സുറിയാനി സ്പെഷ്യൽ പാൽ കുറുക്ക്​

ക്രൈസ്തവ കുടുംബങ്ങളിൽ പെസഹ ദിവസം രാത്രിയിൽ ഉണ്ടാക്കുന്ന വിഭവമാണ് പാൽകുറുക്ക്. പെസഹ പാൽ എന്നും ഈ വിഭവത്തെ വിളിക്കാറുണ്ട്.

ചേരുവകൾ:

• അരിപ്പൊടി- ഒരു കപ്പ്​
• തേങ്ങ- ഒരു മുറി
• പഞ്ചസാര- ആവശ്യത്തിന്​
• ജീരകപ്പൊടി- 11/2 ടീസ്​പൂൺ
• ഇഞ്ചിപ്പൊടി-1 ടീസ്​പൂൺ
• ഏലക്കായ- 3/4 എണ്ണം
• കുരുമുളകുപൊടി- ആവശ്യത്തിന്​

തയാറാക്കേണ്ടവിധം:

പാനിൽ തേങ്ങാപ്പാൽ ഒഴിക്കുക. ചെറുതായി ചൂടായി വരു​മ്പോൾ അരിപ്പൊടി ചേർക്കുക. തുടർന്ന്​ പഞ്ചസാര ഇടാം. അഞ്ചു മിനിറ്റിനു ശേഷം ജീരകപ്പൊടി, ഇഞ്ചിപ്പൊടി, കുരുമുളകുപൊടി എന്നിവ ചേർക്കുക. 10 മിനിറ്റ്​ നേരം ഇളക്കിക്കൊണ്ടിരിക്കുക.

3/4 ഏലക്കായ പൊടിച്ചത്​ ചേർക്കുക. എല്ലാം ചേർത്ത മിശ്രിതം നന്നായി കുറുകുന്നതുവരെ ഇളക്കിക്കൊണ്ടിരിക്കണം. തുടർന്ന്​ കയ്​പക്കയുടെ ഇല അല്ലെങ്കിൽ ആര്യവേപ്പിന്‍റെ ഇല എന്നിവയോടൊപ്പം വിളമ്പാം.

(പഞ്ചസാരക്കു പകരം ശർക്കര ഉരുക്കിയ ലായനിയും ഉപയോഗിക്കാം)