മിർട്ടിൽ മാംഗോ മോസ്

ബ്ലൂബെറി: 100 ഗ്രാം

പച്ചമാങ്ങ: 100 ഗ്രാം

കോൺ ഫ്ലോർ: രണ്ട്​ ടീസ്പൂൺ

ക്രീം ചീസ്: 1/4 കപ്പ്

ഫ്രഷ് ക്രീം: 1/4 കപ്പ്

കണ്ടൻസ്​ഡ്​ മിൽക്ക്​: രണ്ട്​ ടീസ്പൂൺ

നട്ട്സ്: ഒരു ടീസ്പൂൺ

പഞ്ചസാര: ഒരു കപ്പ് (ആവശ്യാനുസരണം)

വൈറ്റ് ചോക്ലേറ്റ്: 200 ഗ്രാം

കോൺഫ്ലേക്സ്: ഒരു ടീസ്പൂൺ

വിപ്പിംഗ് ക്രീം: അര കപ്പ്

ഡ്രീം വിപ്പ്: അര പാക്കറ്റ്

ബ്രെഡ് ബ്ലൂബെറി: സോസിലും പാലിലും മുക്കിയത്

തയ്യാറാക്കുന്നവിധം:

പഞ്ചസാരയും വെള്ളവും ചേർത്ത് ബ്ലൂബെറി തിളപ്പിക്കുക. കുറച്ച് ബ്ലൂബെറി സോസ് അരിച്ചെടുക്കണം. കോൺ ഫ്ലോർ ചേർക്കുക. അലങ്കാരത്തിനായി കട്ടിയുള്ള പേസ്റ്റ് ഉണ്ടാക്കണം. ബാക്കിയുള്ള ബ്ലൂബെറി സോസ് ക്രീം, ഫ്രഷ് ക്രീം, ക്രീം ചീസ്, കണ്ടന്സ് പാൽ എന്നിവ ചേർത്ത് മാറ്റി വയ്ക്കുക. വെളുത്ത ചോക്ലേറ്റ് ഉരുക്കി ഒരു തുള്ളി ഫുഡ് കളറും ബ്ലൂബെറി സോസും ചേർക്കുക. ഇത് അച്ചിൽ പരത്തി ഫ്രീസറിൽ സെറ്റ് ചെയ്യണം.

മാമ്പഴം ചെറുതായി അരിഞ്ഞത് കുറച്ച് പഞ്ചസാരയും വെള്ളവും ചേർത്ത് തിളപ്പിക്കണം. മാംഗോ സോസിൽ കുറച്ച് വൈറ്റ് ചോക്ലേറ്റ്, ക്രീം ചീസ്, വിപ്പിംഗ് ക്രീമുകൾ എന്നിവ ചേർക്കണം.

മോൾഡിൽ ബ്ലൂബെറി സോസ്, ബ്ലൂബെറി മൂസ്, അണ്ടിപ്പരിപ്പ്, കോൺഫ്ലെക്സ് എന്നിവ ചേർത്ത് മാംഗോ മൂസ്, മാംഗോ സോസ്, കുറച്ച് മാംഗോ മൂസ്, ബ്രെഡ് എന്നിവ ചേർത്ത് മാറ്റി സെറ്റ് ചെയ്യാൻ വയ്ക്കുക. മാമ്പഴവും ബ്ലൂബെറി ട്യൂയിലും കൊണ്ട് അലങ്കരിക്കുക.