ക്രീം ബ്രൂലേയാണ് നാട്ടിലെ താരം

ഫ്രാൻസിലെ ജനപ്രിയ വിഭവമാണ് ക്രീം ബ്രൂലേ ഡെസേർട്ട്. ബേൺഡ് ക്രീം, ട്രിനിറ്റി ക്രീം, കേംബ്രിഡ്ജ് ബേൺ ക്രീം എന്നീ പേരുകളിലും ക്രീം ബ്രൂലേ അറിയപ്പെടുന്നു. വളരെ വേഗത്തിൽ ഈ ഡെസേർട്ട് തയാറാക്കാൻ സാധിക്കും...

ചേരുവകൾ:

• ഫ്രഷ് ക്രീം – 300 ഗ്രാം
• പാൽ – 100 ഗ്രാം
• പഞ്ചസാര – 70 ഗ്രാം
• മുട്ടയുടെ മഞ്ഞ –100 ഗ്രാം
• വാനില എസൻസ്​ – 5 മില്ലി

തയാറാക്കുന്ന വിധം:

പഞ്ചസാര പൊടിച്ചതും മുട്ടയുടെ മഞ്ഞയും ഇളക്കി യോജിപ്പിക്കുക. പാനിൽ പാലും ക്രീമും ചേർത്ത് ചൂടാക്കി കുറുക്കുക. മുട്ട–പഞ്ചസാര മിശ്രിതവും വാനില എസൻസും ചേർത്തിളക്കുക. അരിച്ചെടുത്ത ശേഷം ബൗളിലേക്ക് മാറ്റി ഓവനിൽ 160 ഡിഗ്രി സെൽഷ്യസ്​ ചൂടിൽ 20 മിനിറ്റ് ബേക്ക് ചെയ്യുക.

ബേക്കിങ് ട്രേയിൽ വെള്ളമൊഴിച്ച് വേണം ഓവനിലേക്ക് വെക്കാൻ. ഫ്രിഡ്ജിൽവെച്ച് തണുപ്പിക്കുക. ബ്രൂലേക്ക് മുകളിൽ പഞ്ചസാര തരികൾ വിതറുക. ബ്ലോ ടോർച്ച് ഉപയോഗിച്ച് ഉരുക്കുക. ചെറിയോ ഒലീവോ വെച്ച് അലങ്കരിച്ചു വിളമ്പാം.