നല്ല ഭക്ഷണം ഉറപ്പാക്കും; ഹോട്ടലുകളെ ‘ആപ്പി’ ലാക്കാൻ തൃക്കാക്കര നഗരസഭ

കാ​ക്ക​നാ​ട്: തൃ​ക്കാ​ക്ക​ര ന​ഗ​ര​സ​ഭ പ​രി​ധി​യി​ലെ ഹോ​ട്ട​ലു​ക​ളി​ൽ വി​ൽ​ക്കു​ന്ന ഭ​ക്ഷ​ണ​ത്തി​ന്‍റെ ഗുണനിലവാരം ഉ​റ​പ്പാ​ക്കു​ന്ന​തി​ന്‍റെ ഭാ​ഗ​മാ​യി പൊ​തു​ജ​ന​ങ്ങ​ളു​ടെ അ​ഭി​പ്രാ​യ​മ​റി​യി​ക്കാ​ൻ മൊ​ബൈ​ൽ ആ​പ്പു​മാ​യി ന​ഗ​ര​സ​ഭ. കാ​ക്ക​നാ​ട് ലേ ​ഹ​യാ​ത്ത് ഹോ​ട്ട​ലി​ൽ​നി​ന്ന് ഭ​ക്ഷ്യ​വി​ഷ​ബാ​ധ​യേ​റ്റ് കോ​ട്ട​യം സ്വ​ദേ​ശി​യാ​യ യു​വാ​വ് മ​രി​ക്കു​ക​യും നി​ര​വ​ധി പേ​ർ വി​വി​ധ ആ​ശു​പ​ത്രി​ക​ളി​ൽ ചികിത്സ തേടുകയും ചെയ്തതിനെ തു​ട​ർ​ന്നു​മാ​ണ് പു​തി​യ ന​ട​പ​ടി.

കൊ​ച്ചി ഇ​ൻ​ഫോ പാ​ർ​ക്കി​ലെ ടെ​ക്കി​ക​ളാ​ണ് ന​ഗ​ര​സ​ഭ​ക്ക് വേ​ണ്ടി ആ​പ് ത​യാ​റാ​ക്കു​ന്ന​ത്. ന​ഗ​ര​സ​ഭ ലൈ​സ​ൻ​സ് പ്ര​കാ​രം 198 ഹോ​ട്ട​ലാ​ണു​ള്ള​ത്. ഹോ​ട്ട​ലു​ക​ളി​ലെ ഭ​ക്ഷ​ണ​ത്തി​ന്റെ ഗു​ണ​നി​ല​വാ​ര​ത്തെ​പ്പ​റ്റി പൊ​തു​ജ​ന​ങ്ങ​ൾ​ക്ക് ആ​പ് വ​ഴി വി​വ​ര​ങ്ങ​ൾ കൈ​മാ​റാ​ൻ ക​ഴി​യും. ആ​വ​ശ്യ​മെ​ങ്കി​ൽ ഹോ​ട്ട​ലി​ന്‍റെ​യും ഭ​ക്ഷ​ണ​ത്തി​ന്‍റെ​യും ഫോ​ട്ടോ​യും അ​പ്​​ലോ​ഡ് ചെ​യ്യാം.

ജി​ല്ല​ത​ല​ത്തി​ലും ന​ഗ​ര​സ​ഭ​യി​ലും ഉ​ള്ള ആ​രോ​ഗ്യ വി​ഭാ​ഗം മേ​ധാ​വി​ക​ൾ​ക്ക് ഈ ​വി​വ​ര​ങ്ങ​ൾ ല​ഭി​ക്കും. ഹോ​ട്ട​ലു​ക​ൾ​ക്കെ​തി​രെ ന​ട​പ​ടി​യെ​ടു​ത്താ​ൽ അ​ക്കാ​ര്യ​വും ആ​പ്പി​ലൂ​ടെ അ​റി​യാ​നാ​കും. ഒ​രു പ​രാ​തി​യും ല​ഭി​ക്കു​ന്നി​ല്ലെ​ങ്കി​ലും ന​ഗ​ര​സ​ഭ പ​രി​ധി​യി​ലെ എ​ല്ലാ ഹോ​ട്ട​ലു​ക​ളി​ലും ആ​ഴ്ച​യി​ലൊ​രി​ക്ക​ൽ ആ​രോ​ഗ്യ വി​ഭാ​ഗം പ​രി​ശോ​ധ​ന ന​ട​ത്തും. ഹോ​ട്ട​ലു​ക​ളെ മേ​ഖ​ല​ക​ളാ​യി തി​രി​ച്ചു ഓ​രോ മേ​ഖ​ല​ക​ളു​ടെ​യും ചു​മ​ത​ല പ്ര​ത്യേ​കം ഉ​ദ്യോ​ഗ​സ്ഥ​ൾ​ക്ക്​ ന​ൽ​കും.

ഇ​വ​ർ​ക്കാ​യി​രി​ക്കും ആ​ഴ്ച​തോ​റു​മു​ള്ള പ​രി​ശോ​ധ​ന​യു​ടെ ചു​മ​ത​ല. ഇ​വ​ർ ഇ​തു നി​ർ​വ​ഹി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ എ​ല്ലാ ഹോ​ട്ട​ലു​ക​ളി​ലും ബീ​റ്റ് ര​ജി​സ്റ്റ​ർ വെ​ക്കും. പ​രി​ശോ​ധ​ന​ക്കെ​ത്തു​ന്ന ഉ​ദ്യോ​ഗ​സ്ഥ​ൻ ഈ ​ര​ജി​സ്റ്റ​റി​ൽ ഒ​പ്പു​വെ​ക്ക​ണം. ഹോ​ട്ട​ലു​ക​ളി​ൽ വെ​ക്കു​ന്ന ബീ​റ്റ് ര​ജി​സ്റ്റ​ർ പൊ​തു​ജ​ന​ങ്ങ​ൾ​ക്കും പ​രി​ശോ​ധി​ക്കാം.

ആ​പ് സം​വി​ധാ​നം ഒ​രു മാ​സ​ത്തി​നു​ള്ളി​ൽ ന​ട​പ്പാ​ക്കു​മെ​ന്ന് തൃ​ക്കാ​ക്ക​ര ന​ഗ​ര​സ​ഭ ആ​രോ​ഗ്യ സ്ഥി​രം​സ​മി​തി അ​ധ്യ​ക്ഷ​ൻ ഉ​ണ്ണി കാ​ക്ക​നാ​ട് ‘മാ​ധ്യ​മ’​ത്തോ​ട് പ​റ​ഞ്ഞു.