ഹോട്ടലി​െൻറ പേര്​ ആൻറിവൈറസ്​; ഭക്ഷണത്തിൽ സാനിറ്റൈസറുണ്ടോയെന്ന്​ നെറ്റിസൺസ്​

കോവിഡ്​ കാലത്ത്​ ഭക്ഷണത്തിലും ധാരാളം വൈവിധ്യങ്ങളാണ്​ പലരും കൊണ്ടുവന്നത്​. മോസ്​കോയിലെ കൊറോണ കോക്ക്​ടെയിലും വിയറ്റ്​മാനിലെ വൈറസി​െൻറ ആകൃതിയിലുള്ള ബർഗറുമെല്ലാം അത്തരത്തിൽ ശ്രദ്ധയാകർഷിച്ചവയായിരുന്നു.

എന്നാൽ, ഇത്തവണ ഒഡിഷയിൽനിന്നാണ്​ രസകരമായ വാർത്ത വരുന്നത്​. കാലത്തിനൊത്ത്​ സഞ്ചരിച്ച ഹോട്ടൽ ഉടമ, ത​െൻറ കടയുടെ പേര്​​ ആൻറിവൈറസ്​ ടിഫിൻ സെൻറർ എന്നാക്കി മാറ്റിയിരിക്കുകയാണ്​​. ബ്രഹ്​മാപുരിലെ ഗാന്ധിനഗർ മെയിൻ റോഡിലാണ്​ ഇൗ കടയുള്ളത്​.

കടയുടെ ചിത്രങ്ങൾ സമൂഹ മാധ്യമങ്ങളിൽ വൈറലായിട്ടുണ്ട്​. മാസ്​ക്കൊന്നും ധരിക്കാതെ കടയുടെ സമീപത്തുനിന്ന്​ ഭക്ഷണം കഴിക്കുന്ന ധാരാളം പേരെ ചിത്രങ്ങളിൽ കാണാം. ഇഡ്ഡലി, പൂരി, ഉപ്പുമാവ്​, ദോശ, സമോസ, വട, പകോഡി, തഡിയ, ആലൂ ചോപ്​ തുടങ്ങിയവയാണ്​ ഇവിടെ ലഭിക്കുക​.

ചിത്രങ്ങൾ വൈറലായതോടെ പലരും പ്രതികരണവുമായി രംഗത്തെത്തി​​. കടക്കാരൻ ഭക്ഷണത്തിൽ സാനിറ്റൈസർ ചേർത്തിട്ടുണ്ടാകില്ലെന്ന്​ കരുതാമെന്ന്​ ഒരാൾ തമാ​ശ രൂപേണ കുറിച്ചു. 'ഇത്​ കമ്പ്യൂട്ടർ വൈറസിനെതിരെയും പ്രവർത്തിക്കുമോ? അങ്ങനെയാണെങ്കിൽ കോടിക്കണക്കിന്​ രൂപ ലാഭിക്കാമായിരുന്നു'വെന്ന് മറ്റൊരാൾ​ കമൻറ്​ ചെയ്​തു.

'പാചകക്കാരൻ ഗ്ലൗസും മാസ്​ക്കുമില്ലാതെയാണ്​ ഭക്ഷണം തയാറാക്കുന്നത്​. വിളമ്പുന്നവർക്കും ഇവയൊന്നുമില്ല, ശരിക്കും ആൻറി വൈറസ്​ തന്നെ' ^ഇങ്ങനെയായിരുന്നു ഒരു പ്രതികരണം.

'ആൻറിവൈറസ്​ ദോശ കഴിച്ചാൽ നിങ്ങൾക്ക്​ പ്രതിരോധശേഷി കൈവരിക്കാം. അതിനാൽ മാസ്​ക്കി​െൻറയും സാമൂഹിക അകല​ത്തി​െൻറയും ആവശ്യമില്ല' -തമാശ കലർന്ന മറ്റൊരു പ്രതികരണം​ ഇപ്രകാരമാണ്​.

ഇത്​ ആദ്യമായല്ല ഇന്ത്യയിൽ മഹാമരിക്ക്​ ശേഷം കടയുടെ പേര്​ മാറ്റുന്നത്​. നേരത്തെ വാരണാസിയിൽ ചോട്ട മാൾ എന്നത്​​ കൊറോണ മാൾ എന്നാക്കി മാറ്റിയിരുന്നു. പകർച്ചവ്യാധികളെ പ്രതിരോധിക്കാനുള്ള മരുന്നുകളും മറ്റു ഉൽപ്പന്നങ്ങളും ഇൗ കടയിൽ ലഭ്യമാണ്​.