തടവറയിൽ ഇനി രുചിക്കൂട്ടും

ദു​ബൈ: ത​ട​വു​കാ​രെ മ​ര്യാ​ദ പ​ഠി​പ്പി​ക്കാ​ൻ മാ​ത്ര​മ​ല്ല, പാ​ച​കം പ​ഠി​പ്പി​ക്കാ​നും ഒ​രു​ങ്ങു​ക​യാ​ണ്​ ദു​ബൈ പൊ​ലീ​സ്. ഇ​തി​നാ​യു​ള്ള പു​തി​യ സം​രം​ഭ​ത്തി​ന്​ ദു​ബൈ പൊ​ലീ​സ്​ തു​ട​ക്ക​മി​ട്ടു. ജ​യി​ൽ​മോ​ച​ന​ത്തി​ന്​ ശേ​ഷം ജീ​വി​തം ക​രു​പ്പി​ടി​പ്പി​ക്കാ​ൻ ത​ട​വു​പു​ള്ളി​ക​ളെ പ്രാ​പ്ത​രാ​ക്കു​ക​യാ​ണ് സം​രം​ഭ​ത്തി​ന്‍റെ​​ ല​ക്ഷ്യം. പാ​ച​കം പ​ഠി​ച്ചാ​ൽ സ്വ​ന്ത​മാ​യി സം​രം​ഭം തു​ട​ങ്ങാ​നും റ​സ്റ്റാ​റ​ന്‍റു​ക​ളി​ൽ ജോ​ലി​ചെ​യ്യാ​നും ത​ട​വു​കാ​ർ​ക്ക്​ സാ​ധി​ക്കു​മെ​ന്നാ​ണ്​ പൊ​ലീ​സി​ന്‍റെ വി​ല​യി​രു​ത്ത​ൽ.

ദു​ബൈ പൊ​ലീ​സി​ന്‍റെ ക​മ്യൂ​ണി​റ്റി ഹാ​പ്പി​ന​സ്​ ഡി​പ്പാ​ർ​ട്മെ​ന്‍റ്​ ന​ട​ത്തു​ന്ന വി​വി​ധ പ​ദ്ധ​തി​ക​ളു​ടെ ഭാ​ഗ​മാ​യാ​ണ്​​ ‘കു​ക്കി​ങ്​ ഇ​നീ​ഷ്യേ​റ്റി​വ്​ ഫോ​ർ ഇ​ൻ​മേ​റ്റ്​​സ്​ ഓ​ഫ്​ ക​റ​ക്ഷ​ന​ൽ ഇ​ൻ​സ്റ്റി​റ്റ്യൂ​ഷ​ൻ’ എ​ന്ന സം​രം​ഭ​മെ​ന്ന്​ അ​ധി​കൃ​ത​ർ വാ​ർ​ത്താ​ക്കു​റി​പ്പി​ൽ അ​റി​യി​ച്ചു. ര​ണ്ട്​ മാ​സം മു​മ്പ്​ പ്ര​ഖ്യാ​പി​ച്ച പ​ദ്ധ​തി​യാ​ണ്​​ ഇ​​പ്പോ​ൾ ആ​രം​ഭി​ച്ചി​രി​ക്കു​ന്ന​ത്.

വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള ഏ​താ​ണ്ട്​ 30 പു​രു​ഷ-​വ​നി​ത ത​ട​വു​കാ​ർ​ക്കാ​ണ്​ ആ​ദ്യ ഘ​ട്ടം പാ​ച​ക​പ​രി​ശീ​ല​നം. ഓ​രോ രാ​ജ്യ​ക്കാ​ർ​ക്കും അ​നു​യോ​ജ്യ​മാ​യ രീ​തി​യി​ലാ​യി​രി​ക്കും പ്ര​ത്യേ​ക​ പ​രി​ശീ​ല​നം. ഇ​തി​നാ​യി വി​വി​ധ പാ​ച​ക​ക്കു​റി​പ്പു​ക​ൾ അ​ട​ങ്ങി​യ പു​സ്ത​ക​വും പൊ​ലീ​സ്​ പ്ര​സി​ദ്ധീ​ക​രി​ച്ചി​ട്ടു​ണ്ട്.

പാ​ച​ക​പ​രി​ശീ​ല​ന​ത്തി​നി​ട​യി​ൽ ത​ട​വു​കാ​ർ മൂ​ർ​ച്ച​യേ​റി​യ​തും അ​പ​ക​ട​ക​ര​വു​മാ​യ ആ​യു​ധ​ങ്ങ​ൾ ഉ​പ​യോ​ഗി​ക്കേ​ണ്ടി​വ​രു​ന്ന​തി​നാ​ൽ വി​വി​ധ ഘ​ട്ട​ങ്ങ​ളാ​യി​ട്ടാ​യി​രി​ക്കും പ​രി​ശീ​ല​നം ന​ൽ​കു​ക. ആ​യു​ധം സു​ര​ക്ഷി​ത​മാ​യി എ​ങ്ങ​നെ ഉ​പ​യോ​ഗി​ക്കാ​മെ​ന്ന​ത്​ കൂ​ടാ​തെ ആ​രോ​ഗ്യം, സു​ര​ക്ഷ എ​ന്നീ വി​ഷ​യ​ങ്ങ​ളി​ലും ഇ​വ​ർ​ക്ക്​ പ്ര​ത്യേ​കം പ​രി​ശീ​ല​നം ന​ൽ​കും.