ഹത്ത ഹണി ഫെസ്റ്റിവൽ; ശ്രദ്ധനേടി കിർഗിസ്താൻ തേൻ

ദു​ബൈ: ഹ​ത്ത​യി​ൽ ക​ഴി​ഞ്ഞ​ദി​വ​സം ആ​രം​ഭി​ച്ച ഹ​ണി ഫെ​സ്റ്റി​വ​ലി​ൽ ശ്ര​ദ്ധ​നേ​ടി കി​ർ​ഗി​സ്താ​നി​ൽ​നി​ന്നു​ള്ള തേ​ൻ. മ​ധ്യേ​ഷ്യ​ൻ രാ​ജ്യ​മാ​യ കി​ർ​ഗി​സ്താ​നി​ലെ ഫാ​മി​ൽ​നി​ന്ന്​ പ്ര​ത്യേ​കം ത​യാ​റാ​ക്കി​യ തേ​നാ​ണ്​ ദു​ബൈ മു​നി​സി​പ്പാ​ലി​റ്റി ലാ​ബി​ൽ​നി​ന്ന്​ പ​രി​ശോ​ധ​ന പൂ​ർ​ത്തീ​ക​രി​ച്ച്​ ഗു​ണ​നി​ല​വാ​ര സ​ർ​ട്ടി​ഫി​ക്ക​റ്റോ​ടെ മേ​ള​യി​ൽ വി​ൽ​പ​ന​യും പ്ര​ദ​ർ​ശ​ന​വും ന​ട​ത്തു​ന്ന​ത്. കി​ർ​ഗി​സ്താ​ൻ സ്വ​ദേ​ശി റാ​ശി​ദ്​ അ​ൽ ബി​ദ്​​വാ​ബി​യും മ​ക​നു​മാ​ണ്​ ​ഫെ​സ്റ്റി​വ​ലി​ൽ തേ​നു​മാ​യി എ​ത്തി​യ​ത്.

കു​ങ്കു​മ​വും സൂ​ര്യ​കാ​ന്തി​പ്പൂ​ക്ക​ളും വി​ള​യു​ന്ന വ​ലി​യ പാ​ട​ങ്ങ​ൾ​ക്ക്​ സ​മീ​പം സ്ഥാ​പി​ച്ച തേ​ൻ​കൂ​ടു​ക​ളി​ൽ​നി​ന്ന്​ ശേ​ഖ​രി​ക്കു​ന്ന തേ​നാ​ണ്​ മേ​ള​യി​ൽ എ​ത്തി​ച്ച​തെ​ന്ന്​ ബി​ദ്​​വാ​ബി ‘ഗ​ൾ​ഫ്​ മാ​ധ്യ​മ’​ത്തോ​ട്​ പ​റ​ഞ്ഞു. വെ​ളു​ത്ത നി​റ​ത്തി​ലു​ള്ള തേ​നാ​ണ്​ ഇ​ദ്ദേ​ഹ​ത്തി​ന്‍റെ സ്റ്റാ​ളി​ൽ ഏ​റ്റ​വും ശ്ര​ദ്ധി​ക്ക​പ്പെ​ടു​ന്ന​ത്. പ്ര​ത്യേ​ക​സ​മ​യ​ത്ത്​ ശേ​ഖ​രി​ക്കു​ന്ന തേ​നാ​ണ്​ ഈ ​നി​റ​ത്തി​ൽ ല​ഭി​ക്കു​ന്ന​തെ​ന്നും ആ​രോ​ഗ്യ​ത്തി​ന്​ ഗു​ണ​പ്ര​ദ​മാ​ണെ​ന്നും അ​ദ്ദേ​ഹം വ്യ​ക്​​ത​മാ​ക്കി.

ദു​ബൈ ഹ​ണി ഫെ​സ്റ്റി​വ​ൽ മി​ക​ച്ച അ​വ​സ​ര​മാ​ണ്​ തേ​നീ​ച്ച​ക്ക​ർ​ഷ​ക​ർ​ക്ക്​ ഒ​രു​ക്കു​ന്ന​തെ​ന്നും പ്രാ​ദേ​ശി​ക സം​രം​ഭ​ങ്ങ​ൾ​ക്കും മ​റ്റു​ള്ള​വ​ർ​ക്കും ഒ​രു​പോ​ലെ ഗു​ണ​ക​ര​മാ​ണി​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ചൊ​വ്വാ​ഴ്ച ആ​രം​ഭി​ച്ച ഹ​ണി ഫെ​സ്റ്റി​വ​ലി​ന്‍റെ ര​ണ്ടാം ദി​വ​സ​വും നി​ര​വ​ധി സ​ന്ദ​ർ​ശ​ക​ർ പ്ര​ദ​ർ​ശ​നം കാ​ണാ​നെ​ത്തി.

തേ​ൻ ഉ​ൽ​പാ​ദ​ക​രെ പ്രോ​ത്സാ​ഹി​പ്പി​ക്കു​ന്ന​തി​നും രാ​ജ്യ​ത്തെ സം​സ്കാ​രി​ക പാ​ര​മ്പ​ര്യ​ത്തെ പ​രി​ച​യ​പ്പെ​ടു​ത്തു​ന്ന​തി​നും​ ല​ക്ഷ്യ​മി​ട്ട്​ ദു​ബൈ മു​നി​സി​പ്പാ​ലി​റ്റി ഒ​രു​ക്കി​യ ഫെ​സ്റ്റി​വ​ലി​ന്‍റെ ഏ​ഴാം എ​ഡി​ഷ​നാ​ണ്​ ഇ​ത്ത​വ​ണ​ത്തേ​ത്. ഹ​ത്ത ഹാ​ളി​ൽ ന​ട​ക്കു​ന്ന പ​രി​പാ​ടി​യി​ൽ ഇ​ത്ത​വ​ണ 50ലേ​റെ ക​ർ​ഷ​ക​രാ​ണ്​ വി​വി​ധ​യി​നം തേ​നും തേ​നു​ൽ​പ​ന്ന​ങ്ങ​ളും പ്ര​ദ​ർ​ശി​പ്പി​ക്കു​ന്ന​ത്. രാ​വി​ലെ ഒ​മ്പ​തു മു​ത​ൽ വൈ​കീ​ട്ട് എ​ട്ടു​വ​രെ​യു​ള്ള പ്ര​ദ​ർ​ശ​നം ശ​നി​യാ​ഴ്ച അ​വ​സാ​നി​ക്കും.