ചിക്കൻ മോമോസ്

ചേരുവകൾ

3 കപ്പ് -മൈദാ

1 ഉള്ളി (നന്നായി അരിഞ്ഞത്)

വെളുത്തുള്ളി 4 അല്ലി മുതൽ 5 വരെ

1 കപ്പ് വേവിച്ച ചിക്കൻ (അരച്ചെടുത്തത്)

1 ടേബിൾസ്പൂൺ എണ്ണ (സ്റ്റഫിംഗിന്)

1 ടീസ്പൂൺ കുരുമുളക് പൊടി

ഉപ്പ് പാകത്തിന്

2 ടീസ്പൂൺ ചെറുതായി അരിഞ്ഞ മല്ലി ഇല (ഓപ്ഷണൽ)

തയ്യാറാക്കുന്ന വിധം

ആദ്യം, ഒരു പാത്രത്തിൽ മാവിൽ ഒരു നുള്ള് ഉപ്പും വെള്ളവും ചേർത്ത് മൃദുവായി കുഴച്ച് സെറ്റ് ആകാൻ മൂടി വയ്ക്കുക. മോമോസിനുള്ള സ്റ്റഫിങ്​ ഉണ്ടാക്കാൻ, ഒരു പാത്രത്തിൽ ചതച്ച ചിക്കൻ, ഉള്ളി, വെളുത്തുള്ളി, പച്ച മല്ലിയില എന്നിവ അരിഞ്ഞത് നന്നായി ഇളക്കുക.

ഇനി ഇതിലേക്ക് എണ്ണ, കുരുമുളക് പൊടി, ഉപ്പ് എന്നിവ ചേർക്കുക. നിശ്ചിത സമയത്തിന് ശേഷം, മാവ് ഉരുണ്ട ഉരുളകളാക്കി, ഉണങ്ങിയ മാവിൽ പൊതിഞ്ഞ് ചെറിയ നേർത്ത ഉരുളകളാക്കി ഉരുട്ടുക. ശേഷം മോമോസ് ഫില്ലിങ്​ അതിന്‍റെ നടുവിൽ നിറച്ച് ഷേപ്പ് നൽകിയ ശേഷം അടയ്ക്കുക. എല്ലാ മോമോകളും ഇതുപോലെ നിറച്ച് തയ്യാറാക്കുക. പാചകം ചെയ്യാനായി ഇഡലി പാത്രം ഉപയോഗിക്കാം. താഴെ പാത്രത്തിൽ പകുതിയിലധികം വെള്ളം നിറച്ച് ഗ്യാസിൽ ചൂടാക്കുക.

അതിനുശേഷം മുകളിലെ തട്ടിൽ മോമോസ് വയ്ക്കുക. താഴെ ഭാഗത്ത് ചൂടുവെള്ളം നിറയ്ക്കുക. 10 മിനിറ്റ് കുറഞ്ഞ തീയിൽ ആവിയിൽ വേവിക്കുക ചിക്കൻ മോമോസ് തയ്യാർ.