അയ്യപ്പാസിലെ കാപി; തലമുറകളുടെ പോസിറ്റിവ് എനർജി

പ​ര​പ്പ​ന​ങ്ങാ​ടി: ചെ​ട്ടി​പ്പ​ടി​യി​ലെ പോ​ത്ത​ഞ്ചേ​രി അ​യ്യ​പ്പ​ൻ വി​ട പ​റ​ഞ്ഞി​ട്ട് കാ​ല​മേ​റെ​യാ​യെ​ങ്കി​ലും അ​ദ്ദേ​ഹം കാ​ച്ചി​യെ​ടു​ത്ത സ​മാ​വ​ർ കാ​പ്പി​യു​ടെ രു​ചി ത​ല​മു​റ​യു​ടെ നാ​ക്കി​ൽ ഇ​ന്നു​മു​ണ്ട്. മു​ക്കാ​ൽ നൂ​റ്റാ​ണ്ട് മു​മ്പ് ചെ​ട്ടി​പ്പ​ടി റോ​ഡോ​ര​ത്ത് ഷീ​റ്റ് വ​ലി​ച്ചു​കെ​ട്ടി​യ ചാ​യ മ​ക്കാ​നി​യി​ലെ അ​ടു​പ്പി​ൽ ഊ​തി പു​ക​ഞ്ഞ പാ​ത്ര​ത്തി​ൽ വെ​ന്ത് തി​ള​ച്ച കാ​പ്പി വ​ർ​ഷ​ങ്ങ​ൾ​ക്ക​കം ഗ​തി​മാ​റി.

ക​രി​യി​ൽ വെ​ന്തു​മ​റി​യു​ന്ന സ​മാ​വ​റെ​ന്ന പു​രോ​ഗ​തി​യി​ലേ​ക്ക് വ​ഴി​മാ​റി​യ​തോ​ടെ ചാ​യ​യും കാ​പ്പി​യും കു​ടി​ക്കാ​ൻ വ​രു​ന്ന​വ​രേ​ക്കാ​ളേ​റെ അ​ന്ന് ആ​ളു​ക​ൾ സ​മാ​വ​റി​ന്റെ അ​തി​ശ​യം കാ​ണാ​നെ​ത്തി​യി​രു​ന്നു. സ​മാ​വ​റി​ലെ ചാ​യ പെ​ട്ടെ​ന്ന് ജ​ന​കീ​യ​മാ​യ​തോ​ടെ കാ​പ്പി​യേ​ക്കാ​ൾ ആ​വ​ശ്യം ചാ​യ​ക്കാ​യി മാ​റി.

വി​വി​ധ ഇ​നം ചാ​യ​ക​ൾ സ​മാ​റി​ൽ​നി​ന്ന് ക​വി​ത​ക​ളാ​യി വി​രി​ഞ്ഞി​റ​ങ്ങി. പ​ല ഹോ​ട്ട​ലു​ക​ളി​ൽ​നി​ന്നും ചാ​യ മ​ക്കാ​നി​ക​ളി​ൽ​നി​ന്നും ഗ്യാ​സ് അ​ടു​പ്പു​ക​ളു​ടെ വ​ര​വി​ൽ സ​മാ​വ​ർ പ​തു​ക്കെ പ​ടി​യി​റ​ങ്ങി. ഇ​തോ​ടെ ഉ​യ​ർ​ച്ച താ​ഴ്ച​യി​ൽ ആ​ഞ്ഞു​വീ​ശു​ന്ന കാ​പ്പി​യു​ടെ ത​യാ​റെ​ടു​പ്പും കാ​ണാ​കാ​ഴ്ച​യാ​യി മാ​റി.

എ​ന്നാ​ൽ, ചെ​ട്ടി​പ്പ​ടി അ​യ്യ​പ്പാ​സി​ൽ അ​യ്യ​പ്പ​ൻ തൊ​ടു​ത്തു​വെ​ച്ച സ​മാ​വ​ർ സം​സ്കാ​രം അ​തേ​പ​ടി നി​ല​നി​ർ​ത്തു​ക​യാ​ണ് വ​ർ​ഷ​ങ്ങ​ളാ​യി മ​ക​ൻ പോ​ത്ത​ഞ്ചേ​രി ശി​വ​ദാ​സ​ൻ. അ​യ്യ​പ്പ​ന്‍റെ മ​റ്റൊ​രു മ​ക​ൻ സോ​മ​ൻ തൊ​ട്ട​ടു​ത്തെ ഗ്രാ​മ​മാ​യ ആ​ന​പ്പ​ടി കോ​ർ​ണ​റി​ൽ തു​ട​ങ്ങി​യ അ​യ്യ​പ്പാ​സെ​ന്ന മ​റ്റൊ​രു ചാ​യ​ക്ക​ട​യും സ​മാ​വ​റി​ന്‍റെ പാ​ര​മ്പ​ര്യം കൈ​വി​ടാ​തെ ക​ച്ച​വ​ടം തു​ട​രു​ന്നു.

മ​റ്റൊ​രു മ​ക​ൻ ചെ​ട്ടി​പ്പ​ടി പ്ര​ശാ​ന്തി​ന​ടു​ത്ത് വ​ർ​ഷ​ങ്ങ​ളോ​ളം ചാ​യ ക​ച്ച​വ​ടം ന​ട​ത്തി​യെ​ങ്കി​ലും ഈ​യി​ടെ രം​ഗം വി​ട്ട് കോ​ഴി​ക്കോ​ട്ടെ ഒ​രു സ്വ​കാ​ര്യ ഹോ​ട്ട​ലി​ൽ ജോ​ലി ചെ​യ്യു​ക​യാ​ണ്.