ഇമാറാത്തി രുചികളുടെ ബീഗം

ഒരിക്കലെങ്കിലും ശൈഖ്​ മുഹമ്മദിന്​ മുന്നിൽ ത​െൻറ ഭക്ഷണം വിളമ്പണമെന്ന ആഗ്രഹം നെഞ്ചേറ്റി നടക്കുന്ന ഒരു മലയാളി വീട്ടമ്മയുണ്ട്​ യു.എ.ഇയിൽ, ബീഗം ഷാഹിന. അറബികളേക്കാൾ നന്നായി ഇമാറാത്തി രുചികൾ വെച്ചുവിളമ്പുന്ന ഷാഹിന ഇപ്പോൾ അറിയപ്പെടുന്ന യൂ ട്യൂബർ കൂടിയാണ്​.

serve it like shani എന്ന യൂട്യൂബ്​ ചാനലിലൂടെ കൂടുതലും പരിചയപ്പെടുത്തുന്നത്​ സാധാരണ വീട്ടിൽ ഉണ്ടാക്കാവുന്ന ഭക്ഷണങ്ങളാണ്​. എന്നാൽ, ഇവിടെയൊന്നുമല്ല ഷാഹിനയുടെ കരുത്ത്​. അത്​ ഇമാറാത്തി ഭക്ഷണത്തിലാണ്​. അബൂദബിയിലെ സാംസ്​കാരിക ഉൽസവമായ അൽഹൊസൻ ഫെസ്​റ്റിവലി​െൻറ ഭാഗമായി നടത്തിയ പാചക മത്സരത്തിൽ ഇമാറാത്തി സ്​ത്രീകളെ മറികടന്നാണ്​ ഷാഹിനയുടെ മജ്​ബൂസും സലോണയും ഒന്നാം സ്​ഥാനം നേടിയത്​.

അബൂദബി സർക്കാർ സംഘടിപ്പിക്കുന്ന ഈ മത്സരത്തി​െൻറ ജഡ്​ജിങ്​ പാനലിൽ ഇടംനേടാൻ കഴിഞ്ഞുവെന്ന അപൂർവനേട്ടവും ഷാഹിന സ്വന്തമാക്കി. ലുലുവി​െൻറയും ഏഷ്യാനെറ്റി​െൻറയും പാചക മത്സരങ്ങളിലും ഷാഹിനയെ തേടി സമ്മാനങ്ങളെത്തി. ഇവൻറുകൾ വീണ്ടും തുടങ്ങിയാൽ നടക്കാൻ പോകുന്ന മലബാർ അടുക്കള സൂപ്പർ ഷെഫ്​ ഫൈനലിസ്​റ്റ്​​ കൂടിയാണ്.

അറേബ്യൻ ഭക്ഷണങ്ങളിൽ മജ്​ബൂസ്​, മദ്​ഫൂൺ, മന്തി, മദ്​ബി, അൽ ഫഹം പോലുള്ളവയിലാണ്​ പ്രധാനമായും ശ്രദ്ധിക്കുന്നത്​. ലുകീമത്ത്​ പോലുള്ള മധുര​ ഇനങ്ങളിലും ഒരുകൈ നോക്കുന്നു. പഠിച്ചത്​ ബയോടെക്​നോളജിയാണെങ്കിലും പാചകത്തിലേക്ക്​ എങ്ങിനെയോ എത്തി​െപ്പ​ട്ടെതാണെന്ന്​ ഷാഹിന പറയും.

കുഞ്ഞുങ്ങളെയും നോക്കണം, ഒപ്പം ജോലിയും ചെയ്യണം എന്ന ആഗ്രഹത്തിലാണ്​ പാചകത്തിലേക്കും അതുവഴി യൂ ട്യൂബ്​ ചാനലിലേക്കും എത്തിയത്​. ഭർത്താവ്​ അബ്​ദുൽ റഷീദി​​െൻറയും മക്കളുടെയും പൂർണപിന്തുണയുണ്ട്​. മൂത്ത മകൾ 11 വയസുകാരി റഷക്ക്​ അടുത്തിടെ കുക്കറി മത്സരത്തിൽ സമ്മാനം ലഭിച്ചിരുന്നു. റഷ, ഇഷ, ഷെസ, സെയ്ൻ മുഹമ്മദ്​ എന്നിവരാണ്​ മക്കൾ.