ഇവിടുണ്ട്​, പോയകാല നാട്ടുമിഠായി രുചികൾ

സോ​ഹാ​ർ: പ്ര​വാ​സി​ക​ളി​ൽ ഗൃ​ഹാ​തു​ര​ത ഉ​ണ​ർ​ത്തു​ന്ന പോ​യ​കാ​ല നാ​ട്ടു​മി​ഠാ​യി രു​ചി​ക​ൾ അ​തേ ത​നി​മ​യോ​ടെ​യും മ​ധു​ര​ത്തോ​ടെ​യും ഇ​വി​ടെ​യും ല​ഭി​ക്കു​ന്നു. വി​ൽ​പ​ന​യി​ലും ഇ​വ മു​ൻ​പ​ന്തി​യി​ലാ​ണ്. ഇ​വി​ടു​ള്ള മു​തി​ർ​ന്ന ത​ല​മു​റ സ്കൂ​ളി​ൽ പോ​യി​രു​ന്ന കാ​ല​ത്തെ മി​ഠാ​യി​ക​ളാ​ണ് അ​തേ പേ​രി​ലും രൂ​പ​ത്തി​ലും പു​തി​യ പാ​ക്കി​ൽ ഒ​മാ​നി​ല​ട​ക്കം ല​ഭ്യ​മാ​കു​ന്ന​ത്.

എ​ള്ളു​ണ്ട, നാ​ര​ങ്ങ മി​ഠാ​യി, ഇ​ഞ്ചി മി​ഠാ​യി, തേ​ൻ മി​ഠാ​യി, പു​ളി മി​ഠാ​യി തു​ട​ങ്ങി സ്കൂ​ളി​ന്റെ മു​ൻ​വ​ശ​ത്ത് ന​മ്മു​ടെ കു​ട്ടി​ക്കാ​ല​ത്ത്​ ല​ഭി​ച്ചു​കൊ​ണ്ടി​രു​ന്ന എ​ല്ലാ മി​ഠാ​യി​ക​ളു​ടെ​യും വി​ൽ​പ​ന​യാ​ണ് പ്ര​വാ​സ​മ​ണ്ണി​ൽ പൊ​ടി​പൊ​ടി​ക്കു​ന്ന​ത്.

റ​സ്റ്റാ​റ​ന്‍റു​ക​ളു​ടെ കൗ​ണ്ട​റി​നു​മു​ക​ളി​ലും ചെ​റി​യ വ​ക്കാ​ല​ക​ളി​ലും സൂ​പ്പ​ർ മാ​ർ​ക്ക​റ്റു​ക​ളി​ലെ ഷെ​ൽ​ഫു​ക​ളി​ലും മ​ല​യാ​ളി​യു​ടെ നാ​ട്ടു​രു​ചി​യു​ടെ മി​ഠാ​യി ഓ​ർ​മ​ക​ൾ സ്ഥാ​നം​പി​ടി​ച്ചി​ട്ടു​ണ്ട്. നി​ര​വ​ധി ക​മ്പ​നി​ക​ളാ​ണ്​ വ്യ​ത്യ​സ്ത പാ​ക്ക​റ്റു​ക​ളി​ൽ ഇ​വ മാ​ർ​ക്ക​റ്റ് ചെ​യ്യു​ന്ന​ത്. ചി​ല്ല​റ വി​ൽ​പ​ന​യി​ൽ അ​മ്പ​ത് ഫി​ൽ​സാ​ണ് ഒ​രെ​ണ്ണ​ത്തി​ന്‍റെ വി​ല.

ഭ​ക്ഷ​ണം ക​ഴി​ച്ചു​ക​ഴി​ഞ്ഞാ​ൽ ഒ​രു ഇ​ഞ്ചി​മി​ഠാ​യി​യോ തേ​ൻ മി​ഠാ​യി​യോ ക​ട​ല മി​ഠാ​യി​യോ വാ​യി​ലി​ട്ട് നു​ണ​ഞ്ഞ്​ പോ​യ​കാ​ല​ത്തി​ന്‍റെ മ​ധു​രി​ക്കു​ന്ന ഓ​ർ​മ​ക​ളു​മാ​യാ​ണ്​ പ​ല​രും മ​ട​ങ്ങു​ന്ന​തെ​ന്ന്​ ക​ച്ച​വ​ട​ക്കാ​ർ പ​റ​യു​ന്നു. വി​ല​കൂ​ടി​യ ചോ​ക്ലേ​റ്റു​ക​ൾ കു​ട്ടി​ക​ൾ​ക്കാ​യി വാ​ങ്ങി​പ്പോ​യി​രു​ന്ന ര​ക്ഷി​താ​ക്ക​ൾ ഇ​ത്ത​രം മി​ഠാ​യി​ക​ളു​ടെ ഒ​രു ബോ​ട്ടി​ൽ വാ​ങ്ങി​യാ​ണ്​ ഇ​പ്പോ​ൾ പോ​കു​ന്ന​തെ​ന്നും ക​ച്ച​വ​ട​ക്കാ​ർ പ​റ​യു​ന്നു.