അലയടിച്ച്​ ഫുട്​​ബാൾ ആവേശം: ആ​ഘോ​ഷ​ത്തിന്​ പ​ണം ക​ണ്ടെ​ത്താ​ൻ ബി​രി​യാ​ണി, പാ​യ​സ ച​ല​ഞ്ച്

മൂ​വാ​റ്റു​പു​ഴ: മ​ധ്യ​കേ​ര​ള​ത്തി​ലെ ഫു​ട്ബാ​ൾ പ്രേ​മി​ക​ളു​ടെ ത​ട്ട​ക​മാ​യ മൂ​വാ​റ്റു​പു​ഴ ലോ​ക​ക​പ്പ് ഫു​ട്ബാ​ളി​നെ വ​ര​വേ​ൽ​ക്കാ​ൻ ഒ​രു​ങ്ങി. തെ​രു​വോ​ര​ങ്ങ​ൾ മു​ഴു​വ​ൻ ഫു​ട്ബാ​ൾ താ​ര​ങ്ങ​ളു​ടെ ഫ്ല​ക്സ് ബോ​ർ​ഡു​ക​ൾ​കൊ​ണ്ട് നി​ര​ന്നു. ബ്ര​സീ​ൽ, അ​ർ​ജ​ന്റീ​ന, സ്പെ​യി​ൻ, ജ​ർ​മ​നി, ഇ​റ്റ​ലി, പോ​ർ​ചു​ഗ​ൽ തു​ട​ങ്ങി​യ​വ​യു​ടെ ആ​രാ​ധ​ക​ർ മ​ത്സ​രി​ച്ചാ​ണ് ഫ്ലെ​ക്സ്​ ബോ​ർ​ഡു​ക​ൾ സ്ഥാ​പി​ച്ചി​രി​ക്കു​ന്ന​ത്.

ഇ​ത്ത​വ​ണ​യും ക​ളി​കാ​ണാ​ൻ പ്ര​ത്യേ​ക സൗ​ക​ര്യ​ങ്ങ​ൾ ഒ​രു​ക്കു​ന്നു​ണ്ട്. പ​ള്ളി​ച്ചി​റ​ങ്ങ​ര, കി​ഴ​ക്കേ​ക്ക​ര, പേ​ഴ​ക്കാ​പ്പി​ള്ളി, അ​ടൂ​പ്പ​റ​മ്പ്, മു​ള​വൂ​ർ തു​ട​ങ്ങി എ​ല്ലാ​യി​ട​ത്തും ക​ൽ​പ​ന്തു​മാ​യി താ​ര​ങ്ങ​ൾ നി​റ​ഞ്ഞു​നി​ൽ​ക്കു​ന്നു.

മൂ​വാ​റ്റു​പു​ഴ ഫു​ട്ബാ​ൾ ക്ല​ബി​ന്റെ നേ​തൃ​ത്വ​ത്തി​ൽ ന​ഗ​ര​സ​ഭ​യു​മാ​യി സ​ഹ​ക​രി​ച്ച് ന​ഗ​ര​സ​ഭ ടൗ​ൺ ഹാ​ൾ ഗ്രൗ​ണ്ടി​ൽ 100 അ​ടി വ​ലു​പ്പ​മു​ള്ള കൂ​റ്റ​ൻ എ​ൽ.​ഇ.​ഡി സ്ക്രീ​നാ​ണ് മ​ത്സ​ര​ങ്ങ​ൾ കാ​ണാ​ൻ ഒ​രു​ക്കു​ന്ന​ത്. ഫാ​ൻ​സ് അ​സോ​സി​യേ​ഷ​നു​ക​ൾ സ​മൂ​ഹ​മാ​ധ്യ​മ​ങ്ങ​ളി​ൽ കൂ​ട്ടാ​യ്മ ഉ​ണ്ടാ​ക്കി പ്ര​ചാ​ര​ണ​ങ്ങ​ളും ആ​ഘോ​ഷ​ങ്ങ​ളും ആ​രം​ഭി​ച്ചു ക​ഴി​ഞ്ഞു.

എ​തി​ർ ടീ​മി​ലെ താ​ര​ങ്ങ​ളെ ഉ​ൾ​പ്പെ​ടു​ത്തി​യ ട്രോ​ളു​ക​ൾ സൃ​ഷ്ടി​ച്ചു​ള്ള മ​ത്സ​ര​മാ​ണ് ഏ​റെ​യും. മെ​സി​യും നെ​യ്മ​റും റൊ​ണാ​ൾ​ഡോ​യു​മെ​ല്ലാം ട്രോ​ളു​ക​ളി​ൽ നി​റ​യു​ക​യാ​ണ്. ആ​ഘോ​ഷ​ങ്ങ​ൾ​ക്കു പ​ണം ക​ണ്ടെ​ത്താ​ൻ ബി​രി​യാ​ണി ച​ല​ഞ്ച്, പാ​യ​സ ച​ല​ഞ്ച് എ​ന്നി​വ​ക്കും തു​ട​ക്ക​മാ​യി.