മീൻ മാങ്ങയിട്ട് വറ്റിച്ചത് ഇങ്ങനെയും തയാറാക്കാം

ചേരുവകൾ:

• മീൻ 1 - കി.ഗ്രാം
• മാങ്ങ -1 എണ്ണം
• പച്ചമുളക് -4 എണ്ണം
• കറിവേപ്പില -2 തണ്ട്
• വെളിച്ചെണ്ണ -2 ടീസ്പൂൺ
• മഞ്ഞൾപ്പൊടി -കാൽ ടീസ്പൂൺ
• ഉലുവ, കടുക് -1 ടീസ്പൂൺ
• പെപ്പർപൗഡർ -ആവശ്യത്തിന്
• തേങ്ങാപ്പാൽ -ആവശ്യത്തിന്
• ഉപ്പ് -ആവശ്യത്തിന്

തയാറാക്കുന്ന വിധം:

ഒരു ചട്ടിയിൽ വെളിച്ചെണ്ണ ഒഴിച്ച് ചൂടാകുമ്പോൾ കടുക്, ഉലുവ ഇട്ട് പൊട്ടിക്കുക. ശേഷം അതിലേക്ക്​ കറിവേപ്പില, നീളത്തിൽ മുറിച്ച പച്ചമുളക്, മാങ്ങ, ഇഞ്ചി ഒരു കപ്പ്, തേങ്ങയുടെ രണ്ടാംപാൽ, ഉപ്പ്, മഞ്ഞൾപ്പൊടി, പെപ്പർ പൗഡർ എന്നിവ ചേർത്തിളക്കണം.

ഇനി ഇത്​ മൂടിവെച്ച് നന്നായി തിളച്ച് കുറുകിവരുമ്പോൾ കഴുകി വൃത്തിയാക്കി വെച്ച മീൻ ചേർത്ത് മൂടിവെക്കണം. ഗ്രേവി കുറുകി വരുമ്പോൾ അരക്കപ്പ് തേങ്ങയുടെ ഒന്നാംപാൽ ചേർത്ത് വറ്റിച്ചെടുത്ത് വിളമ്പാം.