ഉള്ളം കുളിർപ്പിക്കാൻ മാംഗോ ഫലൂദ...
text_fieldsമാംഗോ ഫലൂദ (ചിത്രം: ബൈജു കൊടുവള്ളി)
വേനലിൽ ഉള്ളം കുളിർപ്പിക്കാൻ ഇതാ വീട്ടിൽ തയാറാക്കാവുന്ന ഹെൽത്തി ആൻഡ് ടേസ്റ്റി ഫലൂദ...
ചേരുവകൾ:
1. റോസ് സിറപ് - 4 ടേബ്ൾ സ്പൂൺ
2.പഴുത്ത മാങ്ങ കഷണങ്ങളാക്കിയത് - 1/4 കപ്പ്
3.പിസ്ത, ബദാം, കശുവണ്ടിപ്പരിപ്പ് (നുറുക്കിയത്) - 1/4 കപ്പ്
4.കസ്കസ് കുതിർത്തത് - 1/4 കപ്പ്
സേമിയ വേവിച്ചത് (ഫലൂദ സേവ്) - 1/2 കപ്പ്
5. ഫ്രൂട്ട് ജെല്ലി (ആവശ്യമെങ്കിൽ) - 3-4 ടേബ്ൾ സ്പൂൺ
6. മാംഗോ പ്യൂരി - 2 മാങ്ങയുടേത്
- കണ്ടൻസ്ഡ് മിൽക്ക് -2 ടേബ്ൾ സ്പൂൺ
- വിപ്പിങ് ക്രീം -2 ടേബ്ൾ സ്പൂൺ
7. പാൽ -2 കപ്പ്
- പഞ്ചസാര -1/2 കപ്പ്
- കുങ്കുമപ്പൂവ് -4
- ബദാം, പിസ്ത, കശുവണ്ടിപ്പരിപ്പ് (നുറുക്കിയത്) -3 ടേബ്ൾ സ്പൂൺ
8. മാംഗോ ഐസ്ക്രീം -1 സ്പൂൺ
തയാറാക്കുന്ന വിധം:
ആറാമത്തെ ചേരുവകൾ നന്നായി മിക്സ് ചെയ്ത് തണുപ്പിച്ചെടുക്കുക. തുടർന്ന്, ഏഴാമത്തെ ചേരുവ യോജിപ്പിച്ച ശേഷം 1 കപ്പ് ആവുന്നതുവരെ തിളപ്പിച്ച് കുറുക്കിയെടുക്കാം. തണുത്തതിനു ശേഷം ഇതിലേക്ക് 4 ടേബ്ൾ സ്പൂൺ മാംഗോ പ്യൂരി മിക്സും ചേർത്ത് യോജിപ്പിച്ച് മാംഗോ റബ്ദി തയാറാക്കാം.
ഫലൂദ ഗ്ലാസിലേക്ക് റോസ് സിറപ് ഒഴിച്ച് ഓരോ ചേരുവയും യഥാക്രമം ചേർത്ത് മാംഗോ പ്യൂരി മിക്സും മാംഗോ റബ്ദിയും മുകളിൽ ഐസ്ക്രീമും ചേർത്ത് അലങ്കരിച്ച് വിളമ്പാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.