തമിഴ്​ രുചിപ്പെരുമയിൽ മു​ഹ​മ്മ​ദ് സലീമിന്‍റെ ‘നോമ്പുകഞ്ഞി’

കാ​യം​കു​ളം: ത​മി​ഴ്​ ചു​വ​ക​ല​ർ​ന്ന രു​ചി​വൈ​ഭ​വ പാ​ര​മ്പ​ര്യ​മു​ള്ള മു​ഹ​മ്മ​ദ് സ​ലീ​മി​ന്റെ നോ​മ്പു​തു​റ ക​ഞ്ഞി​ക്ക് പെ​രു​മ​യേ​റെ. തേ​ങ്ങ​യും ചു​ക്കും നെ​യ്യും ചേ​രു​ന്ന പ​ച്ച​രി ക​ഞ്ഞി​യു​ടെ കാ​ൽ​നൂ​റ്റാ​ണ്ട് കാ​ല​ത്തെ രു​ചി വൈ​വി​ധ്യ​മാ​ണ് പ്ര​ത്യേ​ക​ത. കാ​യം​കു​ളം ഹ​സ​നി​യ പ​ള്ളി​യി​ൽ എ​ത്തു​ന്ന വി​ശ്വാ​സി​ക​ളെ നോ​മ്പി​ന്‍റെ ക്ഷീ​ണ​ത്തി​ൽ​നി​ന്ന്​ മോ​ചി​ത​രാ​ക്കു​ന്ന ക​ഞ്ഞി​യാ​ണി​ത്. ആ​ശാ​ളി, കു​രു​മു​ള​ക്, ജീ​ര​കം, ക​റി​വേ​പ്പി​ല, ഉ​ള്ളി എ​ന്നി​വ കൂ​ടി ക​ല​ർ​ത്തു​ന്ന ക​ഞ്ഞി വി​ശ്വാ​സി​ക​ൾ​ക്ക് ഏ​റെ ഹൃ​ദ്യ​മാ​ണ്.

തു​ക​ൽ ക​ച്ച​വ​ട​ക്കാ​ര​നാ​യി​രു​ന്ന പി​താ​വ് അ​മ​ൽ പാ​ഷ​ക്ക് ഒ​പ്പം ത​മി​ഴ്നാ​ട് വെ​ല്ലൂ​ർ മേ​ൽ​വി​ശാ​റ​ത്തു​നി​ന്ന്​ 12 ാം വ​യ​സ്സി​ലാ​ണ് മു​ഹ​മ്മ​ദ് സ​ലീം കാ​യം​കു​ള​ത്ത്​ എ​ത്തു​ന്ന​ത്. 28 വ​ർ​ഷ​മാ​യി ഹ​സ​നി​യ അ​റ​ബി​ക് കോ​ള​ജി​ലെ കാ​ന്‍റീ​ൻ ചു​മ​ത​ല​ക്കാ​ര​നാ​ണ്. റ​മ​ദാ​നി​ലെ ക​ഞ്ഞി ത​യാ​റാ​ക്ക​ലും കാ​ല​ങ്ങ​ളാ​യി ചെ​യ്തു​വ​രു​ന്നു. അ​റ​ബി​ക് കോ​ള​ജി​ലെ വി​ദ്യാ​ർ​ഥി​ക​ൾ​ക്കും ഉ​സ്താ​ദു​മാ​ർ​ക്കും ഇ​വി​ടെ എ​ത്തു​ന്ന അ​തി​ഥി​ക​ൾ​ക്കും സ​ലീ​മി​ന്‍റെ കൈ​പ്പു​ണ്യ​ത്തി​ൽ ഏ​റെ സം​തൃ​പ്തി​യാ​ണു​ള്ള​ത്.

ത​മി​ഴ്, ഉ​ർ​ദു ഭാ​ഷ മാ​ത്രം അ​റി​യാ​മാ​യി​രു​ന്ന ഈ 49 ​കാ​ര​ന്​ ഇ​പ്പോ​ൾ മ​ല​യാ​ള​വും ന​ന്നാ​യി വ​ഴ​ങ്ങും. കാ​യം​കു​ള​ത്തു​കാ​ര​നാ​യി​ട്ട് 37വ​ർ​ഷ​മാ​യി. ഭാ​ര്യ ഫ​ർ​സാ​ന ബാ​നു 12 വ​ർ​ഷം മു​മ്പ് മ​രി​ച്ചു. മൂ​ന്ന് മ​ക്ക​ളു​ണ്ട്. ത​മി​ഴ്​​നാ​ട്ടി​ൽ ക​ഴി​യു​ന്ന അ​വ​ർ​ക്കൊ​പ്പ​മാ​ണ്​ പെ​രു​ന്നാ​ൾ ആ​ഘോ​ഷം. ഹ​സ​നി​യ പ​ള്ളി​യി​ൽ ഖു​ർ​ആ​ൻ പൂ​ർ​ത്തീ​ക​ര​ണ​മാ​കു​ന്ന റ​മ​ദാ​ൻ 27 ക​ഴി​യു​മ്പോ​ൾ പെ​രു​ന്നാ​ൾ ഒ​രു​ക്ക​ത്തി​നാ​യി നാ​ട്ടി​ലേ​ക്ക് പോ​കു​ന്ന​താ​ണ്​ പ​തി​വ്. അ​തി​ന്​ ഇ​ക്കു​റി​യും മാ​റ്റ​മി​ല്ല.