വൈവിധ്യങ്ങളുടെ രുചിക്കൂട്ടുമായി കേക്ക് വിപണി; പ്ലം ​ത​ന്നെ രാ​ജാ​വ്​

കാ​യം​കു​ളം: ക്രി​സ്മ​സി​ന് മ​ധു​രം പ​ക​രാ​ൻ കേ​ക്ക് വി​പ​ണി സ​ജീ​വം. ബേ​ക്ക​റി​ക​ളും സൂ​പ്പ​ർ മാ​ർ​ക്ക​റ്റു​ക​ളും രു​ചി​വൈ​വി​ധ്യ​ങ്ങ​ളു​ടെ കേ​ക്കു​ക​ളാ​ൽ നി​റ​ഞ്ഞി​രി​ക്കു​ക​യാ​ണ്. ചെ​റി​യും ചോ​ക്ലേ​റ്റ് പൂ​ക്ക​ളും ഒ​രു​ക്കി​യു​ള്ള അ​ല​ങ്കാ​ര​ങ്ങ​ളാ​ണ് കേ​ക്കു​ക​ളെ ശ്ര​ദ്ധേ​യ​മാ​ക്കു​ന്ന​ത്. മാ​ർ​ബി​ൾ, ഈ​ന്ത​പ്പ​ഴം, ച​ക്ക​പ്പ​ഴം, പൈ​നാ​പ്പി​ൾ, ഐ​സി​ങ്, ബ​നാ​ന, കാ​ര​റ്റ്, കോ​ഫി ക്ര​ഞ്ച്, എ​ഗ്ല​സ്, ചോ​ക്ലേ​റ്റ്, ക്രീം, ​ചെ​റി, ഫാ​ൻ​സി ബ​ട്ട​ർ, റി​ച്ച് ഫ്രൂ​ട്ട് തു​ട​ങ്ങി വി​വി​ധ ത​ര​ങ്ങ​ളി​ലു​ള്ള കേ​ക്കു​ക​ളു​ണ്ട്.

എ​ങ്കി​ലും പ്ലം ​കേ​ക്കു​ക​ൾ​ക്കാ​ണ് ഏ​റെ പ്രി​യം. പ്ര​മേ​ഹ രോ​ഗി​ക​ൾ​ക്കാ​യി ഷു​ഗ​ർ ഫ്രീ ​കേ​ക്കു​ക​ളും ത​യാ​റാ​ണ്. ഹോം ​മെ​യ്ഡ് കേ​ക്കു​ക​ൾ​ക്കും ആ​വ​ശ്യ​ക്കാ​ർ ഏ​റെ​യാ​ണ്. പ്ര​ത്യാ​ശ​യു​ടെ സ​ന്ദേ​ശ​വു​മാ​യി എ​ത്തു​ന്ന ക്രി​സ്മ​സി​ന് സ്നേ​ഹം പ​ങ്കു​വെ​ക്കാ​നാ​യി കേ​ക്കു​ക​ളാ​ണ് പ്ര​ധാ​ന​മാ​യും കൈ​മാ​റു​ന്ന​ത്. ഇ​തി​ന്റെ ക​ച്ച​വ​ട തി​ര​ക്കു​ക​ളു​മാ​യി വി​പ​ണി​യും ഉ​ണ​ർ​ന്നു.

വീ​ടു​ക​ളി​ൽ ഉ​ണ്ടാ​ക്കു​ന്ന കേ​ക്കു​ക​ളും വി​ൽ​പ​ന​ക്കു​ണ്ട്. സ്വ​ന്ത​മാ​യി കേ​ക്ക്​ നി​ർ​മി​ക്കു​ന്ന നി​ര​വ​ധി​പേ​ർ​ക്ക്​ ​ക്രി​സ്മ​സ്​ വി​പ​ണി ചാ​ക​ര​യാ​ണ്. കോ​വി​ഡ്​ കാ​ല​ത്ത്​ കേ​ക്കി​ൽ പ​രീ​ക്ഷ​ണം തു​ട​ങ്ങി​യ പ​ല വീ​ട്ട​മ്മ​മാ​ർ​ക്കും ഇ​ന്ന്​​ ഇ​ത്​ ജീ​വ​നോ​പാ​ധി​യാ​ണ്. ബ​ട്ട​ർ, കാ​ര​റ്റ്, ഈ​ന്ത​പ്പ​ഴം അ​ട​ങ്ങി​യ പു​ഡി​ങ്ങ്​ കേ​ക്കു​ക​ളും വീ​ട്ട​മ്മ​മാ​ർ ത​യാ​റാ​ക്കു​ന്നു​ണ്ട്. ​പ്ര​മു​ഖ ക​ട​ക്കാ​ർ സ്വ​ന്തം പേ​രി​ലും കേ​ക്കു​ക​ൾ നി​ർ​മി​ച്ച്​ വി​ൽ​ക്കു​ന്നു​ണ്ട്.

ക്രി​സ്മ​സ്​ സ്​​പെ​ഷ​ൽ വി​ന്‍റ​ർ പ്ലം ​കേ​ക്ക്, ബ്ലാ​ക്ക്​ ലേ​ബ​ൽ, പ്ര​സി​ഡ​ന്‍റ്​ പ്രൈം ​പ്ലം ​കേ​ക്ക്​ തു​ട​ങ്ങി​യ പേ​രു​ക​ളി​ലു​മു​ണ്ട്​ കേ​ക്കു​ക​ൾ. കി​ലോ​ക്ക്​ 500 രൂ​പ മു​ത​ൽ 1000 രൂ​പ​വ​രെ​യാ​ണ്​ വി​ല. പാ​ക്കി​ങ്ങി​ൽ പു​തു​മ​നി​റ​ക്കു​ന്ന ക്രി​സ്മ​സ്​ പാ​പ്പാ കേ​ക്കു​ക​ളും വി​പ​ണി​യി​ലു​ണ്ട്.

(തു​ട​രും)