ശുദ്ധി കറിപൗഡര്‍ അഥവാ, വനിത കൂട്ടായ്മയുടെ വിജയകഥ

ആ​ല​പ്പു​ഴ: കു​ടും​ബ​ശ്രീ കൂ​ട്ടാ​യ്മ​യി​ല്‍ പി​റ​ന്ന ബി​സി​ന​സ് ആ​ശ​യം വ​ഴി​തു​റ​ന്ന​ത് ഓ​ണാ​ട്ടു​ക​ര​യു​ടെ സ്വ​ന്തം ക​റി​പൗ​ഡ​ര്‍ ബ്രാ​ന്‍ഡി​ലേ​ക്ക്. ഭ​ര​ണി​ക്കാ​വ് ഗ്രാ​മ​പ​ഞ്ചാ​യ​ത്ത് മൂ​ന്നാം വാ​ര്‍ഡി​ല്‍ ത​യാ​റാ​ക്കു​ന്ന ശു​ദ്ധി ക​റി​പൗ​ഡ​റു​ക​ള്‍ പേ​രു സൂ​ചി​പ്പി​ക്കു​ന്ന​തു ​പോ​ലെ മാ​യം ചേ​ര്‍ക്കാ​ത്ത​വ​യാ​ണ്.

കു​ടും​ബ​ശ്രീ അം​ഗ​ങ്ങ​ളാ​യ ബി​നി വി​ശ്വം​ഭ​ര​ന്‍, ഹൃ​ദ​യ​കു​മാ​രി, അ​നി​ത, വി​ജ​യ​മ്മ, സു​ധ​ര്‍മ എ​ന്നി​വ​രാ​ണ് ഓ​ണാ​ട്ടു​ക​ര സ്പൈ​സ​സ് എ​ന്ന ബ്രാ​ന്‍ഡി​ല്‍ ഈ ​ക​റി​പൗ​ഡ​റു​ക​ള്‍ വി​പ​ണി​യി​ലെ​ത്തി​ക്കു​ന്ന​ത്.

ക​ര്‍ഷ​ക​രി​ല്‍നി​ന്ന്​ നേ​രി​ട്ട് സം​ഭ​രി​ക്കു​ന്ന മ​ഞ്ഞ​ളും കു​രു​മു​ള​കു​മൊ​ക്കെ യ​ന്ത്ര​വ​ത്കൃ​ത യൂ​നി​റ്റി​ലാ​ണ് സം​സ്‌​ക​രി​ച്ച് വി​പ​ണ​നം ന​ട​ത്തു​ന്ന​ത്. മ​ഞ്ഞ​ള്‍ സം​സ്‌​ക​ര​ണ​ത്തി​നാ​യി മൂ​ന്നു ല​ക്ഷം രൂ​പ വി​ല​വ​രു​ന്ന പോ​ളി​ഷി​ങ്​ യ​ന്ത്രം ഭ​ര​ണി​ക്കാ​വ് ബ്ലോ​ക്ക് പ​ഞ്ചാ​യ​ത്ത് സ​ബ്സി​ഡി​യോ​ടെ ഇ​വ​ര്‍ക്ക് ന​ല്‍കി.

കൃ​ഷി വി​ജ്ഞാ​ന കേ​ന്ദ്ര​ത്തി​ന്റെ പി​ന്തു​ണ​യി​ല്‍ മ​ഞ്ഞ​ള്‍ പു​ഴു​ങ്ങി ഉ​ണ​ക്കു​ന്ന​തി​നു​ള്ള ബോ​യി​ല​റും ല​ഭി​ച്ചു. വി​ദേ​ശ​ത്തു​നി​ന്ന് ഉ​ള്‍പ്പെ​ടെ ഓ​ര്‍ഡ​റു​ക​ള്‍ ല​ഭി​ക്കു​ന്നു​ണ്ടെ​ന്ന് ബി​നി വി​ശ്വം​ഭ​ര​ന്‍ പ​റ​ഞ്ഞു.