സപ്ലൈകോയുടെ ഓണക്കിറ്റിൽ കുടുംബശ്രീയുടെ ശർക്കര വരട്ടിയും ചിപ്സും

തിരുവനന്തപുരം: ഇത്തവണ ഓണത്തിന് സംസ്​ഥാനത്തെ 88 ലക്ഷം റേഷൻ കാർഡുടമകൾക്ക് സ​​ൈപ്ലകോ വഴി വിതരണം ചെയ്യുന്ന ഓണക്കിറ്റിൽ കുടുംബശ്രീയുടെ മധുരവും. കിറ്റിൽ ഉൾപ്പെടുത്താനുള്ള നൂറ്​ ഗ്രാം വീതമുള്ള ശർക്കര വരട്ടിയും ചിപ്സും നൽകുന്നത് കുടുംബശ്രീയാണ്.

സപ്ലൈകോയിൽനിന്ന്​ 5.41 കോടി രൂപയുടെ ഓർഡർ കുടുംബശ്രീക്ക്​ ലഭിച്ചു. സംരംഭകർ തയാറാക്കിയ ശർക്കര വരട്ടിയുടെ പതിനേഴ് ലക്ഷം പാക്കറ്റുകളും ചിപ്സി​െൻറ 16,060 പായ്ക്കറ്റുകളും സപ്ലൈകോക്ക്​ കൈമാറി. കരാർ പ്രകാരം വിതരണം ചെയ്യാൻ ബാക്കിയുള്ളത്​ എത്തിക്കാനുള്ള പ്രവർത്തനങ്ങളും ഈർജിതമാക്കി.

പാക്കറ്റ് ഒന്നിന് ജി.എസ്​.ടി ഉൾപ്പെടെ 29.12 രൂപയാണ്​ സപ്ലൈകോ സംരംഭകർക്ക് നൽകുന്നത്​. സംരംഭകർ ഡിപ്പോയിൽ ഉൽപന്നങ്ങൾ എത്തിക്കുന്ന മുറക്ക്​ നേരിട്ട് അവരുടെ അക്കൗണ്ടിലേക്ക് പണം നൽകും. കുടുംബശ്രീക്ക്​ കീഴിലെ ഇരുന്നൂറിലേറെ കാർഷിക സൂക്ഷ്മസംരംഭ യൂനിറ്റുകളാണ് ഉൽപന്നങ്ങൾ തയാറാക്കുന്നത്.

ജില്ല മിഷൻ അധികൃതരുടെ പിന്തുണയോടെ സംസ്​ഥാനത്ത് സ​ൈപ്ലകോയുടെ കീഴിലുള്ള 56 ഡിപ്പോകളിലേക്കുള്ള ഉൽപന്ന വിതരണമാണ് ഇപ്പോൾ പുരോഗമിക്കുന്നത്. ഉൽപന്നങ്ങൾ തയാറാക്കുന്നതിന് രണ്ടര ലക്ഷത്തിലേറെ വനിത കർഷക സംഘങ്ങളിൽ നിന്നുള്ള നേന്ത്രക്കായ സംഭരണവും കാര്യക്ഷമമാക്കി.