പോഷക സമ്പുഷ്ടമായ വെജിറ്റബിൾ ഇഡലി തയാറാക്കാം

നാരുകളും വിറ്റാമിനുകളും അടങ്ങിയതും കുട്ടികൾക്ക് ഏറെ ഇഷ്ടപ്പെടുന്നതുമായ ഒരു വിഭവമാണ് വെജിറ്റബിൾ ഇഡലി. അരിയും ഉഴുന്ന് പരിപ്പും അരിഞ്ഞ പച്ചക്കറികൾ ചേർത്ത് തയാറാക്കുന്നതാണ് ഇത്.

ആവശ്യമായ ചേരുവകൾ

• അരി – 1 കപ്പ്
• ഉഴുന്ന് പരിപ്പ് – 1/2 കപ്പ്
• ചെറുതായി അരിഞ്ഞ പച്ചക്കറികൾ (കാരറ്റ്, ബീൻസ്, പയർ, ഉള്ളി തുടങ്ങിയവ) – 1/2 കപ്പ്
• മല്ലിയില – 2 ടേബിൾസ്പൂൺ (ചെറുതായി അരിഞ്ഞത്)
• ഇഞ്ചി – 1 ടി.സ്പൂൺ (ചെറുതായി അരിഞ്ഞത്)
• ഉപ്പ് – ആവശ്യത്തിന്
• വെള്ളം – ആവശ്യത്തിന്

തയാറാക്കുന്ന വിധം

ഒരു പാനിൽ എണ്ണ ചൂടാക്കി കടുക്, ഉഴുന്നുപരിപ്പ് എന്നിവ പൊട്ടിക്കുക. ഇതിലേക്ക് ഇഞ്ചി, പച്ചമുളക്, കറിവേപ്പില എന്നിവ ചേർത്ത് വഴറ്റുക. അരിഞ്ഞുവെച്ചിരിക്കുന്ന കാരറ്റ്, ബീൻസ്,പയർ എന്നിവ ചേർത്ത് 2-3 മിനിറ്റ് ചെറുതായി വഴറ്റുക (പച്ചക്കറികൾ പാതി വെന്താൽ മതി). ഈ കൂട്ട് ചൂടാറിയ ശേഷം ഇഡലി മാവിലേക്ക് ചേർത്ത് നന്നായി ഇളക്കുക. കൂടെ മല്ലിയിലയും ചേർക്കാം.

ഇഡലി തട്ടിൽ അല്പം എണ്ണ തടവി മാവ് ഒഴിച്ച് 10-12 മിനിറ്റ് ആവിയിൽ വേവിക്കുക. രുചികരമായ വെജിറ്റബിൾ ഇഡലി തയ്യാർ! ഇത് തേങ്ങ ചമ്മന്തിയുടെയോ സാമ്പാറിന്റേയോ കൂടെ കഴിക്കാവുന്നതാണ്.