ഡോമിനോസിൽ നിന്ന് ഇനി​ ബിരിയാണിയും; കുറഞ്ഞ വിലക്ക്​ ബിരിയാണി നൽകാൻ വിതരണക്കാർ

ലോകപ്രശസ്​ത പിസ വിതരണ ശൃംഖലയായ ഡോമിനോസിൻെറ ഇന്ത്യയിലെ വിതരണക്കാർ​ ബിരിയാണിയുമായി രംഗത്തെത്തുന്നു. ജെ.എഫ്​.എല്ലാണ്​ 'ഏക്​ദം' എന്ന ബ്രാൻഡിന്​ കീഴിൽ ഇന്ത്യയിൽ ബിരിയാണി വിതരണം ചെയ്യുമെന്നാണ്​​ അറിയിച്ചത്​. 20 വ്യത്യസ്​ത തരം ബിരിയാണികളാവും ഇന്ത്യയിൽ അവതരിപ്പിക്കുക.

ഹൈദരാബാദ്​ നിസാമി ബിരിയാണി​, ലക്​നോ ബിരിയാണി, കൊൽക്കത്ത ബിരിയാണി എന്നിവയെല്ലാം ഇന്ത്യയിലെ മെനുവിലുണ്ടാവും. 99 രൂപ മുതൽ ബിരിയാണിയുണ്ടാവുമെന്നും കമ്പനി അറിയിച്ചിട്ടുണ്ട്​. കുറഞ്ഞ വിലക്ക്​ ബിരിയാണി വിതരണം ചെയ്യുകയാണ്​ കമ്പനിയുടെ ലക്ഷ്യമെന്നും അവർ വ്യക്​തമാക്കി.

ബിരിയാണി​ വിതരണം ചെയ്യുന്നതിന്​ മുന്നോടിയായി മൂന്ന്​ റസ്​റ്ററൻറുകൾ ആരംഭിക്കും. ഗുഡ്​ഗാവിലായിരിക്കും റസ്​റ്ററൻറുകൾ. ഡൽഹിയിലും വൈകാതെ റസ്​റ്ററൻറുകൾ തുടങ്ങുമെന്ന്​ ജെ.എഫ്​.എൽ അറിയിച്ചു.