ്റും പൂജാമുറിയിൽ സൂക്ഷിക്കരുതെന്നും വാസ്​തുശാസ്​ത്രം പറയുന്നു. 

നിസ്​കാരമുറി

മുസ്ലിം വീടുകളിൽ നിസ്​കാരമുറിയും സ്​ഥാനം നോക്കി പടിഞ്ഞാറോട്ട് തിരിഞ്ഞു പ്രാർത്ഥിക്കുന്ന വിധത്തിൽ ചെയ്യണം. നിസ്​കരിക്കാൻ വേണ്ട സ്​ഥലം എത്രപേർക്കാണ് ഒരേ സമയം വേണ്ടതെന്ന് കണ്ട് വലുപ്പം തീരുമാനിക്കാവുന്നതാണ്.  കൂടുതൽ വിസ്​തീർണത്തിൽ വീട്​ ചെയ്യുന്നവർ സ്​ത്രീകൾക്കായി പ്രത്യേക നിസ്​കാരമുറിയും വീട്ടിൽ ഉൾപ്പെടുത്താറുണ്ട്​. 

ക്രിസ്​ത്യൻ ഭവനങ്ങളിൽ വീട്ടുകാരെല്ലാം കൂടുന്ന ഫാമിലി ലിവിങ്ങിലോ ഹാളിലോ ഒരു ഭാഗത്തെ ചുമർ ഇതിനായി മാറ്റി വെക്കാറാണ് പതിവ്. വലിയ വിസ്​തീർണത്തിൽ നിർമിക്കുന്ന വീടുകളിൽ ആരാധനക്കായി പ്രത്യേക മുറി ഒരുക്കുന്നവരുമുണ്ട്​. 


  

Loading...
COMMENTS