ലോക ഭക്ഷ്യമേളയുമായി ലുലു

അബൂദബി: ഏറ്റവും വലിയ ഹൈപ്പർ മാർക്കറ്റ് ശൃംഖലയായ ലുലുവിൽ 'വേൾഡ്​ ഫുഡി'ന്​ തുടക്കം. നവംബർ 10 വരെ നീളുന്ന ആഘോഷത്തിൽ 25 ലധികം രാജ്യങ്ങളിൽ നിന്നുള്ള ആഗോള വിഭവങ്ങൾ ഉപഭോക്​താക്കളുടെ മുന്നിലെത്തും. യു.എ.ഇയുടെ ആദ്യത്തെ വെർച്വൽ പാചക മത്സരം 'മാസ്​റ്റർ ഹോം ഷെഫ്​: ദ സേർച്ച്​ ഫോർ ദ ഹോം ക്യുലിനറി സ്​റ്റാർ', മറ്റ്​ ഇൻസ്​റ്റോർ ഉൽപ്പന്ന ഓഫറുകൾ എന്നിവ ഭക്ഷണപ്രിയരെയും ഷോപ്പർമാരെയും വേൾഡ് ഫുഡിൽ ഒരുമിപ്പിക്കുന്നു.

ബിരിയാണി മേള (24 വരെ), മാസ്​റ്റർ ഹോം ഷെഫ് (നവംബർ ആറ്​ വരെ), ഏഷ്യൻ ഫുഡ് (25 – 27), ബി. ബി.ക്യു ഫെസ്​റ്റിവൽ (28 – 31), മലബാർ തക്കാരം (നവംബർ 1 – 2), അറേബ്യൻ ഡിലൈറ്റ്സ്​ (3 – 4), ധാബാ വാലാ(5 – 7), ബേക്സ്​ ആൻഡ് സ്വീറ്റസ്​ (5 – 7) കോണ്ടിനെൻറൽ (8 – 10) എന്നീ ദിവസങ്ങളിലാണ്​ ഭക്ഷ്യമേള. ചലച്ചിത്ര താരം നൈല ഉഷ ഭക്ഷ്യമേള ദുബൈയിൽ ഉദ്​ഘാടനം ചെയ്തു. ലുലു ഗ്രൂപ്പ് ദുബൈ ആൻഡ് നോർത്തേൺ എമിറേറ്റ്സ്​ ഡയറക്ടർ ജെയിംസ്​ വർഗീസ്​, റീജിയണൽ ഡയറക്ടർ കെ.പി തമ്പാൻ, മറ്റു ലുലു ഗ്രൂപ്പ് ഉദ്യോഗസ്​ഥർ എന്നിവർ സന്നിഹിതരായിരുന്നു.

15 വർഷത്തിലേറെയായി സംഘടിപ്പിക്കുന്ന ഭക്ഷ്യമേള ഇതുവരെയുള്ള ഏറ്റവും വലിയ ആഘോഷമാണെന്ന്​ മാനേജ്​മെൻറ്​ അറിയിച്ചു. മഹാമാരിയുടെ പരിമിതികൾക്കിടയിലും വിവിധ എംബസികൾ, േട്രഡ് െപ്രാമോഷൻ കൗൺസിലുകൾ, കമ്മ്യൂണിറ്റി ഓർഗനൈസേഷനുകൾ, ഹോട്ടൽ, ടൂറിസം മേഖല, സെലിബ്രിറ്റി ഷെഫ്, സോഷ്യൽ മീഡിയ എന്നിവരിൽ നിന്ന് വിപുലമായ പിന്തുണ ലഭിച്ചു. ആഗോള രുചികളുടെ വിശാലമായ േശ്രണി ഒരുക്കുക എന്നതാണ് ലക്ഷ്യമെന്നും ലുലു ഗ്രൂപ്പ്​ എക്സിക്യൂട്ടീവ് ഡയറക്ടർ എം.എ. അഷ്റഫ് അലി പറഞ്ഞു.

മാസ്​റ്റർ ഹോം ഷെഫ്, ലിറ്റിൽ ഹോം ഷെഫ് വെർച്വൽ പാചക മത്സരങ്ങൾ എന്നിവയും ലുലു അവതരിപ്പിക്കുന്നുണ്ട്​. ഒന്നാം സമ്മാനം 3,000 ദിർഹം, രണ്ടാം സമ്മാനം 2,000 ദിർഹം, മൂന്നാം സമ്മാനം 1,000 ദിർഹം എന്നിങ്ങനെ നൽകും. വെർച്വൽ പാചക മത്സരങ്ങളുടെ വിവരങ്ങൾക്ക്​ https://www.luluhypermarket.com/en-ae/worldfood-en സന്ദർശിക്കണം.