നോമ്പ് തുറക്കാൻ കപ്പ ഫ്രൂട്ട് സാലഡ്

ചേരുവകൾ:

• കപ്പ
• പഞ്ചസാര - 1 കപ്പ്
• വനില എസ്സെൻസ് - 1 ടേബിൾ സ്​പൂൺ
• പാൽ - 2 കപ്പ്
• സേമിയ - 1/2 കപ്പ്
• നേ​ന്ത്രപ്പഴം, ആപ്പിൾ, മുന്തിരി എന്നിവ അരിഞ്ഞുവെക്കുക

തയാറാക്കുന്ന വിധം:

കപ്പ നന്നായി വേവിച്ചെടുക്കുക. കപ്പ ചൂട് മാറിയ ശേഷം മിക്സിയിലിടുക. 2 കപ്പ് പാലും വനില എസ്സെൻസും പഞ്ചസാരയും ചേർത്തിട്ട് നന്നായി അരച്ചെടുക്കുക. ശേഷം ഇത് ഫ്രിഡ്ജിൽവെച്ചു തണുപ്പിക്കുക. എടുത്തുവെച്ച സേമിയ കുറച്ചു വെള്ളം ചേർത്ത്​ വേവിക്കുക. ആവശ്യമെങ്കിൽ ഫുഡ് കളർ ചേർത്ത്​ രണ്ടു കളർ ആക്കി സേമിയ വേവിക്കുക.

സെർവിങ് ഗ്ലാസെടുത്ത്​ അതിലേക്ക് നേരത്തേ അരിഞ്ഞുവെച്ച പഴങ്ങളിൽ നിന്ന്​ അൽപം ഇടുക. അതിനുമുകളിൽ തണുപ്പിച്ചെടുത്ത കപ്പ മിക്സ് 2 ടേബിൾസ്പൂൺ ചേർക്കുക. ശേഷം സേമിയ ലെയർ ആയി ഇടുക.

അതിനു മുകളിൽ പിന്നെയും പഴങ്ങൾ. അതിനുമുകളിൽ കപ്പ മിക്സ്. ശേഷം സേമിയ ലെയർ എന്നിങ്ങനെ സെറ്റ്​ചെയ്യുക. വേണെമെങ്കിൽ നട്​സ്​ പൊടിച്ചിടാം. കസ്​കസ്​ കുതിർത്തതും ചേർക്കാം. സ്വാദിഷ്​ടമായ കപ്പ ഫ്രൂട്ട് സാലഡ് റെഡി.