പ്രാതലിന് അവൽ കൊണ്ടുള്ള ഉപ്പുമാവ്

ചേരുവകൾ:

• വെള്ള അവൽ– ഒരു കപ്പ്
• സവാള– ഒന്ന്
• പച്ചമുളക്– രണ്ടെണ്ണം
• ഇഞ്ചി– കാൽ ടീസ്​പൂൺ (ചെറുതായി അരിഞ്ഞത്)
• കടുക്– ഒരു ടീസ്​പൂൺ
• നിലക്കടല/ കശുവണ്ടി– രണ്ട് ടേബ്ൾ സ്​പൂൺ
• നാരങ്ങ നീര്– രണ്ട് ടീസ്​പൂൺ
• കറിവേപ്പില– ഒരു തണ്ട്
• മഞ്ഞൾപൊടി–ഒരു നുള്ള്
• ഉപ്പ്– പാകത്തിന്
• എണ്ണ– ഒരു ടേബ്ൾ സ്​പൂൺ

തയാറാക്കുന്ന വിധം:

അവൽ വെള്ളത്തിൽ കഴുകി അരിപ്പയിൽ വാരാൻ വെക്കുക. പാനിൽ എണ്ണ ചൂടാക്കി കടുക് പൊട്ടിക്കുക. സവാള, പച്ചമുളക്, ഇഞ്ചി, കശുവണ്ടി/ നിലക്കടല, കറിവേപ്പില എന്നിവയിട്ട് വഴറ്റുക.

അവലും ഉപ്പും മഞ്ഞൾ പൊടിയുമിട്ട് ഇളക്കി യോജിപ്പിക്കുക. നാരങ്ങ നീരൊഴിച്ച് ഇളക്കി രണ്ട് മിനിറ്റ് മൂടിവെക്കുക (തേങ്ങ ചിരവിയത് ചേർത്താൽ കൂടുതൽ രുചികരമാവും). ശേഷം തീയണച്ച് ചൂടോടെ വിളമ്പാം.